YouVersion Logo
Search Icon

2 Timoti 1

1
1Ndime Paulo mutumwi wakwe Klistu Jesu kwiinda mukuyanda kwakwe Lesa, wakatumwa kushimikila sha buumi mbotwashomeshekwa ubo mbotucite muli Klistu Jesu. 2Ntoolembela ndiwe Timoti omwanaangu usunikwi.
Luse, nkumbu aluumuno shibe awebo kuswa kuli Lesa Ishiwesu aKlistu Jesu Mwaami wesu.#Mili 16:1
Kulumba akuyumyayumya
3Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi. 4Ndeebaluka kulila kwako alimwi ndisunishi kwisa mukukubona kwaamba ayi nkasangalale abuumbi. 5Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.#Mili 16:1 6Paceebo ceeco ntookwiibalusha ayi ubikeko maano kucipo cakakupa Lesa ndindakabika maansa pali ndiwe. 7Ceebo Mushimu Lesa ngwaakatupa tootulengeshi kuba aboowa, sombi ulatupa nkusu, lusuno akulitibuka.
8Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa. 9Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika. 10Sombi bulya Lesa wakatuyubulwita shintu ishi kwiinda mukwisa kwa Mupulushi wesu Klistu Jesu. Lakwe ngowakamanisha nkusu sha lufu akutondesha buumi butamaani kwiinda muMakani Abotu.
11Lesa wakansala kuba mutumwi amufundishi kwaamba ayi nshimikile Makani Abotu.#1 Timo 2:7 12Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha. 13Catisha kukonkela maswi alushinisho ayo ngondakakwiisha kwaamba ayi abe citondesho cakukonkela. Kocita boobo mulushomo alusuno ulo ndotucite muli Klistu Jesu. 14Kwiinda munkusu sha Mushimu Usalashi uyo ukala muli ndiswe, kobamba kabotu shintu shibotu isho nshewakapekwa ayi ulame.
15Ulishi kale kwaamba ayi boonse mucishi ca Esha bakampalangana, pakati kabo pali Figelasi alimwi aEmojenesi. 16Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo, 17sombi ndyaakashikabo muLoma wakatalika kunangoola kushikila wancana. 18Nkumbu shakwe Lesa shikabe anguwe pabushiku bwakoombolosha. Webo ulishi kale kabotu kufula kwa shintu nshaakancitila muEfeso.

Currently Selected:

2 Timoti 1: BBBLI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy