BI NGI ISRAYELEY 21
21
Ɓimujuwa vur beke Heberey
1Bumbulvuŋ a ɓa Moyise ma: Pura ɓi micica mekelemey ani, ɓa ki ɓa taŋ njah njah da mizli: 2Da ki hiɗik beke le i mbur Heber na, a sa gi beke vi merkeɗe, vi mitarnaˀ naŋ na, a bi, i beke mata, ko a wuruk neˀ ta. 3Da i mikila zleˀe na, naɓa a bi pal naŋ, da naŋ zleˀe ti ngwas na, a bam ati ngwas naŋ. 4Da muɗuvaŋ ngwasa i buy naŋ zleˀe, yo ngwas naŋ a yi ziri mizile malla mongosohoy le na, ngwas naŋ ati ziri, a sa ndiram da buy taŋ, amma naŋ, a sa bi pal naŋ ɓula. 5Na da beke a ɓi le njah: «I wuɗ buy ɗu, ngwas ɗu ati ziri ɗuwoyo, y'anta bi ɓa i tiri diimu ta na, 6buy naŋ a sa ga sedewo naŋ a mbuŋ Buymisemuŋ, a sa cica gumbaˀ da miviŋ, malla da dum ngi miviŋ ngi hay, a slinaŋ slimiɗe ti sumuŋ. Akẽh na, a tiri le i beke naŋ ngi sete. 7Yo da mbur a hiɗika zuŋ naŋ mongoso le na, anta sa bo kaɓa beke mizilehey na ta. 8Da buy naŋ a hiɗika zleˀe ngi gi di ngwasa, na da a ɓulaŋ mi le muduba na, sey a pula cine a mbiɗa hirnga nah, jiviɗ ngi hiɗik naŋ da mulakay anta, kite a njikaŋ ti njiki. 9Yo da a hiɗika da mangal naŋ na, sey a gi di weˀe kaɓa magam ti ziri mongosohoyo. 10Da ko buy naŋ a zuɓ ngwas mekelem le kwana, gwat ngi zum, zana malla cifi ati zile a ndir nga naŋ nga naŋ. 11Da zil anta gaŋ gwat mimakir hanayna ta na, a bi ngataraŋ, ko a vul dala ta.
Mungra mindila le ngi pula cuwal
12«Mbur mikiɗ mbur le vagay na, a sa kiɗaka vagay aya. 13Amma da naŋ anta ti wuluk ngi kiɗ naŋ zleˀe ta, i Buymisemuŋ muzuwulaŋ di na, i sa bugukum li naŋ masa kil ng'araŋ. 14Amma da mbur a ro ti mevel fõh fõh ar mbur cil naŋ, a gi wer, a kiɗa le vagay, ko da a ɗum le ti li gi mikuli ɗu kwana, jakaŋ, ara kiɗaka vagay. 15Mbur makiɗ cine malla mumuŋ na, a sa kiɗaka vagay. 16Mbur muhul mbur titira le na, ko da a hiɗika le avra, malla naŋ da a hay naŋ aruŋ kwana, a sa kiɗaka vagay. 17Mbur maza cine malla mumuŋ na, a sa kiɗaka vagay.»
Kiɗavu ti waˀa malla manja waˀa
18Da kaɓa ani, mizli a tiram, mekelem a kiɗa numuŋ ti haŋ turɓus malla a hiziga ti ɗugur, amma a muc ta, a hina le tup a ruwuy ɓula, 19da a slikiɗ, a puluk ti mejegeɗe ng'avra gu na, naɓa mbur mikiɗ naŋ a bi himiɗ le. Mindir sey a wurkaŋ hin naŋ migi slra ta na, yo a vulaŋ slalaka, sey da naŋ mumbul le. 20Yo da mbur a kiɗa beke naŋ mizile malla mongoso le vagay ti ganday na, a sa pulaka cuwal naŋ avu naŋ vuna tehhe. 21Amma da a muc ar hin mudumbuŋ malla mucuw naŋ mata na, anta sa pulaka cuwal naŋ mata, asi i zlili naŋ zleˀe. 22Yo da ziley makiɗam vu, a mbuzlam ngwas misi ti hur le, a yi le kiya horof, mungra mekeleme anta na, mbur mumbuzl naŋ a wurka gwat zil macufuɗ ava na, a wurka a mbuŋ migi kiitahay. 23Amma da mungra mekelem a gi le na, mumbuzl naŋ na, a sa wurka siifa ti siifa ya. 24Hiri ti hiri aya, sliŋ ti sliŋ aya, haŋ ti haŋ aya, sar ti sar aya, 25wur ti vu ti wur aya, waˀa ti waˀa ya, kiɗe ti kiɗ aya. 26Yo da mbur a zuro hiri ngi beke naŋ mizile malla mongoso le na, a sa pulaŋ i diimu, ar deɗe ngi hiri naŋ tuwa. 27Yo da a ngilaŋ di i sliŋ na, a sa pulaŋ i diimu, ar deɗe ngi sliŋ naŋ tuwaŋ. 28Yo da sla a kiɗ mbur mizile malla ngwas le vagay ti durum na, a sa kuyupaka sla nah ti ɗugur, a zumaka useˀ naŋ ta, naɓa buy ngi sla a bi himiɗ le. 29Na, da sla a sirik le gi kiɗa vu zleˀe, a ɓaka le ɗaˀ ɗaˀ le da buy naŋ, yo a jigina ta. Da a sa kiɗ mbur le vagay na, a kuyupoko sla nah ti ɗugur, a kiɗaka buy naŋ vuna vagay aya. 30Da a tikakaˀay le da buy ngi sla ɓa a mbiɗa hirnga naŋ na, micakaŋ wuruk le gar na, a wurka. 31Da a kiɗ di i mangal mizile, ko i zuŋ mongoso kwana, a sa gakaŋ di i gwat misi purla. 32Da a kiɗ di i beke zil malla ngwas na, buy ngi sla a wuruk suloy kukur makir da buy ngi beke vuna, a kuyupoko sla ti ɗugur. 33Da mbur a li vigiɗ ngi yam malla vigiɗ ngi zay le, a gica mi naŋ ta, da sla malla zungu ngi mbur a diɗ le ara na, 34mbur mila vigiɗe, a wurka ginewe ti dala, a zuɓa vagay ngi ginewe da naŋ. 35Da sla ngi mbur a zliga sla ngi cil naŋ le na, buy ngi shalay a sa hiɗikaka sla misi titiri na, cuw taŋ, a wunkaka dala nah, a wunkaka useˀ ngi sla mumuca na ma. 36Da sla nah a sirik le ngi kiɗa vu zlezle, mizli a sinaka le, yo buy naŋ a jigina ta na, a ji sla kaw ar deɗe ngi mikiɗa na, a zuɓa sla mumuca da naŋ.
Hulo ginewey
37Da mbur a hul sla le, tumuŋ malla ˀaw, a sla ˀay naŋ le malla a hiɗika le avra na, a sa wurka sla, sla zlum, tumuŋ, tumuŋ mufaɗ, ˀawa, ˀaw mufaɗ.
Currently Selected:
BI NGI ISRAYELEY 21: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 21
21
Ɓimujuwa vur beke Heberey
1Bumbulvuŋ a ɓa Moyise ma: Pura ɓi micica mekelemey ani, ɓa ki ɓa taŋ njah njah da mizli: 2Da ki hiɗik beke le i mbur Heber na, a sa gi beke vi merkeɗe, vi mitarnaˀ naŋ na, a bi, i beke mata, ko a wuruk neˀ ta. 3Da i mikila zleˀe na, naɓa a bi pal naŋ, da naŋ zleˀe ti ngwas na, a bam ati ngwas naŋ. 4Da muɗuvaŋ ngwasa i buy naŋ zleˀe, yo ngwas naŋ a yi ziri mizile malla mongosohoy le na, ngwas naŋ ati ziri, a sa ndiram da buy taŋ, amma naŋ, a sa bi pal naŋ ɓula. 5Na da beke a ɓi le njah: «I wuɗ buy ɗu, ngwas ɗu ati ziri ɗuwoyo, y'anta bi ɓa i tiri diimu ta na, 6buy naŋ a sa ga sedewo naŋ a mbuŋ Buymisemuŋ, a sa cica gumbaˀ da miviŋ, malla da dum ngi miviŋ ngi hay, a slinaŋ slimiɗe ti sumuŋ. Akẽh na, a tiri le i beke naŋ ngi sete. 7Yo da mbur a hiɗika zuŋ naŋ mongoso le na, anta sa bo kaɓa beke mizilehey na ta. 8Da buy naŋ a hiɗika zleˀe ngi gi di ngwasa, na da a ɓulaŋ mi le muduba na, sey a pula cine a mbiɗa hirnga nah, jiviɗ ngi hiɗik naŋ da mulakay anta, kite a njikaŋ ti njiki. 9Yo da a hiɗika da mangal naŋ na, sey a gi di weˀe kaɓa magam ti ziri mongosohoyo. 10Da ko buy naŋ a zuɓ ngwas mekelem le kwana, gwat ngi zum, zana malla cifi ati zile a ndir nga naŋ nga naŋ. 11Da zil anta gaŋ gwat mimakir hanayna ta na, a bi ngataraŋ, ko a vul dala ta.
Mungra mindila le ngi pula cuwal
12«Mbur mikiɗ mbur le vagay na, a sa kiɗaka vagay aya. 13Amma da naŋ anta ti wuluk ngi kiɗ naŋ zleˀe ta, i Buymisemuŋ muzuwulaŋ di na, i sa bugukum li naŋ masa kil ng'araŋ. 14Amma da mbur a ro ti mevel fõh fõh ar mbur cil naŋ, a gi wer, a kiɗa le vagay, ko da a ɗum le ti li gi mikuli ɗu kwana, jakaŋ, ara kiɗaka vagay. 15Mbur makiɗ cine malla mumuŋ na, a sa kiɗaka vagay. 16Mbur muhul mbur titira le na, ko da a hiɗika le avra, malla naŋ da a hay naŋ aruŋ kwana, a sa kiɗaka vagay. 17Mbur maza cine malla mumuŋ na, a sa kiɗaka vagay.»
Kiɗavu ti waˀa malla manja waˀa
18Da kaɓa ani, mizli a tiram, mekelem a kiɗa numuŋ ti haŋ turɓus malla a hiziga ti ɗugur, amma a muc ta, a hina le tup a ruwuy ɓula, 19da a slikiɗ, a puluk ti mejegeɗe ng'avra gu na, naɓa mbur mikiɗ naŋ a bi himiɗ le. Mindir sey a wurkaŋ hin naŋ migi slra ta na, yo a vulaŋ slalaka, sey da naŋ mumbul le. 20Yo da mbur a kiɗa beke naŋ mizile malla mongoso le vagay ti ganday na, a sa pulaka cuwal naŋ avu naŋ vuna tehhe. 21Amma da a muc ar hin mudumbuŋ malla mucuw naŋ mata na, anta sa pulaka cuwal naŋ mata, asi i zlili naŋ zleˀe. 22Yo da ziley makiɗam vu, a mbuzlam ngwas misi ti hur le, a yi le kiya horof, mungra mekeleme anta na, mbur mumbuzl naŋ a wurka gwat zil macufuɗ ava na, a wurka a mbuŋ migi kiitahay. 23Amma da mungra mekelem a gi le na, mumbuzl naŋ na, a sa wurka siifa ti siifa ya. 24Hiri ti hiri aya, sliŋ ti sliŋ aya, haŋ ti haŋ aya, sar ti sar aya, 25wur ti vu ti wur aya, waˀa ti waˀa ya, kiɗe ti kiɗ aya. 26Yo da mbur a zuro hiri ngi beke naŋ mizile malla mongoso le na, a sa pulaŋ i diimu, ar deɗe ngi hiri naŋ tuwa. 27Yo da a ngilaŋ di i sliŋ na, a sa pulaŋ i diimu, ar deɗe ngi sliŋ naŋ tuwaŋ. 28Yo da sla a kiɗ mbur mizile malla ngwas le vagay ti durum na, a sa kuyupaka sla nah ti ɗugur, a zumaka useˀ naŋ ta, naɓa buy ngi sla a bi himiɗ le. 29Na, da sla a sirik le gi kiɗa vu zleˀe, a ɓaka le ɗaˀ ɗaˀ le da buy naŋ, yo a jigina ta. Da a sa kiɗ mbur le vagay na, a kuyupoko sla nah ti ɗugur, a kiɗaka buy naŋ vuna vagay aya. 30Da a tikakaˀay le da buy ngi sla ɓa a mbiɗa hirnga naŋ na, micakaŋ wuruk le gar na, a wurka. 31Da a kiɗ di i mangal mizile, ko i zuŋ mongoso kwana, a sa gakaŋ di i gwat misi purla. 32Da a kiɗ di i beke zil malla ngwas na, buy ngi sla a wuruk suloy kukur makir da buy ngi beke vuna, a kuyupoko sla ti ɗugur. 33Da mbur a li vigiɗ ngi yam malla vigiɗ ngi zay le, a gica mi naŋ ta, da sla malla zungu ngi mbur a diɗ le ara na, 34mbur mila vigiɗe, a wurka ginewe ti dala, a zuɓa vagay ngi ginewe da naŋ. 35Da sla ngi mbur a zliga sla ngi cil naŋ le na, buy ngi shalay a sa hiɗikaka sla misi titiri na, cuw taŋ, a wunkaka dala nah, a wunkaka useˀ ngi sla mumuca na ma. 36Da sla nah a sirik le ngi kiɗa vu zlezle, mizli a sinaka le, yo buy naŋ a jigina ta na, a ji sla kaw ar deɗe ngi mikiɗa na, a zuɓa sla mumuca da naŋ.
Hulo ginewey
37Da mbur a hul sla le, tumuŋ malla ˀaw, a sla ˀay naŋ le malla a hiɗika le avra na, a sa wurka sla, sla zlum, tumuŋ, tumuŋ mufaɗ, ˀawa, ˀaw mufaɗ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.