BI NGI ISRAYELEY 20
20
Bumbulvuŋ muɗuva ɓihey kuruˀ da mizli naŋhay
(Pura Slu cuw 5.6-21)
1Dar Buymisemuŋ a ɓo ɓihey ani cek, a ɓi: 2I ya Bumbulvuŋ Buymisemuŋ ɗik, mubo ti ka tir beke a hirwuy Ezipte. 3Buymisemuŋ ɗik mekelem anta mbak ya ta. 4Ki ɗiy i kuli ko pal ta. Wuy ta na, gwat mibam vu ati gwat ngi muŋhoy, wuy ta na, gwat mibam vu ati gwat ngi ruwuyoy, wuy ta na, gwat mibam vu ati ngi si yamay na, ko ki ɗiyi pal le ta wãˀ. 5Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa. 6Amma da mbur ara wuɗiy, yo ara ja ɓimuɗuva ɗuwoy a hirnga na, i sa gaŋ mezle gbaˀ avu dideˀ dideˀ durmuk mbeˀ mbeˀe. 7Ki zila slimiɗ ngi Bumbulvuŋ Buymisemuŋ ɗike lambaˀ ta, asi mbur mazila slimiɗ ɗu lambaˀ na, ya Bumbulvuŋ i pula teˀ ta. 8Anja ki puyuk hirnga ti hin ngi sabata ta, i hin muvula le da ya Buymisemuŋ. 9Angi hin merkeɗ ngi slra na, ki ga gwat ɗikeye gar. 10Amma hin mitarnaˀ naŋ na, i sabat, hin muvula le da ya Bumbulvuŋ Buymisemuŋ ɗik, ki gi gwat ko neˀ ta, ko ka, ko ziri ɗikey, ko gawla ɗikey, ko ginew ɗikey, ko moholoy misi a hay ɗiki. 11Asi muŋ ati hirwuy, mubuliy ati gwat ngi raˀahay gar na, ya Bumbulvuŋ i ga taŋ angi hin merkeɗe, amma angi hin mitarnaˀ naŋ na, i musuk vu. Ya muɗuwula mi da sabat, i tiri di nga ya na, aseˀe. 12Ɗuva hirnga da bunuk ati munuko, ɓa Bumbulvuŋ Buymisemuŋ ɗike, a juw hutuŋ subur asi ruwuy naŋ muvuluw di na. 13Ki kiɗ hirnga ta. 14Ki gi madama ta. 15Ki hul ta. 16Ki gi sedewo ti slir ar mbur cil ɗike ta. 17«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.» 18Israyeley gar a cinam vuŋ mandisl, waɗ ˀay ngi tulum, taŋ gar a puraka wucuɗ ngi vuŋ le, waɗ muwã mangisi, a zlaka a jijikam kirkir ti zluwuno, a cicam zar zar avu muwã. 19A ɓaka Moyise: «Ka vuna, ɓa ndra di si na, naɓa i sa cinam si, amma anja i Buymisemuŋ maɓa ndra ti haŋ naŋ ta, naɓa i muc ndra!» 20Moyis a ɓa mizli: «Ki zluwunam ta! Buymisemuŋ muso ng'avu kum na, ɓa a ci a kwacay kum, a wuɗ ɓa ki sinakaŋ, naŋ i mbur madiɗaŋ, yo ɓa ki gam mungra ta.» 21Dar mizli a cicam zar zar avu muwã, amma Moyis a kirih ng'avi gazlavay mititim titim Buymisemuŋ misi ara tuwa.
Ɓimujuwa vur li gi mikuli
22Bumbulvuŋ a ɓa Moyise: «Ki sa ɓa Israyeleye na: Ya muɓukum baɗ ti muŋ na, ki puraka le ti hiri kumo takwa. 23Anja kisa gam ti ya kaɓa kuli miɗiya ti ɓiri gaza malla ti ɓiri tapasl tapasl ta, anja ki ɗiyam vuna ta si. 24Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi. 25Amma da ki wuɗam le ɓa ki ndirikiy li gi mikuli ti ɗugur na, ki ndirikiy di ti ɗugur mubusla ti busl ta, asi kum masa buslaka ti mulngama na, a sa tiri i ɗugur ho lambaˀa. 26Ki sa ndirikiy li gi mikuli, i ngi jiɗ ti jiɗ ta, vur mizli mapuraka mbuŋ ngi masay masa jiɗ na.»
Currently Selected:
BI NGI ISRAYELEY 20: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 20
20
Bumbulvuŋ muɗuva ɓihey kuruˀ da mizli naŋhay
(Pura Slu cuw 5.6-21)
1Dar Buymisemuŋ a ɓo ɓihey ani cek, a ɓi: 2I ya Bumbulvuŋ Buymisemuŋ ɗik, mubo ti ka tir beke a hirwuy Ezipte. 3Buymisemuŋ ɗik mekelem anta mbak ya ta. 4Ki ɗiy i kuli ko pal ta. Wuy ta na, gwat mibam vu ati gwat ngi muŋhoy, wuy ta na, gwat mibam vu ati gwat ngi ruwuyoy, wuy ta na, gwat mibam vu ati ngi si yamay na, ko ki ɗiyi pal le ta wãˀ. 5Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa. 6Amma da mbur ara wuɗiy, yo ara ja ɓimuɗuva ɗuwoy a hirnga na, i sa gaŋ mezle gbaˀ avu dideˀ dideˀ durmuk mbeˀ mbeˀe. 7Ki zila slimiɗ ngi Bumbulvuŋ Buymisemuŋ ɗike lambaˀ ta, asi mbur mazila slimiɗ ɗu lambaˀ na, ya Bumbulvuŋ i pula teˀ ta. 8Anja ki puyuk hirnga ti hin ngi sabata ta, i hin muvula le da ya Buymisemuŋ. 9Angi hin merkeɗ ngi slra na, ki ga gwat ɗikeye gar. 10Amma hin mitarnaˀ naŋ na, i sabat, hin muvula le da ya Bumbulvuŋ Buymisemuŋ ɗik, ki gi gwat ko neˀ ta, ko ka, ko ziri ɗikey, ko gawla ɗikey, ko ginew ɗikey, ko moholoy misi a hay ɗiki. 11Asi muŋ ati hirwuy, mubuliy ati gwat ngi raˀahay gar na, ya Bumbulvuŋ i ga taŋ angi hin merkeɗe, amma angi hin mitarnaˀ naŋ na, i musuk vu. Ya muɗuwula mi da sabat, i tiri di nga ya na, aseˀe. 12Ɗuva hirnga da bunuk ati munuko, ɓa Bumbulvuŋ Buymisemuŋ ɗike, a juw hutuŋ subur asi ruwuy naŋ muvuluw di na. 13Ki kiɗ hirnga ta. 14Ki gi madama ta. 15Ki hul ta. 16Ki gi sedewo ti slir ar mbur cil ɗike ta. 17«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.» 18Israyeley gar a cinam vuŋ mandisl, waɗ ˀay ngi tulum, taŋ gar a puraka wucuɗ ngi vuŋ le, waɗ muwã mangisi, a zlaka a jijikam kirkir ti zluwuno, a cicam zar zar avu muwã. 19A ɓaka Moyise: «Ka vuna, ɓa ndra di si na, naɓa i sa cinam si, amma anja i Buymisemuŋ maɓa ndra ti haŋ naŋ ta, naɓa i muc ndra!» 20Moyis a ɓa mizli: «Ki zluwunam ta! Buymisemuŋ muso ng'avu kum na, ɓa a ci a kwacay kum, a wuɗ ɓa ki sinakaŋ, naŋ i mbur madiɗaŋ, yo ɓa ki gam mungra ta.» 21Dar mizli a cicam zar zar avu muwã, amma Moyis a kirih ng'avi gazlavay mititim titim Buymisemuŋ misi ara tuwa.
Ɓimujuwa vur li gi mikuli
22Bumbulvuŋ a ɓa Moyise: «Ki sa ɓa Israyeleye na: Ya muɓukum baɗ ti muŋ na, ki puraka le ti hiri kumo takwa. 23Anja kisa gam ti ya kaɓa kuli miɗiya ti ɓiri gaza malla ti ɓiri tapasl tapasl ta, anja ki ɗiyam vuna ta si. 24Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi. 25Amma da ki wuɗam le ɓa ki ndirikiy li gi mikuli ti ɗugur na, ki ndirikiy di ti ɗugur mubusla ti busl ta, asi kum masa buslaka ti mulngama na, a sa tiri i ɗugur ho lambaˀa. 26Ki sa ndirikiy li gi mikuli, i ngi jiɗ ti jiɗ ta, vur mizli mapuraka mbuŋ ngi masay masa jiɗ na.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.