1 Joni 1
1
Liswi lipa Buumi
1Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.#Joni 1:1 2Buumi ubu bwakayubululwa, mpeeke twakabubona. Tutoomwishibisha akumusansulwita shabuumi butamaani ubo bwakalinga aIshiwesu alimwi akuboneka kuli ndiswe.#Joni 1:14 3Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu. 4Twalemba makani aya kwaamba ayi kusangalala kwesu kumaninine.
Lesa ngumumuni
5Ono makani ngotwakanyumfwa kuMwanaakwe ayo ngotutoomushimikila, ngakwaamba ayi Lesa ngumumuni alimwi muli nguwe taamu munshinshe. 6Ono na twaamba ayi tulekala mubwanabwankashi aLesa, sombi katweenda mumunshinshe, nkokwaamba ayi tuli babeshi mukwaamba amumicito yesu. 7Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.
8Ono na twaamba ayi tatubishi, cilaamba ayi tutoolibeca sobeene alimwi lushinisho lwakwe Lesa talubete muli ndiswe. 9Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme. 10Na twaamba ayi tatuna kubishaawo, cilyeelenebo akwaamba ayi Lesa ngumubeshi alimwi maswi akwe taamo muli ndiswe.
Currently Selected:
1 Joni 1: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.