TESALONIKEY MUDUMBUŊ NAŊ 1
1
Ji haŋ
1I ya Pol ati Silas waɗ Timote matuhukum ɗerewol hana da kum Cikil ngi misikristu ngi Tesalonikey. Ki jumom le ati Cine ndra Buymisemuŋ waɗ ati Buy Yesu Kristu. Anja Buymisemuŋ a gukum mezle, a vulukum zuy.
Tiɓi ati joˀ ngi Tesalonikey
2Ti ndra mira diram dibiɗ gar na, i ra wulkaka ɓi kumo. I ra gaka sise da Buymisemuŋ hõyyõ asi kum gar. 3I ra wulkam keŋŋe ar tiɓi kum magam di slra na, ar wuɗavu haɗi ar wala kum, yo ar njahha hiri kum mihirdam hirdam, maso tivu Buy ndra Yesu Kristu a mbuŋ Cine ndra Buymisemuŋ na. 4Sukum ndra misikristuhoy, i sinaka le, Buymisemuŋ a wuɗukum le, yo a wunukum le da naŋ. 5Naŋ kine, Ɓimezle ndra matilam di mi na, i mingiɓi ɗaˀ ɗaˀ tewle kanah ta, amma a biga gidaŋ naŋ le ti jini ngi ˀUf Mipal. Ki sinaka le, gwat mezle ndra migam vur kum a wuzla kumo na, i nah so. 6Ki sipaka sar ndra le, waɗ ki sipaka ngi Bumbulvuŋ le ma. Ko ti kum mira sam bonoy na kwana, ki tiɓaka ɓi naŋ le ti mumul haɗi, mumul ngi ˀUf Mipal mavula. 7Naŋ kine, ki bigam di i jiviɗ mezle da mitiɓihey misi angi hirwuy Maseduwan ati ngi Akayay. 8Asi mike na, mingiɓi ngi Buymisemuŋ a bo ti hay kumo, a kiɗ mi a Maseduwan ati Akay tew ta, amma kum mitiɓaka Buymisemuŋ na, mizli ko amaka gar a cinam le. Ndr'anta ɓa hã i ɓaka ɓi nah ti ɓi mata. 9Asi taŋ ti hirnga taŋ a roko slufam ndra ɓi ngi kum mitiɓam ndra ati kum mupulaka kulihey ɓa ki sipam Buymisemuŋ migisiŋ gisiŋ misi ti siifa na. 10A ɓam ma: ki ra kutukoko Mangal naŋ Yesu masa mawa paɗ a muŋ, Mangal naŋ, naŋ mislikiɗa ti wuzla mumucahaya. I Yesu nah malaha ndra ti ngi himaˀ Buymisemuŋ masa zuɓa angi mizli na.
Currently Selected:
TESALONIKEY MUDUMBUŊ NAŊ 1: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.