Hebreǁîn 1
1
Elob ge ǁîb Ôab ǃnâ-u ra ǂhaiǂhaisen
1Īgeǁaeb ǃnâb ge Eloba ǂgui ǃnāde tsî ǃkharagaǃnâgu ǀgaugu ai sada aboxagu ǃoa kēbo-aogu ǃnâ-u gere ǃhoa. 2#Gā-ai.Sa. 7:22 Xaweb ge nē ǀuni tsēdi ǃnâ ǀGôab, hoa xūn di ǀumi-aob ǃnâ-u sada ǀkha ge ǃhoa. ǁÎb ge ǁnāb, ǁîb ǃnâ-ub ge ǃhūbaiba kuruba. 3#Gā-ai.Sa. 7:25-26; 8:1ǁÎba xub ge Elob di ǂkhaisiba ra ǀkhâuǂoaxa tsîb ge a Elob di ǂhunuma ī, hoa xūna ǁîb mîs di ǀgaib ǀkha ra taniba. ǁOren di ǃanuǃanusab ge dītoa, ob ge ǀhommi ǃnâ amǀkhāb ǁôab Hoaǀgaixab dib tawa sī ge ǂnû.
Elob Ôab* di kaisib
4ǁÎb ge ǀhomǃgāgu ǃgâ-ai ǀgapiǀgapihe tsî ǃnāsase ge ǂoaǂamsa i, Eloba xub ge ǃkhōǃoa ǀons ǁkhās khami. 5#Psa. 2:7; 2Sam. 7:14; 1Kro. 17:13Mâb ǀhomǃgāgu dib ǃoab kha Eloba ǀguitsē ge mî:
“Sats ge a ti Ôa,
nētsē ta ge go sa Î kai.”
Tsî ǁkhawa:
“Tita ge nî ǁîb Î,
tsîb ge ǁîba nî ti Ôa.”
6 #
Deu. 32:43; Psa. 97:7 Tsî ǁkhawa, ǂguroǃnaesabab ra ǃhūbaib ǃnâ hā-ū, ob ge ra mî:
“Hoa ǀhomǃgāgu Elob diga a gu ǁîba ǀgoreǀî.”
7 #
Psa. 45:6-7
ǀHomǃgāgu xab ra mî:
“ǁÎb ge ǀhomǃgāgu âba ǂoagu ase ra dī
tsî ǃgāgu âba ǀaes di ǁhabub ase.”
8 #
Psa. 45:6-7
Xawe ǀGôab xab ge ra mî:
“Sa trons ge Elotse ǀamosib kōse nî hâ
tsî ǂhanu-aisib di gaohais ge sa Gaosib di gaohai;
9ǂHanu-aisiba ǀnam tsîts ǁgauoǃnâsiba ǁkhan hâ,
amagab ge Elob, sa Eloba,
sa ǀhōsagu ǂamai,
satsa ǃgâiaǂgaob di oli-i ǀkha ge ǀnau.*”
10 #
Psa. 102:25-27
Tsî:
“Sats ǃKhūts ge tsoatsoas ǃnâ ǃhūbaiba ge ǃgaoǃgao
tsî ǀhommi ge sa ǃomkha di sîsenna.
11ǁÎn ge nî kā, xawets ge satsa nî hâhâ;
ǁîn ge sara-i xase nî ǀoro
12tsî anaǂamsara-i xasets ge ǁîna nî ǃgami;
on ge nî ǀkharaǀkharahe.
Xawets ge satsa a ǁkhā
tsî kurigu âts ge ǀam tide.”
13 #
Psa. 110:1
Tsî mâb ǀhomǃgāgu dib ǃoab kha ǀguitsē ge mî:
“Ti amǀkhāb ǁôab tawa ǂnû,
sa khākhoena ta nî
sa ǂaira di ǂaiǃnaose dīs kōse.”
14 #
Tob. 12:14-15
Hoaga kha gaga tama hâ Elob di ǃoabas ǃnâ, ǃgâiǃōsiba nî ǀumin di ǃoabahes ǃoa ǁîb xa sîǂuihe hâga?
Currently Selected:
Hebreǁîn 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.