Johaneb 15
15
Jesub ge a ama ǂauxûiǂûhai
1“Tita ge ama-ai ǂauxûiǂûhaita tsî ti Îb ge ǃhanaǂgā-aoba. 2ǁÎb ge mâ ǂgona-i tita ǃnâ hâ-i, ǂûtani tama-i hoa-e nî khôaǁnâ tsîb ge ǂûtani ra-i hoa-e nî ǃgao, ǃanu tsî i nî ǃaruǀîǀgui ǂûtanise. 3Sago ge tita xa go ge māhe ǁkhāǁkhās xa ǀnai ǃanuǃanuhe hâ. 4Tita ǃnâ hâ, î ta tita sago ǃnâ hâ. ǂGonab ǁîb ǂûba xu draibehaib ǃnâb ga hâ tama io ǂûtani ǁoas ǁkhās khami go ge sago a ǂûtani ǁoa, tita ǃnâ go ga hâ tama io.
5“Tita ge ǂauxûiǂûhaita tsî sago ge ǂgonago. Tita ǃnâ ra hâ-i tsî tita ra ǁî-i ǃnâ hâ-i ge ǀoasase nî ǂûtani. Tita ose du kom xū-e a dī ǁoao. 6Tita ǃnâ hâ tama-i ge ǂgona-i khami aoxūhe tsî nî ǂnâ. ǁNāti ī ǂgonan ge ǀhaoǀhaohe tsî ǀaes ǃnâ nî ǂhubiǂuihe. 7Xawe go ga tita ǃnâ hâ tsî ti mîde sago ǃnâ hâo, go ge ǂgao go ra xū-i hoa-e a ǂgan ǁkhā, o go ge nî māhe. 8Ti Îb di ǂkhaisib ge sago di ǀoasa ǂûtanis xa ra ǁgauǂuihe tsî ǁnā ǀgaus ai go ge sago ra ti ǁkhāǁkhāsabe* kai. 9Ti Îb ge tita ǀnam is ǁkhās khami ta ge tita tsîna sago a ǀnam, xuige ti ǀnammi ǃnâ hâhâ re. 10Ti mîmāde go ga ǁnâuǀnam, o go ge ti ǀnammi ǃnâ nî hâhâ, tita ti Îb di mîmāde ǁnâuǀnam tsî ǁîb di ǀnammi ǃnâ ra hâhâ khami.
11“Tita ge nēna sago ge mîba, ti ǃgâiaǂgaob sago ǃnâ nî hâhâse tsîb sago ǃgâiaǂgaoba nî ǀoase. 12#Jhn. 13:34; 15:17; 1Jhn. 3:23; 2Jhn. 5Nēs ge ti mîmāsa: ǀNamgu re, tita ge sago ǀnam hâ i khami. 13Hoan xa kai ǀnammi hîats sa ǀhōsana ūhâba ǁkhāb ge sa ûiba ǁîn ǃaroma māsa. 14Tsî sago ge a ti ǀhōsa, tita ra mîmāna go ga dīo. 15ǃAruǀî ta ge khobo ti ǂgai go tide, khobo-i ǀhonkhoe-i tare-e ra dī ǃkhaisa a ǀū xui-ao. Xawe ta ge sago ǀhōsagu ti ra ǂgai, hoan ti Îba xu ta ge ǁnâuna ta ge mîba go xui-ao. 16Sago ge tita ǃkhōǂuibasen tama hâ. Xawe ta ge tita sago ǃkhōǂuibasen tsî ge ǁgaumâi, ǃgû tsî go nî ǀoasase ǂûtanise, ǁnā ǂûǃnôa-i hîa nî hâhâ-e. Ob ge ti Îba ti ǀons ǃnâ go ra ǂgan xū-i hoa-e nî mā go. 17Nēs ge ti mîmāsa: ǀNamgu du re.
ǃHūbaib di ǁkhanni
18“ǃHūbaib ga sago ǁkhan, o titab ge sago aiǃâ ǁkhan hâ i ǃkhaisa ǂan re. 19Tsî go ga ǃhūbaib di, ob ge ǃhūbaiba ǁîb khoena a ǀnam. Xawe go ge sago ǃhūbaib di tama tsî tita xa go ge ǃkhōǂuibasenhe amaga go ge ǃhūbaib xa ǁkhanhe hâ. 20#Mat. 10:24; Luk. 6:40; Jhn. 13:16Tita ge mîba gona ǂâis ǃnâ ūhâ re. ‘ǃGā-i ge ǀhonkhoe-i xa kai tama hâ.’ Khoen ga tita ǃgôaǃgon, on ge sago tsîna nî ǃgôaǃgon tsîn ga ti ǁkhāǁkhāsa ǁnâuǀnam, on ge sago dis tsîna nî ǁnâuǀnam. 21Khoen ge tita ǀkhan ra dīna ti ǀons ǃaroma sago ǀkhas tsîna nî dī, sago a ti tsîn ǁîna ǁnāb tita ge sîba a ǀū amaga. 22Tita ga hā tsî ǁîn ǃoa ǃhoa tama hâ io, on ge ǁore-i ǃnâ ga ǀhapixa tama hâ i. Xawen ge nēsisa ǀguis khami i ǀhapiokaisen-i ǁîn ǁoren di-e ūhâ tama hâ. 23Tita ra ǁkhan-i ge ti Îb tsîna ra ǁkhan. 24ǁNā saodi hîa ǀnî khoe-i xare-i xa dīhe tamade ta ga ǁîn ǁaegu dī hâ io, on ge ǁore-i ǃnâ ga ǀhapixa tama hâ. Xawen ge nēna ge mû tsî tita tsî ti Îb tsîkhoma ǁkhan hâ. 25#Psa. 35:19; 69:4ǁNās ge ǂHanub ân ǃnâ xoahe hâ mîs ‘Khoen ge tita ǀhapiose ge ǁkhan,’ ti ra mîs nî dīǀoaǀoahese ge ī.
26“Tita ge ǁKhaeǂgao-aob, Gagab amab dib hîa ti Îba xu ra hāba nî sîba go. ǁÎb ge hoana tita xa nî ǃkhō-am. 27Tsî sago tsîn ge nî ǃkhō-am, tita ǀkha go ge tsoatsoasa xu hâ i amaga.
Currently Selected:
Johaneb 15: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.