Psalmdi 1
1
ǂGuro ǂkhanis
Psalmdi 1—41
Ama ǃgâiaǂgaob
1ǀKhaehen ge hâ ǁnān,
ǂkhaba khoen di ǀapemās ǃnâ ǃgû tama i,
ǁore-aon ǀkha ǁkhā daob ǃnâ mâ tama i,
tsî ǃhō-aon ǀkha ǀguipa ǂnû tamana.
2Xawen ge ǃKhūb di ǂhanub ǃnâ ǃgâiǃgâisen
tsî ǁîba tsēs tsî tsuxuba ra ǂâiǃgâ.
3ǁÎn ge hain, ǁgamǃāro-i tawa ǂgāhe hân,#Jer. 17:8
ǂhanu ǁaeb ai ra ǂûtanin
tsî ǂnaregu ân ǂnâ taman khami ī.
Dīn ra xūn hoan ǃnân ge a ǃgâiǃgâxa.
4ǂKhaba khoen ge ǁnāti ī tama hâ
xawen ge ǀhōb, ǂoab xa ra ǃgombēheb khami ī.
5ǁNā-amagan ge ǂkhaba khoena ǀgoraǃgâs ǃnâ mâ ǁkhā tide
tsî ǁore-aona ǂhanu-ain ǀkha ǀguipa hâ tide.
6ǂHanu-ain daobab ge ǃKhūba ra sâu,
xawe ǂkhaba khoen daob ge nîra kā.
Currently Selected:
Psalmdi 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.