Mateub ǂGAEǂGUIǂGĀS
ǂGAEǂGUIǂGĀS
Mateub ǃGâiǂhôas ge Jesub Xristub* a mîmâisa Ore-ao ǃkhaisa ra ǂhôa, ǁnāb, ǁîb ǃnâ-ub ge Eloba ǁîb di khoena ǀOro Testamens ǃnâ mîmâide dīǀoaǀoababa. Nē ǃGâiǂhôas ge Jesub Xristub ge ǃnae tsî ǁanǃnâ hâ i Jodeǁîn ǃoa ǀgui hâ tama, xawe hoaraga ǃhūbaib ǃaroma hâ.
Mateub ǃGâiǂhôas ge ǂōrisase ǃamǁarehe hâ. ǁÎs ge Jesub di ǃnaes ǀkha ra tsoatsoa tsî ǁîb di ǁāǁnâs tsî ǃâitsâb tsîna ra xoaǃgāǃgā; tsî ǁîb di aoǁnâs sîsenni, ǁkhāǁkhās tsî Galileab ǃnâ ge hâ i ǂuruǂurus xa ra ǃgû. Nēs khaoǃgâs ge nē ǃGâiǂhôasa Jesub di ǃnaris Galileaba xu Jerusalems ǁga hâs tsî Jesub ǀkha ge ǀuni wekheb ǃnâ ī xūn; ǀgapi ǃharodi ǁîb di ǃgâuhes tsî ǁkhawa khâis tsîn dide ǃkhōǂgā hâ.
ǃAruǀîs ge nē ǃGâiǂhôasa Jesuba kai ǁKhāǁkhā-aob, Elob di ǂHanuba ǁguiǃā tsî Elob Gaosib xa ǁkhāǁkhās di ǁkhāsiba ūhâb ase ra mâi-aiǃâ. ǃNāsa ǁkhāǁkhādi ǁîb didi ge xoaǂamdi, koro ǃhoaǂamǃkhaidi ǃnâ a ǃkhōǀhaosade: (1) ǃHommi di aoǁnâs, Gaosib ǀhommi dib di ǁanǂgāsaben ǂūb, ǁgui-aidi, aiǂhanugu tsî ǃgoaxa hâǃkhais tsîn xa ra ǃgûs (5—7 kōse hâ danaǃâdi); (2) Disiǀgamǀa ǁkhāǁkhāsabegu* di sîǂuis ǁguiǂamdi (10ǁî danaǃâs); (3) Gaosib ǀhommi dib xa hâ ǂkhōdi* (13ǁî danaǃâs); (4) ǁKhāǁkhāsabesis di ǂâibasens xa hâ ǁkhāǁkhās (18ǁî danaǃâs) tsî (5) Nētsēkam ǁaeb di ǀams tsî Elob Gaosib di hās xa hâ ǁkhāǁkhās (24—25 kōse hâ danaǃâdi) tsîde.
ǃKhōǂgāb
ǃHaos di ǂgaekhâib tsî Jesub Xristub di ǃnaes 1:1—2:23
Johaneb ǁĀǁnâ-aob di sîǂuis sîsenni 3:1-12
Jesub di ǁāǁnâs tsî ǃâitsâhes 3:13—4:11
Jesub di ǂhaisa ǁkhāǁkhās Galileab ǃnâ 4:12—18:35
Galileaba xu Jerusalems ǁga 19:1—20:34
Jesub di ǀuni wekheb Jerusalems ǃnâ tsî ǀgūseb ǃnâ 21:1—27:66
ǃKhūb di khâis tsî ǂhais tsîra 28:1-20
Currently Selected:
Mateub ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.