Bene Lefi 7
7
Milambu yakumana milandu
1“Iyi njimilawo ya pamilambu yakumana milandu iyo isalalite abuumbi. 2Munyama wa pamulambu uyo ulyeelete kucailwa uko kucailwa banyama ba milambu yakutenta, alimwi bulowa bwa munyama uyo bulyeelete kusanseelwa kumbasu shone shoonse sha cipaililo. 3Mafuta anguwe oonse alaakukushikwa akubengwa pacipaililo. Nkokwaamba ayi mucila ucite mafuta, mafuta a kushamukati, 4insa shoonse shobilo amafuta a nshisho, alimwi acipansha cibotu ca lini. 5Lyalo mupailishi ulaakutenta mafuta oonse pacipaililo ayi ncipo ca shakulya kuli ndime neMwaami Lesa. Uyu ngumulambu wakumana milandu. 6Musankwa woonse wa mumikowa ya bupailishi inga walya mulambu uyu, sombi ulyeelete kulitwa mumusena usalalite, ceebo ulisalalite abuumbi.
7“Ono pali mulawo womwi pamulambu wakulekelelwa shibiibi alimwi amulambu wakumana milandu. Mulawo uyu ngwakwaamba ayi nyama nja mupailishi uyo ubenga mulambu uyo. 8Cipaya ca munyama wapekwa ayi ngumulambu wakutenta nca mupailishi ubenga mulambu uyo. 9Cipo coonse ca fulaulo cakapangilwa mucitofu, cikaye nabi paceela ciselebete, nca mupailishi uyo ucipa kuli Lesa. 10Sombi cipo coonse ca fulaulo citana kutelekwa, cisenkene amafuta nabi citana, nca bana bakwe Aloni bapailishi boonse, alimwi kwaabana shipansha sheelene.
Milambu ya bwanabwankashi
11“Iyi njimilawo ya pamilambu ya bwanabwankashi ipekwa kuli ndime neMwaami Lesa. 12Na muntu wabenga mulambu uyo ayi ube wakulumba Lesa, pamunyama uyo ngwaabenga ulyeelete kwiilikawo cipo ca shimaande. Shimaande ishi shilyeelete kuba shinene shakapangwa kufulaulo wakusenkanya amafuta a olifi, tumaande tupampamene tunanikitwe amafuta a olifi nabi shinkwa ubotu wamise wa fulaulo usenkene amafuta a olifi. 13Ulaakwiilikaawo alimwi shinkwa. 14Ulaakupa cipansha comwi comwi kuswa kumishobo yoonse ya shimaande alimwi ashinkwa ayi ncipo cipuseneeko cipekwa kuMwaami Lesa. Cipo ico nca mupailishi uyo usanseela bulowa bwa munyama kucipaililo. 15Nyama yoonse ya mulambu wa bwanabwankashi uyo ilyeelete kulikwa pabushiku bweenka mbowabengwa. Taaku yeelete kucaalaako kushikila amacuunsa.
16“Ono na muntu umwi waleta mulambu wa bwanabwankashi ceebo wakashomesha cakulumbila kucita boobo nabi kwiinda mukuyanda kwakwe mwiine, nyama ilaakulikwa pabushiku bweenka mbowabengwa. Sombi na yacaalaawo, ilakonsha kulikwa bushiku buboolaawo. 17Nyama yoonse yeenga yacaalaawo kushikila apabushiku bwatatu ilyeelete kutentwa. 18Ceebo na imwi yalikwa pabushiku bwatatu, Lesa teshi akatambule mulambu wa muntu uyo. Mulambu uyo teshi ukatambulweewo, sombi ulaakuboneka ayi toosalalite, alimwi woonse eshi akoolye, ulaakupekwa mulandu weelete. 19Na nyama iyo yakumya cimwi cintu citasalalite kweelana aMilawo, nyama iyo tayeelete kulikwa, sombi kutentwa.
“Uyo woonse usalalite kweelana amulawo inga walya nyama ya mulambu uyo, 20sombi na utasalalite kweelana aMilawo weelya, teshi akanoociyeeyelwa kuba mulikoto lya bantu bakwe Lesa. 21Alimwi na umwi walya nyama ya mulambu wa bwanabwankashi pakuswa mukukumya cintu cimwi citasalalite kweelana aMilawo, cakumuntu nabi kumunyama, muntu uyo teshi akanoociyeeyelwa kuba mulikoto lya bantu bakwe Lesa.”
22Mpomunyaawo Mwaami Lesa wakaambila Mose ayi, 23“Lwiita bene Isilaeli ayi taaku mafuta a ŋombe, mbelele nabi mpongo eelete kulikwa. 24Mafuta a munyama wafwa mwiine nabi wacaikwa kumunyama wa muluundu taaelete kulikwa, sombi inga asebenseshekwa kumilimo imwi yoonse. 25Uyo woonse weenga walya mafuta a munyama wakapekwa ayi ngumulambu wa shakulya kuli ndime neMwaami Lesa teshi akanoociyeeyelwa kuba mulikoto lya bantu bakwe Lesa. 26Kuli koonse uko bene Isilaeli nkweenga kabashiite, tabeelete kulya bulowa bwa bayuni nabi banyama. 27Anu uyo woonse weenga walya bulowa, teshi akanoociyeeyelwa kuba mulikoto lya bantu bakwe Lesa.”#Mata 9:4; Bene Lefi 17:10-14; 19:26; Duto 12:16, 23; 15:23
Cipansha ca mupailishi
28Lyalo Mwaami Lesa wakaambila Mose ayi, 29“Lwiita bene Isilaeli ayi uyo woonse weenga wabenga mulambu wa bwanabwankashi, ulyeelete kuleta cipansha cimwi ayi ngumulambu upuseneeko ubengwa kuli ndime neMwaami Lesa. 30Ulyeelete kucileta amaansaakwe ayi ngumulambu wa shakulya. Ulaakuleta amafuta a munyama uyo alimwi antiti yakwe akutambeeka ntiti kunembo lyangu neMwaami Lesa ayi ngumulambu wakutambeeka. 31Mpeeke mupailishi ulaakutenta mafuta pacipaililo, sombi ntiti nja bapailishi. 32Mweendo wakatako walulyo ulaakupekwa ayi ncipo cipuseneeko 33ca mupailishi uyo ubenga bulowa alimwi amafuta a mulambu wa bwanabwankashi. 34Ntiti alimwi amweendo wakatako walulyo kumunyama ncipo cipuseneeko citambulwa kuli ndime neMwaami Lesa kuswa kubene Isilaeli akupekwa kubapailishi. Ici bene Isilaeli ncebeelete kunoopa bapailishi lyoonsebo.”
35Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi. 36Pabushiku ubo, Mwaami Lesa wakaambila bene Isilaeli ayi banoopa bapailishi cipansha ici ca mulambu. Uyu ngumulawo bene Isilaeli ngobeelete kunookonkela lyoonsebo.
37Anu iyi njemilawo ya pamilambu yakutenta, cipo ca fulaulo, milambu yakulekelelwa shibiibi, milambu yakumana milandu, milambu yakubika bantu pabupailishi alimwi amilambu ya bwanabwankashi. 38PaKalundu ako ka Sinayi muluyanga, Mwaami Lesa mpwaakapeta bene Isilaeli milawo kwiinda muli Mose, pabushiku ubo ndyaakabaambila ayi banoopa milambu alimwi ashipo.
Currently Selected:
Bene Lefi 7: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Bene Lefi 7
7
Milambu yakumana milandu
1“Iyi njimilawo ya pamilambu yakumana milandu iyo isalalite abuumbi. 2Munyama wa pamulambu uyo ulyeelete kucailwa uko kucailwa banyama ba milambu yakutenta, alimwi bulowa bwa munyama uyo bulyeelete kusanseelwa kumbasu shone shoonse sha cipaililo. 3Mafuta anguwe oonse alaakukushikwa akubengwa pacipaililo. Nkokwaamba ayi mucila ucite mafuta, mafuta a kushamukati, 4insa shoonse shobilo amafuta a nshisho, alimwi acipansha cibotu ca lini. 5Lyalo mupailishi ulaakutenta mafuta oonse pacipaililo ayi ncipo ca shakulya kuli ndime neMwaami Lesa. Uyu ngumulambu wakumana milandu. 6Musankwa woonse wa mumikowa ya bupailishi inga walya mulambu uyu, sombi ulyeelete kulitwa mumusena usalalite, ceebo ulisalalite abuumbi.
7“Ono pali mulawo womwi pamulambu wakulekelelwa shibiibi alimwi amulambu wakumana milandu. Mulawo uyu ngwakwaamba ayi nyama nja mupailishi uyo ubenga mulambu uyo. 8Cipaya ca munyama wapekwa ayi ngumulambu wakutenta nca mupailishi ubenga mulambu uyo. 9Cipo coonse ca fulaulo cakapangilwa mucitofu, cikaye nabi paceela ciselebete, nca mupailishi uyo ucipa kuli Lesa. 10Sombi cipo coonse ca fulaulo citana kutelekwa, cisenkene amafuta nabi citana, nca bana bakwe Aloni bapailishi boonse, alimwi kwaabana shipansha sheelene.
Milambu ya bwanabwankashi
11“Iyi njimilawo ya pamilambu ya bwanabwankashi ipekwa kuli ndime neMwaami Lesa. 12Na muntu wabenga mulambu uyo ayi ube wakulumba Lesa, pamunyama uyo ngwaabenga ulyeelete kwiilikawo cipo ca shimaande. Shimaande ishi shilyeelete kuba shinene shakapangwa kufulaulo wakusenkanya amafuta a olifi, tumaande tupampamene tunanikitwe amafuta a olifi nabi shinkwa ubotu wamise wa fulaulo usenkene amafuta a olifi. 13Ulaakwiilikaawo alimwi shinkwa. 14Ulaakupa cipansha comwi comwi kuswa kumishobo yoonse ya shimaande alimwi ashinkwa ayi ncipo cipuseneeko cipekwa kuMwaami Lesa. Cipo ico nca mupailishi uyo usanseela bulowa bwa munyama kucipaililo. 15Nyama yoonse ya mulambu wa bwanabwankashi uyo ilyeelete kulikwa pabushiku bweenka mbowabengwa. Taaku yeelete kucaalaako kushikila amacuunsa.
16“Ono na muntu umwi waleta mulambu wa bwanabwankashi ceebo wakashomesha cakulumbila kucita boobo nabi kwiinda mukuyanda kwakwe mwiine, nyama ilaakulikwa pabushiku bweenka mbowabengwa. Sombi na yacaalaawo, ilakonsha kulikwa bushiku buboolaawo. 17Nyama yoonse yeenga yacaalaawo kushikila apabushiku bwatatu ilyeelete kutentwa. 18Ceebo na imwi yalikwa pabushiku bwatatu, Lesa teshi akatambule mulambu wa muntu uyo. Mulambu uyo teshi ukatambulweewo, sombi ulaakuboneka ayi toosalalite, alimwi woonse eshi akoolye, ulaakupekwa mulandu weelete. 19Na nyama iyo yakumya cimwi cintu citasalalite kweelana aMilawo, nyama iyo tayeelete kulikwa, sombi kutentwa.
“Uyo woonse usalalite kweelana amulawo inga walya nyama ya mulambu uyo, 20sombi na utasalalite kweelana aMilawo weelya, teshi akanoociyeeyelwa kuba mulikoto lya bantu bakwe Lesa. 21Alimwi na umwi walya nyama ya mulambu wa bwanabwankashi pakuswa mukukumya cintu cimwi citasalalite kweelana aMilawo, cakumuntu nabi kumunyama, muntu uyo teshi akanoociyeeyelwa kuba mulikoto lya bantu bakwe Lesa.”
22Mpomunyaawo Mwaami Lesa wakaambila Mose ayi, 23“Lwiita bene Isilaeli ayi taaku mafuta a ŋombe, mbelele nabi mpongo eelete kulikwa. 24Mafuta a munyama wafwa mwiine nabi wacaikwa kumunyama wa muluundu taaelete kulikwa, sombi inga asebenseshekwa kumilimo imwi yoonse. 25Uyo woonse weenga walya mafuta a munyama wakapekwa ayi ngumulambu wa shakulya kuli ndime neMwaami Lesa teshi akanoociyeeyelwa kuba mulikoto lya bantu bakwe Lesa. 26Kuli koonse uko bene Isilaeli nkweenga kabashiite, tabeelete kulya bulowa bwa bayuni nabi banyama. 27Anu uyo woonse weenga walya bulowa, teshi akanoociyeeyelwa kuba mulikoto lya bantu bakwe Lesa.”#Mata 9:4; Bene Lefi 17:10-14; 19:26; Duto 12:16, 23; 15:23
Cipansha ca mupailishi
28Lyalo Mwaami Lesa wakaambila Mose ayi, 29“Lwiita bene Isilaeli ayi uyo woonse weenga wabenga mulambu wa bwanabwankashi, ulyeelete kuleta cipansha cimwi ayi ngumulambu upuseneeko ubengwa kuli ndime neMwaami Lesa. 30Ulyeelete kucileta amaansaakwe ayi ngumulambu wa shakulya. Ulaakuleta amafuta a munyama uyo alimwi antiti yakwe akutambeeka ntiti kunembo lyangu neMwaami Lesa ayi ngumulambu wakutambeeka. 31Mpeeke mupailishi ulaakutenta mafuta pacipaililo, sombi ntiti nja bapailishi. 32Mweendo wakatako walulyo ulaakupekwa ayi ncipo cipuseneeko 33ca mupailishi uyo ubenga bulowa alimwi amafuta a mulambu wa bwanabwankashi. 34Ntiti alimwi amweendo wakatako walulyo kumunyama ncipo cipuseneeko citambulwa kuli ndime neMwaami Lesa kuswa kubene Isilaeli akupekwa kubapailishi. Ici bene Isilaeli ncebeelete kunoopa bapailishi lyoonsebo.”
35Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi. 36Pabushiku ubo, Mwaami Lesa wakaambila bene Isilaeli ayi banoopa bapailishi cipansha ici ca mulambu. Uyu ngumulawo bene Isilaeli ngobeelete kunookonkela lyoonsebo.
37Anu iyi njemilawo ya pamilambu yakutenta, cipo ca fulaulo, milambu yakulekelelwa shibiibi, milambu yakumana milandu, milambu yakubika bantu pabupailishi alimwi amilambu ya bwanabwankashi. 38PaKalundu ako ka Sinayi muluyanga, Mwaami Lesa mpwaakapeta bene Isilaeli milawo kwiinda muli Mose, pabushiku ubo ndyaakabaambila ayi banoopa milambu alimwi ashipo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.