3 Johaneb 1
1
1 #
ǃNǃkh. 19:29; Rom. 16:23; 1Kor. 1:14 ǂNomdomta xu:
ǀNamsabate Gajub hîa ta amab ǃnâ ǀnamma ǃoa.
2ǀNamsabetse, ǀgore ta ge ra hoaraga xūn nî sats ǀkha ǃgâise ǃgû tsîts nî ǂurusa ǃkhaisa, sa ǀoms a ǂurus ǁkhās khami. 3Kaise ta ge ǃnāǂamsase ge ǃgâiaǂgao, ǀnî ǃgâsagu hîa ge hāgu ge sats di amab ǃnâ hâsa ǃkhō-amo, amab ǃnâts ra ûi xui-ao. 4Ti ôan ra amab ǃnâ ûisa ta ra ǁnâu ǃkhais xa kai ǃgâiaǂgao-e ra mā te xū-i ge a ǀkhai.
Gajub ge ra koahe
5ǀNamsabetse, ǂgomǂgomsa xū-ets ge ra dī, sa ǃgâsa-ets ga hui ǃnās hoasa, ǃgōsase ǃhaokhoen 6hîa sa ǀnammi xa kerkheb aiǃâ ge ǃkhō-amna. Eloba i a ǃgâiba khamits ge ǁîna ǃgûs ân ǃnâ hui tsî ǃgâise nî dī. 7Xristub* di ǀons ǃaroman ge ǁîna ǃgûǂoa, tsîn xū-i xare-e ǀūbena xu ǃkhōǃoa tama hâ amaga. 8ǁNā-amaga da ge ǁnāti ī khoena nî ǁkhoreǁhare, i da amab di sîsenǁare-aose ī.
Diotrefeb tsî Demetriub
9Sîǂkhanirosa ta ge kerkheba ǃoa ge xoa, xaweb ge ǁnāb hîa aiǂnûisensa ǀnammi, Diotrefeba sige ǂgaeǂguisa ǂanǃgâ tide. 10O ta ge sī ta kao, ǁîb ra dīna nî ǂâihō; ǂkhaba mîn ǀkhab sige xa ama tamana ra ǃhoasa. Tsîb ge noxopa ǁnās ǀkha ǂkhî tama i tsî ǃgâsana ǃkhōǃoa tama i tsî ǁnāsa ra dī ǂgaona ǁkhae tsî kerkheba xu ra ǃhae.
11ǀNamsabetse, tā tsūna ǁgaeǁgae re, xawe ǃgâina. ǁNā-i hîa ǃgâise ra dī-i ge a Elob di tsî ǁnā-i hîa ra tsūdī-i ge Eloba mû tama-e.
12Demetriub xa i ge hoan xa ra ǃkhō-amhe, amab ǂûb tsîn xa. Sige tsîn ge ra ǃkhō-am tsî du ge a ǂan, sige di ǃkhō-ams a ama ǃkhaisa.
ǀUni tawedes
13ǂGui xūn satsa ta nî xoabana ta ge ūhâ, xawe ta ge nēsa ink-i tsî penni tsîn ǀkha dī ǂgao tama hâ. 14Xawe ta ge ra ǃâubasen kaise ǃhae ǁaeb ǃnâ ta nî mû tsi tsî khom aisa xu ais ǃoa nî ǃhoa ǃkhaisa.
15ǂKhîba ab hâǀkhā tsi. Sida horesan ge ra tawede tsi. Hoaraga horesana tawede re, mâ-i hoa-e ǀons ǀkha ǂgai tsî.
Currently Selected:
3 Johaneb 1: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.