Dt 16
16
Li oxib' xninq'eheb' laj Israel
(Ex 23,14-17; 34,18-24)
1“Chawoxloq'i li po Abib ut aran taaninq'ehi li Paswa#16,1-8 Ex 12,1-20; Lv 23,5-8; Nm 28,16-25. sa' xk'ab'a' li Qaawa' laaYos, xb'aan naq sa' li po Abib, chi q'eq, li Qaawa' laaYos katrisi chaq Ejiipt.
2“Sa' li Paswa taamayeja junaq wakax malaj karneer sa' xk'ab'a' li Qaawa' laaYos, sa' li na'ajej sik'b'il ru xb'aan, re naq aran taana'ajunq li xk'ab'a'.
3“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am. 4Chiru wuqub' kutan ink'a' taa'ilmanq aawik'in xch'amal q'em, sa' chixjunil laana'aj; ut li tib' xamayeja ewu sa' li xb'een li kutan, ink'a' taakanaaq b'ayaq cho'q re eq'la wulaj. 5Moko tatruuq ta chi xmayejankil li Paswa sa'atqeb' li tenamit tixk'e aawe li Qaawa' laaYos, 6ka'aj b'an wi' sa' li na'ajej sik'b'il ru xb'aan, re naq aran taana'ajunq li xk'ab'a'; ka'ajwi' aran taamayeja li Paswa ewu naq yooq chi ok li saq'e, sa' li honal naq kat-elk chaq Ejiipt. 7Taachiq ut taatzeka sa' li na'ajej tixsik' ru li Qaawa' laaYos, ut wulajaq chik tatxik ut tatsutq'iiq sa' laawochoch. 8Waqib' kutan tatwa'aq wa ink'a' yuub'il, ut sa' xwuq li kutan taawanq jun li loq'laj ch'utam re xloq'oninkil ru li Qaawa' laaYos, ut maajun li k'anjel taab'aanu.
9“Taawajla wuqub' chi xamaan. Chalen sa' xtiklajik li q'olok triiw taatikib' rajlankil li wuqub' chi xamaan. 10Ut taanima ru li xNinq'eheb' li Xamaan#16,9-12 Lv 23,15-21; Nm 28,26-31. sa' xk'ab'a' li Qaawa' laaYos: aran taayeechi'i li xk'ihal laamayej li taa'alaaq sa' laach'ool, a' yaal chanru naq xatrosob'tesi li Qaawa' laaYos. 11Ut taasaho'q laawaanm chiru li Qaawa' laaYos, laa'at, laawalal ut laarab'in, laamoos winq ut laamoos ixq, laj Leví li wank sa' laatenamit ut laj ab'l tenamit, li neb'a'yox ut li xmalka'an li wankeb' sa' eeyanq, sa' li na'ajej sik'b'il ru xb'aan li Qaawa' laaYos re naq aran taana'ajunq li xk'ab'a'. 12Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.
13“Li xNinq'eheb' li Muheb'aal taab'aanu chiru wuqub' kutan, naq akaq xaxok ru laawawimq.#16,13-15 Lv 23,33-36.39-43; Nm 29,12-38. 14Ut taasaho'q laach'ool sa' li ninq'e, laa'at, laawalal, laarab'in, laamoos winq ut ixq, laj Leví ut laj numelb'e, li junaatal poyanam ut li xmalka'an wank sa' laatenamit. 15Chiru wuqub' kutan tatninq'ehiq sa' xk'ab'a' li Qaawa' laaYos sa' li na'ajej sik'b'il ru xb'aan li Qaawa'. Xb'aan naq li Qaawa' laaYos tatrosob'tesi rik'in chixjunil laawawimq ut laab'aanuhom; ut tz'aqalaq re ru li xsahil aach'ool.
16“Oxib' sut sa' li jun chihab' chixjunileb' li winq te'xk'ut chaq rib' chiru li Qaawa' laaYos, sa' li na'ajej sik'b'il ru xb'aan: sa' xninq'e li Wa ink'a' yuub'il, sa' xninq'eheb' li Xamaan ut sa' xninq'eheb' li Muheb'aal. Maajun toxk'ut rib' chiru li Qaawa' chi maak'a' wanq sa' ruq'; 17li junjunq b'an tixq'axtesi li xyeechi'om, a' yaal chanru naq x'osob'tesiik xb'aan li Qaawa' li xYos.
Chirix li tiikil ch'oolej
18“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej. 19Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.#16,19 Ex 23,6-8; Lv 19,15. 20Tiikilal, ka'ajwi' li tiikilal taasik', re naq yo'yooqat ut toxaaweechani li ch'och' tixk'e aawe li Qaawa' laaYos.
21“Maawaw jun toonaq li che' li taaye naq yos,#16,21 Ex 34,13. chi moko taak'e chi xk'atq li artal xayiib' cho'q re li Qaawa' laaYos. 22Maaxaqab' junaq pek re taaloq'oni,#16,22 Ex 23,24; Lv 26,1. xb'aan naq li Qaawa' laaYos xik' naril a'an.
Currently Selected:
Dt 16: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
