Genesis 2
2
1ǁNātis ge hoaraga ǀhommi tsî ǃhūbaib tsî ǁîkha ǃnâ hân di ǂnubihesa ge dītoahe. 2Tsîb ge Eloba hûǁî tsēs ai dīb gere xūn hoana dītoa tsî ge sâ.#Heb. 4:4, 10 #Eks. 20:11 3Elob ge hûǁî tsēsa ǀkhae tsî ǀō-aisa tsēs ase ge khai, hoaraga sîsenni kurus diba dītoa tsîb ge ǁîs ai sâ#2:3 Sâ: Tamas ka io ge sîsentoa tamas ka io ge sîsenǀû. xui-ao.
Edens di ǃhanab
4Nēs ge ǀhommi tsî ǃhūbaib tsîkha ge ǂnubihe ǀgausa.
ǃKhūb Elob ge ǃhūbaib tsî ǀhommi tsîkha ǂnubi 5o-i ge hai-i tamas ka io ǁhao-i xare-e ge ǀkhai i, ǁîb ge ǀnanuba sî tama hâ i tsî-i ge khoe-i, ǃhūba nî sîsen-e ǀkhai i xui-ao. 6Xaweb ge ǀaub, ǃhūba xu gere ǂoaxaba ǃhūba gere ǀâǀâ.
7Ob ge ǃKhūb Eloba khoeba ǃhūb di tsaraba xu#2:7 ǃHūb di tsaraba xu: Hebregowab ǃnâ ra ge ǃhūb ti hâ mîs tsî khoeb ti hâs tsîra ǀguiti ra ǀō. ǂnubi tsî ǂgui-āra âb ǃnâ ǀoms ûib disa ge ǃnâiǂgā tsîb ge ǁîba ge ûi.#1Kor. 15:45
8Tsîb ge ǃKhūb Eloba Edens ǃnâ, aiǂoasǀkhāb ai ǃhanaba ǂgā tsî khoeb, ǁîb ge ǂnubiba nē ǃhanab ǃereamsa ge mā. 9Tsîb ge ǃKhūb Eloba hoa haiǃnôana ǃhūba xu ge ǀomkhâi kai. Hain, mûs ai îsa tsî ǃgâi ǂûna ra tanina. ǃHanab ǁaegub ǃnâ ra ge ûib di hais tsî ǃgâin tsî ǂkhaban ǁaegu ǀgoras di ǂans#2:9 ǃGâin tsî…ǂans: Tamas ka io hoa xūna ǂans. hais tsîra ge mâ i.
10Edensa xub ge ǃhanaba gere ǁgam-e mā ǃāb, ǁnāpa xu haka ǃāgu ase gere ǀgoraba gere dâu. 11ǂGurob ge Pisonǃāb, Havilaǃhūb, ǃhuniǀurib hâǃnâb ǃnâ gere dâuba. 12Tsî nē ǃhūb ǃnân ge ǃūmû ǃhuniǀurib, bodelium ǃgâihamxū-i tsî oniksǀuidi tsîna gere hōhe. 13ǀGamǁîb ge Gihonǃāb, hoaraga Kusǃhūb#2:13 Kusǃhūb: Nēb ge Etiopiaba. ǃnâ gere dâuba. 14ǃNonaǁîb ge Tigrisǃāb, Asiriab aiǂoasa-u gere dâuba tsî hakaǁîb ge Eufratǃāba.
15ǁNās khaoǃgâb ge ǃKhūb Eloba khoeba Edens ǃhanab ǃnâ, ǃhūba sîsen tsî nî ǃûise ge mâi. 16Tsîb ge khoeba ge mîmā: “Mâ hai-i nē ǃhanab ǃnâ hâ-i hoa-i di ǂûn xats ge a ǂû ǁkhā, 17ǁnā hais ǃgâin tsî ǂkhaban ǁaegu ǀgoras ǂansa ra mās ǀguis ose, ǁîsa xuts ga ǂû, ots ge ǁkhā tsēs ai nî ǁō.”
18Tsîb ge ǃKhūb Eloba “ǃGâi tama i ge hâ, khoeb nî ǀguri hâ ǃkhaisa, ǁîba ta ge anu hâ hui-ao-e nî kuruba” ti ge mî. 19Tsîb ge ǃhūba xu hoaraga ǀgurun, xamarin tsî hoaraga aniǃnôan tsîna ge kuru. Tsîb ge ǁîna khoeb tawa hā-ū tsî mâtib ǁîna nî ǀonǂgai ǃkhaisa gere kō, tsî mâs ǀguis ka xaweb ga khoeba ǀguru-i tamas ka io xamari-e ǂgais, ǁnās ge nî ǁî-i di ǀon. ǁNā ǀgaus ai i ge mâ-i hoa-e ǁî-i ǀonsa ge hō. 20Ob ge khoeba hoaraga ǀhomanin, tsî mâ xamariǃnôa-i tamas ka io ǀguruǃnôa-i hoa-e ǀonde ge mā, xawe i ge noxopa ǁîba anu hâ hui-ao-e ge hōhe tama hâ i. 21Ob ge ǃKhūb Eloba khoeba ǃgam ǂoms ǃnâ ǁomǁom tsî ǁîb ǁom hâ hîa ǀaragu âba xu ǀguiba ū tsî ǁnā ǀarabab go ūxū āsa ǁgan-i ǀkha ge ǂganam. 22Tsîb ge nē ǀaraba xu tarekhoesa kuru tsî khoeb tawa ge hā-ū. 23Ob ge khoeba ge mî:
“Nē-i ge nēsisa
ti ǂkhōna xu ūhe hâ ǂkhō-i,
ti sorosa xu hâ soro-e.
‘Tarekhoes’#2:23 Tarekhoes: Aorekhoeb tsî tarekhoes ti hâ mîra ge Hebregowab ǃnâ ǀguiti ra ǀō. tis ge nî ǂgaihe,
aorekhoeba xus ūhe hâ xui-ao.”
24ǁNā-amagab ge aoba ǁîb îra ǁnāxū tsî taras âb ǀkha nî ǃgaeǁarehe, tsî ra ge ǁîra nî ǀgui soro kai.#Mat. 19:5; Mrk. 10:7-8; 1Kor. 6:16; Efe. 5:31
25Nē khoera ge hoara hîa ra ge ǀōǀkhā hâ i, xawe ge tao tama hâ i.
Currently Selected:
Genesis 2: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.