2 Tesalonicenses 1
1
1Jucha: Páblu ka Silbanu ka Timoteoksïni karachexaka, chánksïni engajtsï Tesalonika anapueka, Diósï Táteri jimbo ka juchari Acha Jesukristueri jimbo. 2Eska sési jakua ka kóntperata juchari Táte Diósïri ka Acha Jesukristueri cha jinguni jauaka.
3Erachicha, jucha chánksïni jimbo méntku diósïmaiuamukua arhijpentaxaka, eska na k'uanijka, jimboka chári jakajkuka kánexaka ka sánhani arhixakajtujtsï sánderu kánekua xénhchperani. 4Ka Diósïri tángorhekuechani jimbo, jucha jamberini sési p'ikuarheraparini uandantasïnga, imani jimbo engajtsï xáni jakajkuparini uinhapekorhentajka engaksïni atani kámka ka engajtsï nósesi p'ikuarherani jarhajka. 5Inde ambe jimbo xarharasïndi eska Diósï no jukari ambe arhijpesïnga, ísï jámanijtsï nitatarheaka Diósïri juramukuarhu inchani, imani juramukuarhu engajtsï jimbo nósesi nitamanchani jaka.
6Ka jimboka Diósï no jukari arhijpesïnga, nósesi p'ikuastantauati imechani engaksïni chánksïni nósesi kámka, 7ka chánksïni ka juchantsïni, engachi nósesi kánhajka mintsikustaatijtsïni. Jiájkani enga Acha Jesusi xarhanchentaaka imeri uinhapiti ánjelichani jinguni. 8Ima junguaati maiampetaraani iámendu imechani engaksï Diósïni no jiókorhejka ka engajtuksï juchari Acha Jesusiri ambakiti aiangperakuani no kurhandirakujka. 9Imaksï méntku k'ámajkunhaati ka nóksï úati Achani xéntani, ka nójtuksï exeati imeri t'ínskueri uinhapekuani jimbokaksï iauani jarhaparhatanhaaka. 10Imani jurhia enga Acha junguaaka, jakajkuticheri jimbo, k'érikuarhu péranhaati ka k'éri ambe arhiatiksï ima engaksï jakajkukuaka. 11Indeni ambe jimbochisï méntku cha jimbo uandamukukorheni jarhajka, Diósïnichi kurhakuparini eskaksïni jaiapanhentaaka ka eskaksïni jarhuataaka ísï irekani eska ima na uéjka, ka eskajtsï úaka imeri uinhapekua jimbo iámu kaxumbentani. 12Ísï jámani chánksïni jimbo juchari Acha Jesisiri jakangurhikua k'érikuarhu péranhaati, ka imaksïni juchari Diósïri ka Acha Jesukristueri xénhchperakua jimbo janhanharhiati.
Currently Selected:
2 Tesalonicenses 1: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.