BI NGI ISRAYELEY 18
18
Moyis ati jomo naŋ Zetro
1Zetro i masay ngi ruwuy Madiyan, i jomo ngi Moyis. Gwatay gar Buymisemuŋ miga taŋ da Moyis waɗ da Israyeley mizli naŋhay na, Zetro a cine ɓi nah le gar, Bumbulvuŋ mubo ti Israyeley ti Ezipte na, a cine le ma! 2Zetro, jomo ngi Moyise, a zuɓa zuŋ naŋ Sefora, ngwas ngi Moyise, naɓa Moyis a ɓula le zleˀe, 3waɗ ziri naŋ mizilehey mucuwo: pal numuŋ a zilaka Gersom, mbiɗeˀvra ‹i moholoy akẽh›, a ɓi zleˀe na: «I tiri moholoy le asi ruwuy mulak.» 4Yo mekelem a zilaka Eliyezer, mbiɗeˀvra ‹Buymisemuŋ ɗu mikila widi›, a wuɗ a ɓi: Buymisemuŋ ngi cine ɗu a kilo widi ɗu le, yo a loho ya le avu maslalam ngi buy madiɗa ngi Ezipte. 5Zetro, jomo ngi Moyise, ngwas ngi Moyis waɗ ziri naŋ mizilehey mucuw tuwa, a ram ng'avu Moyis a wuzla ɓuh, ar li Moyis miɗiya guɗuk naŋ a muwã ngi Buymisemuŋ na. 6Zetro a ɓi ɓa a ɓaka Moyise na: «I ya jomo ɗik Zetro, i soko ng'avi ka ati ngwas ɗik waɗ ziri ɗik mizilehey mucuw na.» 7Moyis a bo nga ji hirnga ti jomo naŋ, a huruk huruk a mbuŋ naŋ, a jaŋ kuɓuy, a jam haŋ jeˀjeˀ ar wala taŋ, dar a cam ng'ar guɗuku. 8Gwatay Bumbulvuŋ miga taŋ gar da buy Ezipte waɗ da Eziptehey asi Israyeley, yo Bumbulvuŋ mingir ti taŋ avu gwat mutuwaˀhay migam a jiviɗ gar na, Moyis a slufa taŋ cek da jomo naŋ. 9Zetro a mumul asi gi mezle gar Bumbulvuŋ miga da Israyeley, waɗ naŋ muloho taŋ tisi haŋ ngi Eziptehey na. 10Dar Zetro a ɓi: «Sise da Bumbulvuŋ muloho kum tisi haŋ ngi Eziptehey waɗ tisi haŋ ngi buy Ezipte na. A loho mizli le tisi haŋ ngi Eziptehey! 11Wurenna, i si na le muduba, Bumbulvuŋ naŋ madiɗa fineˀ kuliheye, a biga ti Eziptehey maguzuvuraka Israyeley.» 12Zetro jomo ngi Moyise, a gi mikuli ti ginew zlam zlam waɗ mikuli ngi jumoˀay. Akẽh na, Aroŋ ati mizli micawwa ngi Israyeley, a soko a zumaka ɗaf ngi mikuli a mbuŋ Buymisemuŋ ati jomo ngi Moyise.
Moyis mihil mizli ngi gi kiita
13Li naŋ muwun na, Moyis a cifi le ngi gi kiita, mizli ara kutukoko kiita zle ngi miprik hã pastaˀ. 14Jomo ngi Moyis a pura gwat Moyis maga da mizli na le, a ɓaŋ: «Ki gi nah i mi da mizli ka? Ki cifa kiita pal ɗike si, mbak mizli hirkim, zle ti miprik hã pastaˀ mbrike?» 15Moyis a ɓa jomo naŋ na: «Mizli a soko avu ya na, ɓa i sla taŋ kiita Buymisemuŋ maɓa. 16Da a tiram le, a wuɗam ɗiya ɓi nah le na, a soko ng'avi ya, i sla taŋ wala ngi gwat mawuɗka taŋ ˀaya, i biga taŋ ɓimuɗuva ati ɓimujuwa ngi Buymisemuŋ.» 17Jomo ngi Moyis a ɓaŋ: «Gwat ka maga nah na, naŋ kuy ta. 18Ki sa giram kupuyah wãˀ ati mizli ngi ciki ɗikeye. Slra nah a didiluw le, ki ga pal ɗike gu ta. 19Wurenna, ciniy di, i wuɗ i vuluw kuti, anja Buymisemuŋ a ndir ati ka! Slra ngi ɗike na, i ngi cici ar li ngi mizli a mbuŋ Buymisemuŋ. Ka kisa ru ti ɓi taŋhaya nga mbuŋ Buymisemuŋ, 20ki ɓa taŋ ɓimuɗuva ati ɓimujuwa ngi giheye. Ki sa biga taŋ jiviɗ ɓa a sipakaŋ waɗ gwat ngi gi taŋ a wuzla mizli. 21Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ. 22A sa ndiram ndrehhe ar li gi kiita da mizli. Ɓi micawwa gar na, a sa mbuɗokuw di, amma ɓi memeɗehey na, a sa ɗiyaka taŋ ti haŋ taŋ. Da ki ra ga kahana na, slra ɗike, a sa gi kefeke, asi ki vula taŋ buyɓi ngi gwataya le ya! 23Da ki ra ga kahana, ka Buymisemuŋ mawuɗ na, naɓa kisa gir ta, yo ma na, mizli gar a sa mam ngi hay taŋhay ti mevel taŋ zuyyo.» 24Moyis a cine mi da jomo naŋ, a ga gwataya tiɗeˀe kaɓa naŋ miɓaŋ. 25Moyis a wini mizli mupuɗaw puɗaway a wuzla Israyeley gar, a cifa taŋ i buyɓi a hirnga mizli: buyɓi a hirnga mizli durmuk durmuk, skat skat, kukur zlum kukur zlum, waɗ a hirnga mizli kuruˀ kuruˀ. 26A ndiram ar li gi kiita da mizli. Gwat mutuwaˀ na, a soko di ng'avi Moyise, amma ɓi memeɗehey na, a gaka kiita naŋ ti haŋ taŋ. 27Akẽh na, Moyis a mbiɗa mi da jomo naŋ, dar jomo naŋ a mi nga hirwuy naŋ gwaɗ naŋ.
Currently Selected:
BI NGI ISRAYELEY 18: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 18
18
Moyis ati jomo naŋ Zetro
1Zetro i masay ngi ruwuy Madiyan, i jomo ngi Moyis. Gwatay gar Buymisemuŋ miga taŋ da Moyis waɗ da Israyeley mizli naŋhay na, Zetro a cine ɓi nah le gar, Bumbulvuŋ mubo ti Israyeley ti Ezipte na, a cine le ma! 2Zetro, jomo ngi Moyise, a zuɓa zuŋ naŋ Sefora, ngwas ngi Moyise, naɓa Moyis a ɓula le zleˀe, 3waɗ ziri naŋ mizilehey mucuwo: pal numuŋ a zilaka Gersom, mbiɗeˀvra ‹i moholoy akẽh›, a ɓi zleˀe na: «I tiri moholoy le asi ruwuy mulak.» 4Yo mekelem a zilaka Eliyezer, mbiɗeˀvra ‹Buymisemuŋ ɗu mikila widi›, a wuɗ a ɓi: Buymisemuŋ ngi cine ɗu a kilo widi ɗu le, yo a loho ya le avu maslalam ngi buy madiɗa ngi Ezipte. 5Zetro, jomo ngi Moyise, ngwas ngi Moyis waɗ ziri naŋ mizilehey mucuw tuwa, a ram ng'avu Moyis a wuzla ɓuh, ar li Moyis miɗiya guɗuk naŋ a muwã ngi Buymisemuŋ na. 6Zetro a ɓi ɓa a ɓaka Moyise na: «I ya jomo ɗik Zetro, i soko ng'avi ka ati ngwas ɗik waɗ ziri ɗik mizilehey mucuw na.» 7Moyis a bo nga ji hirnga ti jomo naŋ, a huruk huruk a mbuŋ naŋ, a jaŋ kuɓuy, a jam haŋ jeˀjeˀ ar wala taŋ, dar a cam ng'ar guɗuku. 8Gwatay Bumbulvuŋ miga taŋ gar da buy Ezipte waɗ da Eziptehey asi Israyeley, yo Bumbulvuŋ mingir ti taŋ avu gwat mutuwaˀhay migam a jiviɗ gar na, Moyis a slufa taŋ cek da jomo naŋ. 9Zetro a mumul asi gi mezle gar Bumbulvuŋ miga da Israyeley, waɗ naŋ muloho taŋ tisi haŋ ngi Eziptehey na. 10Dar Zetro a ɓi: «Sise da Bumbulvuŋ muloho kum tisi haŋ ngi Eziptehey waɗ tisi haŋ ngi buy Ezipte na. A loho mizli le tisi haŋ ngi Eziptehey! 11Wurenna, i si na le muduba, Bumbulvuŋ naŋ madiɗa fineˀ kuliheye, a biga ti Eziptehey maguzuvuraka Israyeley.» 12Zetro jomo ngi Moyise, a gi mikuli ti ginew zlam zlam waɗ mikuli ngi jumoˀay. Akẽh na, Aroŋ ati mizli micawwa ngi Israyeley, a soko a zumaka ɗaf ngi mikuli a mbuŋ Buymisemuŋ ati jomo ngi Moyise.
Moyis mihil mizli ngi gi kiita
13Li naŋ muwun na, Moyis a cifi le ngi gi kiita, mizli ara kutukoko kiita zle ngi miprik hã pastaˀ. 14Jomo ngi Moyis a pura gwat Moyis maga da mizli na le, a ɓaŋ: «Ki gi nah i mi da mizli ka? Ki cifa kiita pal ɗike si, mbak mizli hirkim, zle ti miprik hã pastaˀ mbrike?» 15Moyis a ɓa jomo naŋ na: «Mizli a soko avu ya na, ɓa i sla taŋ kiita Buymisemuŋ maɓa. 16Da a tiram le, a wuɗam ɗiya ɓi nah le na, a soko ng'avi ya, i sla taŋ wala ngi gwat mawuɗka taŋ ˀaya, i biga taŋ ɓimuɗuva ati ɓimujuwa ngi Buymisemuŋ.» 17Jomo ngi Moyis a ɓaŋ: «Gwat ka maga nah na, naŋ kuy ta. 18Ki sa giram kupuyah wãˀ ati mizli ngi ciki ɗikeye. Slra nah a didiluw le, ki ga pal ɗike gu ta. 19Wurenna, ciniy di, i wuɗ i vuluw kuti, anja Buymisemuŋ a ndir ati ka! Slra ngi ɗike na, i ngi cici ar li ngi mizli a mbuŋ Buymisemuŋ. Ka kisa ru ti ɓi taŋhaya nga mbuŋ Buymisemuŋ, 20ki ɓa taŋ ɓimuɗuva ati ɓimujuwa ngi giheye. Ki sa biga taŋ jiviɗ ɓa a sipakaŋ waɗ gwat ngi gi taŋ a wuzla mizli. 21Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ. 22A sa ndiram ndrehhe ar li gi kiita da mizli. Ɓi micawwa gar na, a sa mbuɗokuw di, amma ɓi memeɗehey na, a sa ɗiyaka taŋ ti haŋ taŋ. Da ki ra ga kahana na, slra ɗike, a sa gi kefeke, asi ki vula taŋ buyɓi ngi gwataya le ya! 23Da ki ra ga kahana, ka Buymisemuŋ mawuɗ na, naɓa kisa gir ta, yo ma na, mizli gar a sa mam ngi hay taŋhay ti mevel taŋ zuyyo.» 24Moyis a cine mi da jomo naŋ, a ga gwataya tiɗeˀe kaɓa naŋ miɓaŋ. 25Moyis a wini mizli mupuɗaw puɗaway a wuzla Israyeley gar, a cifa taŋ i buyɓi a hirnga mizli: buyɓi a hirnga mizli durmuk durmuk, skat skat, kukur zlum kukur zlum, waɗ a hirnga mizli kuruˀ kuruˀ. 26A ndiram ar li gi kiita da mizli. Gwat mutuwaˀ na, a soko di ng'avi Moyise, amma ɓi memeɗehey na, a gaka kiita naŋ ti haŋ taŋ. 27Akẽh na, Moyis a mbiɗa mi da jomo naŋ, dar jomo naŋ a mi nga hirwuy naŋ gwaɗ naŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.