Dt 9
9
“Moko xb'aan ta naq aak'ulub'”
1“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb': 2a'aneb' jun nimla tenamit, jwal najt xterameb', a'eb' laj Anak. Laa'at aawilom ruheb' ut aawab'ihom resil naq maa'ani naru tixkol rib' chiruheb' li ralal xk'ajol laj Anak.
3“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'. 4Ut naq akaq xe'isiik chawu xb'aan li Qaawa' laaYos, maaye sa' laach'ool: «Xb'aan xtiikilal linch'ool xinxk'am li Qaawa' chiweechani li ch'och' a'in». Jwal us b'an taaye: «Li Qaawa' kirisiheb' chiwu li tenamit a'in xb'aan li xmaa'usilaleb'», cha'qat. 5Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob. 6Ch'olch'ooq chawu naq moko xb'aan ta xtiikilal leech'ool naq li Qaawa' leeYos tixk'e chereechani li chaab'il ch'och' a'in. Laa'ex kaw leejolom, laa'ex jun tenamit jwal q'etq'et.
Eb' laj Israel ke'xq'etq'eti rib' aran Horeb
(Ex 31,18—32,35)
7“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'. 8Jo'kan ajwi' chiru li tzuul Horeb, kechiq' xjosq'il li Qaawa', ut li A'an kichalk xjosq'il sa' eeb'een ut kach'in chik maa kexsachk chi junajwa. 9Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.#9,9 Ex 24,18. 10Toja' naq li Qaawa' kixk'e we li wiib' chi tz'alam pek tz'iib'anb'ileb' ru xb'aan li ru'uj ruq' li Yos: aran tz'iib'anb'il chaq chixjunileb' li aatin kixye eere li Qaawa' sa' xb'een li tzuul, sa' xyi li xam, sa' xkutankil li loq'laj ch'utam. 11Naq ak ke'nume'k li ka'k'aal kutan ut li ka'k'aal q'oqyink, li Qaawa' kixq'axtesi we li wiib' chi tz'alam pek b'arwi' tz'iib'anb'il li Sumwank, 12ut kixye we: «Ayu, kub'en chi junpaat, xb'aan naq laatenamit li kawisiheb' chaq Ejiipt xe'xpo' xch'ooleb'. Sa' junpaat xe'xkanab' li b'e ink'utum chiruheb' ut xe'xyiib' jun li yos yiib'anb'il rik'in ch'iich'», chan.
13“Kixye wi' chik we li Qaawa': «Ak xink'e reetal li tenamit a'in: jwal kaweb' xjolom. 14Kanab'in chi xsachb'al ruheb' re naq ink'a' chik taapatz'e'q li xk'ab'a' rub'el choxa. A'ut laa'at tink'eheb' chi tamk laawalal aak'ajol re naq naab'alaqeb' ut q'axal kawaqeb' rib' chiru li tenamit a'in», chan.
15“Laa'in kinsutq'iik ut kinkub'e chaq sa' li tzuul li yo raq' xxamlel. Wankeb' chaq sa' wuq' li wiib' chi xtz'alampekil Sumwank, 16ut kiwil naq laa'ex kexmaakob'k chiru li Qaawa' leeYos naq keyiib' jun li saaj wakax rik'in ha'lesinb'il ch'iich': sa' junpaat kekanab' li b'e xk'utum cheru li Qaawa'. 17Toja' naq kinchap li wiib' chi tz'alam pek, kinkuteb' rik'in wuq' ut cheru ajwi' laa'ex kinputz'i. 18Chirix chik a'an kinhupub' wib' chiru li Qaawa' ut kinb'aanu wi' chik jo' xb'enwa: ka'k'aal kutan ut ka'k'aal q'oqyink ink'a' kinwa'ak chi moko kin'uk'ak xb'aan chixjunil li maak keb'aanu chiru li Qaawa' toj reetal kechiq' xjosq'il. 19K'ajo' naq kinxiwak#9,19 Heb 12,21. xb'aan xnimal xjosq'il li Qaawa' sa' eeb'een, naq kiraj raj eekamsinkil. Ab'anan jun wa wi' chik kinrab'i li Qaawa'. 20Yo ajwi' xjosq'il li Qaawa' sa' xb'een laj Aharón, ut kiraj raj xsachb'al ru. Ab'an laa'in kintijok ajwi' chirix laj Aharón. 21Chirix chik a'an kinchap li saaj wakax keyiib' naq kexmaakob'k, ut kink'at sa' xam; kinputz'i ut kinke' toj reetal kipojtz'o'k. Toja' naq kinkut li xpojtz'il sa' roq nima' li nakub'e chaq sa' li tzuul.
22“Aran Taberá,#9,22 Nm 11,3. Masá#9,22 Ex 17,7. ut Kibrot-Atabá,#9,22 Nm 11,34. laa'ex kechiq' xjosq'il li Qaawa'. 23Naq li Qaawa' kexxtaqla chi elk aran Kadés-Barné#9,23 Nm 13,25-14,38. re naq toxeereechani li ch'och' xk'ehom eere,#9,23 Dt 1,21. keq'etq'eti wi' chik eerib'#9,23 Nm 13,31; Dt 1,26; Heb 3,16. chiru li Qaawa' leeYos, ut ink'a' kepaab' chi moko keraj rab'inkil li raatin. 24Chalen naq kinnaw eeru, laa'ex q'etq'etex chiru li Qaawa' leeYos! 25Jo'kan naq laa'in kinhupub' wib' chiru li Qaawa', ut chi hupu kinwank chiru ka'k'aal q'oqyink, xb'aan naq li Qaawa' kiraj raj xsachb'al eeru. 26Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'. 27Jultikaqeb' aawe eb' laj k'anjel chawu: laj Abrahán, laj Isahak ut laj Jakob, ut maak'e sa' aach'ool li xkawilal xjolomeb' li tenamit a'in, chi moko li xmaa'usilaleb' ut li xmaakeb'. 28Mare anchal te'xye sa' li tenamit koohaawisi wi' chaq: Li Qaawa' ink'a' kixkuy roksinkileb' sa' li ch'och' xyeechi'om reheb'. Xik' narileb', jo'kan naq kirisiheb' arin, yal re xkanab'ankileb' chi kamk sa' li chaqich'och', cha'qeb'. 29Ab'an eb' a'in aatenamiteb' ut aaweechanihom. Laa'at kat-isink chaq reheb' rik'in xnimal aawankil ut xkawilal laawuq'», chankin re li Yos.
Currently Selected:
Dt 9: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Dt 9
9
“Moko xb'aan ta naq aak'ulub'”
1“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb': 2a'aneb' jun nimla tenamit, jwal najt xterameb', a'eb' laj Anak. Laa'at aawilom ruheb' ut aawab'ihom resil naq maa'ani naru tixkol rib' chiruheb' li ralal xk'ajol laj Anak.
3“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'. 4Ut naq akaq xe'isiik chawu xb'aan li Qaawa' laaYos, maaye sa' laach'ool: «Xb'aan xtiikilal linch'ool xinxk'am li Qaawa' chiweechani li ch'och' a'in». Jwal us b'an taaye: «Li Qaawa' kirisiheb' chiwu li tenamit a'in xb'aan li xmaa'usilaleb'», cha'qat. 5Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob. 6Ch'olch'ooq chawu naq moko xb'aan ta xtiikilal leech'ool naq li Qaawa' leeYos tixk'e chereechani li chaab'il ch'och' a'in. Laa'ex kaw leejolom, laa'ex jun tenamit jwal q'etq'et.
Eb' laj Israel ke'xq'etq'eti rib' aran Horeb
(Ex 31,18—32,35)
7“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'. 8Jo'kan ajwi' chiru li tzuul Horeb, kechiq' xjosq'il li Qaawa', ut li A'an kichalk xjosq'il sa' eeb'een ut kach'in chik maa kexsachk chi junajwa. 9Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.#9,9 Ex 24,18. 10Toja' naq li Qaawa' kixk'e we li wiib' chi tz'alam pek tz'iib'anb'ileb' ru xb'aan li ru'uj ruq' li Yos: aran tz'iib'anb'il chaq chixjunileb' li aatin kixye eere li Qaawa' sa' xb'een li tzuul, sa' xyi li xam, sa' xkutankil li loq'laj ch'utam. 11Naq ak ke'nume'k li ka'k'aal kutan ut li ka'k'aal q'oqyink, li Qaawa' kixq'axtesi we li wiib' chi tz'alam pek b'arwi' tz'iib'anb'il li Sumwank, 12ut kixye we: «Ayu, kub'en chi junpaat, xb'aan naq laatenamit li kawisiheb' chaq Ejiipt xe'xpo' xch'ooleb'. Sa' junpaat xe'xkanab' li b'e ink'utum chiruheb' ut xe'xyiib' jun li yos yiib'anb'il rik'in ch'iich'», chan.
13“Kixye wi' chik we li Qaawa': «Ak xink'e reetal li tenamit a'in: jwal kaweb' xjolom. 14Kanab'in chi xsachb'al ruheb' re naq ink'a' chik taapatz'e'q li xk'ab'a' rub'el choxa. A'ut laa'at tink'eheb' chi tamk laawalal aak'ajol re naq naab'alaqeb' ut q'axal kawaqeb' rib' chiru li tenamit a'in», chan.
15“Laa'in kinsutq'iik ut kinkub'e chaq sa' li tzuul li yo raq' xxamlel. Wankeb' chaq sa' wuq' li wiib' chi xtz'alampekil Sumwank, 16ut kiwil naq laa'ex kexmaakob'k chiru li Qaawa' leeYos naq keyiib' jun li saaj wakax rik'in ha'lesinb'il ch'iich': sa' junpaat kekanab' li b'e xk'utum cheru li Qaawa'. 17Toja' naq kinchap li wiib' chi tz'alam pek, kinkuteb' rik'in wuq' ut cheru ajwi' laa'ex kinputz'i. 18Chirix chik a'an kinhupub' wib' chiru li Qaawa' ut kinb'aanu wi' chik jo' xb'enwa: ka'k'aal kutan ut ka'k'aal q'oqyink ink'a' kinwa'ak chi moko kin'uk'ak xb'aan chixjunil li maak keb'aanu chiru li Qaawa' toj reetal kechiq' xjosq'il. 19K'ajo' naq kinxiwak#9,19 Heb 12,21. xb'aan xnimal xjosq'il li Qaawa' sa' eeb'een, naq kiraj raj eekamsinkil. Ab'anan jun wa wi' chik kinrab'i li Qaawa'. 20Yo ajwi' xjosq'il li Qaawa' sa' xb'een laj Aharón, ut kiraj raj xsachb'al ru. Ab'an laa'in kintijok ajwi' chirix laj Aharón. 21Chirix chik a'an kinchap li saaj wakax keyiib' naq kexmaakob'k, ut kink'at sa' xam; kinputz'i ut kinke' toj reetal kipojtz'o'k. Toja' naq kinkut li xpojtz'il sa' roq nima' li nakub'e chaq sa' li tzuul.
22“Aran Taberá,#9,22 Nm 11,3. Masá#9,22 Ex 17,7. ut Kibrot-Atabá,#9,22 Nm 11,34. laa'ex kechiq' xjosq'il li Qaawa'. 23Naq li Qaawa' kexxtaqla chi elk aran Kadés-Barné#9,23 Nm 13,25-14,38. re naq toxeereechani li ch'och' xk'ehom eere,#9,23 Dt 1,21. keq'etq'eti wi' chik eerib'#9,23 Nm 13,31; Dt 1,26; Heb 3,16. chiru li Qaawa' leeYos, ut ink'a' kepaab' chi moko keraj rab'inkil li raatin. 24Chalen naq kinnaw eeru, laa'ex q'etq'etex chiru li Qaawa' leeYos! 25Jo'kan naq laa'in kinhupub' wib' chiru li Qaawa', ut chi hupu kinwank chiru ka'k'aal q'oqyink, xb'aan naq li Qaawa' kiraj raj xsachb'al eeru. 26Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'. 27Jultikaqeb' aawe eb' laj k'anjel chawu: laj Abrahán, laj Isahak ut laj Jakob, ut maak'e sa' aach'ool li xkawilal xjolomeb' li tenamit a'in, chi moko li xmaa'usilaleb' ut li xmaakeb'. 28Mare anchal te'xye sa' li tenamit koohaawisi wi' chaq: Li Qaawa' ink'a' kixkuy roksinkileb' sa' li ch'och' xyeechi'om reheb'. Xik' narileb', jo'kan naq kirisiheb' arin, yal re xkanab'ankileb' chi kamk sa' li chaqich'och', cha'qeb'. 29Ab'an eb' a'in aatenamiteb' ut aaweechanihom. Laa'at kat-isink chaq reheb' rik'in xnimal aawankil ut xkawilal laawuq'», chankin re li Yos.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.