Dt 11
11
Xraab'al ut xtaaqenkil li Qaawa'
1“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil. 2Anaqwan chek'e reetal leetijb'al xb'aan li Qaawa' leeYos (leeralal eek'ajol ink'a' neke'xnaw chi moko rilomeb'). Chetawaq ru li xnimal xwankil, eb' li sachb'ach'oolej, 3eb' li eetalil ut xninqal b'aanuhom uxb'il chaq aran Ejiipt, rik'in laj Parahón, li awab'ej re Ejiipt, ut rik'in chixjunil li xtenamit.#11,3 Ex 7,8-12,30. 4Laa'ex nekenaw li kixb'aanu reheb' chixjunil laj puub' aj Ejiipt rochb'eeneb' li xkawaay ut eb' xb'eleb'aal ch'iich', chanru naq ke'muqunk sa' li palaw Suf naq yookeb' chaq cheraanilasinkil.#11,4 Ex 14,28. Laa'ex keril naq ke'sache'k ru chi junajwa xb'aan li Qaawa' rub'el li ha'.
5“Jultikaq eere li kixb'aanu sa' eek'ab'a' sa' li chaqich'och', chalen toj kexk'ulunk arin; 6jo'kan ajwi' li kixb'aanu re laj Datán ut laj Abirón, ralaleb' laj Eliab, xkomonil laj Rubén, naq li ch'och' kixte rib' ut kixnuq'eb' rochb'eeneb' li xjunkab'al, li xmuheb'aaleb' ut chixjunil li wankeb' rik'ineb', chiruheb' chixjunil laj Israel.#11,6 Nm 16,31-32. 7Eerilom rik'in leeru chixjunileb' li xninqal xb'aanuhom li Qaawa'.
8“Chepaab' b'i' chixjunil li chaq'rab' nekexintaqla wi' anaqwan, re naq texkawuuq ut toxeereechani li ch'och' b'arwi' xik eere. 9Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal. 10Xb'aan naq li ch'och' toxex'okaq wi', maawa' jo' li tenamit Ejiipt li kex'elk wi' chaq, b'arwi' chirix li awk na'uxk t'aqresink rik'in ajwi' leeroq, kama' na'uxk reheb' li kok' awimq. 11Li ch'och' toxeereechani, a'an tzuul ut taq'a ru, t'aqresinb'il xb'aan li ha' nachalk chaq sa' choxa. 12Li Qaawa' laaYos na'ilok re li ch'och' a'an; li ru li Qaawa' laaYos wank junelik sa' xb'een, chalen chaq sa' xtiklajik li chihab' toj sa' xraqik.
13“Wi laa'ex teepaab' chi tz'aqal re ru li chaq'rab' nekexintaqla wi' sa' li kutan a'in, wi teera li Qaawa' leeYos ut texk'anjelaq chiru chi anchal eech'ool ut chi anchal eeraanm, 14laa'in tintaqla li hab' sa' xb'een leena'aj tz'aqal sa' xq'ehil, rub'elaj li hab'alq'e ut rub'elaj li saq'ehil, ut laa'ex sa teexok leetriiw, lee'uub' ut lee'aseeyt. 15Laa'in tink'e chi yo'laak li raxpim cho'q xwaheb' leeketomq; ut laa'ex texwa'aq toj reetal taak'ojlaaq leech'ool.
16“Ab'anan chek'e reetal, meek'e eerib' chi b'alaq'iik ut meetz'eqtaana li Qaawa'. Mare anchal teeloq'oni eb' li jalanil yos ut teehupub' eerib' chiruheb'. 17Wi teeb'aanu chi jo'kan, taachalq xjosq'il li Qaawa' sa' eeb'een; li Yos tixtz'ap li choxa ut maak'a'aq chik li hab'. Toja' naq ink'a' chik taa'elq rawimq li ch'och' ut laa'ex tex'oso'q chi junpaat sa' li chaab'il ch'och' a'an tixk'e eere li Qaawa'.#11,13-17 Lv 26,3-5; Dt 7,12-16; 28,1-14.
18“K'ehomaqeb' li aatin a'in sa' leech'ool, sa' leeraanm; b'ak'omaq cheruq' ut jo'kaqeb' junaq eetalil chepeekem. 19Chek'uteb' chiruheb' leeralal eek'ajol. Junelik cheseeraq'i reheb' naq wanqex sa' leerochoch jo'wi' naq wanqex chiru eeb'e, naq yokyooqex ut naq texwakliiq. 20Chetz'iib'a chiruheb' li roqechal leerochoch ut chiru rokeb'aal li tenamit.#11,18-20 Dt 6,6-9. 21Chi jo'kan taanajto'q roq leeyu'am jo' ajwi' li xyu'ameb' leeralal eek'ajol sa' li ch'och' kixyeechi'i li Qaawa' reheb' leena' leeyuwa'. Texwanq aran jo' najtil wanq li choxa sa' xb'een li ruuchich'och'.
22“Wi relik chi yaal teepaab' chixjunileb' li chaq'rab' a'in li nink'e cheyu'ami, wi teera li Qaawa' leeYos, wi teetaaqe li xb'e ut wanqex junelik rik'in A'an, 23li Qaawa' taarisiheb' cheru chixjunileb' li tenamit a'an, ut laa'ex teerisiheb' sa' xna'ajeb' li xninqal ru tenamit ut q'axal kaweb' rib' cheru. 24Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj. 25Maa'ani tixkuy eesumenkil.#11,24-25 Jos 1,3-5. Li Qaawa' leeYos troksi xnimal xxiweb' chixjunil li tenamit b'arwi' texnume'q, jo' ak xyehom eere li Qaawa'.
26“Chek'e reetal: sa' li kutan a'in tink'e cheru li osob'tesiik ut li majewaak. 27Osob'tesiik wi teepaab' li xchaq'rab' li Qaawa' leeYos li xexinchaq'rab'i wi' anaqwan. 28Majewaak wi ink'a' teepaab' li xchaq'rab' li Qaawa' leeYos ut teekanab' li b'e li xink'ut cheru anaqwan, re xtaaqenkil jalaneb' yos li maajun wa eenawomeb' ru.
29“Naq akaq xexroksi li Qaawa' leeYos sa' li ch'och' toxeereechani, teek'e li osob'tesink sa' xb'een li tzuul Karisín, ut li majewank teek'e sa' xb'een li tzuul Ebal.#11,29 Dt 27,11-14; Jos 8,33-35. 30Eb' li tzuul a'in wankeb' junpak'al li nima' Jordán, chire li b'e naxik sa' xjayal rokeb'l saq'e, sa' xtenamiteb' laj Kanahán li wankeb' aran Arabá, sa' xka'yab'aal Kilkal, nach' rik'in li ji re Moré.
31“Anaqwan laa'ex q'axonk eere junpak'al li nima' Jordán re toxeereechani li ch'och' tixk'e eere li Qaawa' leeYos. Ut naq akaq xereechani ut wanqex aran, 32chek'e eech'ool chi xpaab'ankil chixjunil li chaq'rab' ut aatin li xink'e eere sa' li kutan a'in.
Currently Selected:
Dt 11: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Dt 11
11
Xraab'al ut xtaaqenkil li Qaawa'
1“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil. 2Anaqwan chek'e reetal leetijb'al xb'aan li Qaawa' leeYos (leeralal eek'ajol ink'a' neke'xnaw chi moko rilomeb'). Chetawaq ru li xnimal xwankil, eb' li sachb'ach'oolej, 3eb' li eetalil ut xninqal b'aanuhom uxb'il chaq aran Ejiipt, rik'in laj Parahón, li awab'ej re Ejiipt, ut rik'in chixjunil li xtenamit.#11,3 Ex 7,8-12,30. 4Laa'ex nekenaw li kixb'aanu reheb' chixjunil laj puub' aj Ejiipt rochb'eeneb' li xkawaay ut eb' xb'eleb'aal ch'iich', chanru naq ke'muqunk sa' li palaw Suf naq yookeb' chaq cheraanilasinkil.#11,4 Ex 14,28. Laa'ex keril naq ke'sache'k ru chi junajwa xb'aan li Qaawa' rub'el li ha'.
5“Jultikaq eere li kixb'aanu sa' eek'ab'a' sa' li chaqich'och', chalen toj kexk'ulunk arin; 6jo'kan ajwi' li kixb'aanu re laj Datán ut laj Abirón, ralaleb' laj Eliab, xkomonil laj Rubén, naq li ch'och' kixte rib' ut kixnuq'eb' rochb'eeneb' li xjunkab'al, li xmuheb'aaleb' ut chixjunil li wankeb' rik'ineb', chiruheb' chixjunil laj Israel.#11,6 Nm 16,31-32. 7Eerilom rik'in leeru chixjunileb' li xninqal xb'aanuhom li Qaawa'.
8“Chepaab' b'i' chixjunil li chaq'rab' nekexintaqla wi' anaqwan, re naq texkawuuq ut toxeereechani li ch'och' b'arwi' xik eere. 9Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal. 10Xb'aan naq li ch'och' toxex'okaq wi', maawa' jo' li tenamit Ejiipt li kex'elk wi' chaq, b'arwi' chirix li awk na'uxk t'aqresink rik'in ajwi' leeroq, kama' na'uxk reheb' li kok' awimq. 11Li ch'och' toxeereechani, a'an tzuul ut taq'a ru, t'aqresinb'il xb'aan li ha' nachalk chaq sa' choxa. 12Li Qaawa' laaYos na'ilok re li ch'och' a'an; li ru li Qaawa' laaYos wank junelik sa' xb'een, chalen chaq sa' xtiklajik li chihab' toj sa' xraqik.
13“Wi laa'ex teepaab' chi tz'aqal re ru li chaq'rab' nekexintaqla wi' sa' li kutan a'in, wi teera li Qaawa' leeYos ut texk'anjelaq chiru chi anchal eech'ool ut chi anchal eeraanm, 14laa'in tintaqla li hab' sa' xb'een leena'aj tz'aqal sa' xq'ehil, rub'elaj li hab'alq'e ut rub'elaj li saq'ehil, ut laa'ex sa teexok leetriiw, lee'uub' ut lee'aseeyt. 15Laa'in tink'e chi yo'laak li raxpim cho'q xwaheb' leeketomq; ut laa'ex texwa'aq toj reetal taak'ojlaaq leech'ool.
16“Ab'anan chek'e reetal, meek'e eerib' chi b'alaq'iik ut meetz'eqtaana li Qaawa'. Mare anchal teeloq'oni eb' li jalanil yos ut teehupub' eerib' chiruheb'. 17Wi teeb'aanu chi jo'kan, taachalq xjosq'il li Qaawa' sa' eeb'een; li Yos tixtz'ap li choxa ut maak'a'aq chik li hab'. Toja' naq ink'a' chik taa'elq rawimq li ch'och' ut laa'ex tex'oso'q chi junpaat sa' li chaab'il ch'och' a'an tixk'e eere li Qaawa'.#11,13-17 Lv 26,3-5; Dt 7,12-16; 28,1-14.
18“K'ehomaqeb' li aatin a'in sa' leech'ool, sa' leeraanm; b'ak'omaq cheruq' ut jo'kaqeb' junaq eetalil chepeekem. 19Chek'uteb' chiruheb' leeralal eek'ajol. Junelik cheseeraq'i reheb' naq wanqex sa' leerochoch jo'wi' naq wanqex chiru eeb'e, naq yokyooqex ut naq texwakliiq. 20Chetz'iib'a chiruheb' li roqechal leerochoch ut chiru rokeb'aal li tenamit.#11,18-20 Dt 6,6-9. 21Chi jo'kan taanajto'q roq leeyu'am jo' ajwi' li xyu'ameb' leeralal eek'ajol sa' li ch'och' kixyeechi'i li Qaawa' reheb' leena' leeyuwa'. Texwanq aran jo' najtil wanq li choxa sa' xb'een li ruuchich'och'.
22“Wi relik chi yaal teepaab' chixjunileb' li chaq'rab' a'in li nink'e cheyu'ami, wi teera li Qaawa' leeYos, wi teetaaqe li xb'e ut wanqex junelik rik'in A'an, 23li Qaawa' taarisiheb' cheru chixjunileb' li tenamit a'an, ut laa'ex teerisiheb' sa' xna'ajeb' li xninqal ru tenamit ut q'axal kaweb' rib' cheru. 24Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj. 25Maa'ani tixkuy eesumenkil.#11,24-25 Jos 1,3-5. Li Qaawa' leeYos troksi xnimal xxiweb' chixjunil li tenamit b'arwi' texnume'q, jo' ak xyehom eere li Qaawa'.
26“Chek'e reetal: sa' li kutan a'in tink'e cheru li osob'tesiik ut li majewaak. 27Osob'tesiik wi teepaab' li xchaq'rab' li Qaawa' leeYos li xexinchaq'rab'i wi' anaqwan. 28Majewaak wi ink'a' teepaab' li xchaq'rab' li Qaawa' leeYos ut teekanab' li b'e li xink'ut cheru anaqwan, re xtaaqenkil jalaneb' yos li maajun wa eenawomeb' ru.
29“Naq akaq xexroksi li Qaawa' leeYos sa' li ch'och' toxeereechani, teek'e li osob'tesink sa' xb'een li tzuul Karisín, ut li majewank teek'e sa' xb'een li tzuul Ebal.#11,29 Dt 27,11-14; Jos 8,33-35. 30Eb' li tzuul a'in wankeb' junpak'al li nima' Jordán, chire li b'e naxik sa' xjayal rokeb'l saq'e, sa' xtenamiteb' laj Kanahán li wankeb' aran Arabá, sa' xka'yab'aal Kilkal, nach' rik'in li ji re Moré.
31“Anaqwan laa'ex q'axonk eere junpak'al li nima' Jordán re toxeereechani li ch'och' tixk'e eere li Qaawa' leeYos. Ut naq akaq xereechani ut wanqex aran, 32chek'e eech'ool chi xpaab'ankil chixjunil li chaq'rab' ut aatin li xink'e eere sa' li kutan a'in.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.