Nah 1
1
Li xjosq'il li Yos sa' xb'een Nínive
1Xyehom li Qaawa' chirix li tenamit Nínive.#1,1-3, 9 Is 10,5-34; 14,24-27; Sof 2,13-15. A'an a'in li hu tz'iib'anb'il wi' li moy u kiril laj Nahúm, aj Elkós.
2Li Qaawa' a'an jun Yos aj sowen ut aj eeqajunel;#1,2-3 Ex 20,5-6; Dt 4,24.
na'eeqajunk ut k'ajo' li xjosq'il.
Ink'a' nasachk sa' xch'ool li xmaakeb' li xik' neke'ilok re.
3Li Qaawa' nab'ayk chi josq'o'k,
ab'anan jwal nim li xwankil,
ut junelik naxk'e chi xtojb'al xmaak li ani xmaakob'k.
Nab'eek sa' li kaqsut-iq',
ut eb' li choql a'aneb' li xpojtz'il li roq.
4Naxch'iila li palaw ut naxk'e chi chaqik;
naxchaqihob'resi ajwi' eb' li nima'.
Chiru li Qaawa' neke'tz'umak li xpimul Basán ut Karmeel,
ut neke'chaqik eb' li uutz'u'uj re Líbano.
5Eb' li tzuul neke'eek'ank sa' xna'aj chiru A'an,
ut eb' li b'ool neke'xsiksiki rib'eb'.#1,5 Sal 97,5; Mi 1,4.
Chixjunil li ruuchich'och' nahetlok chi rilb'al,
ut neke'xiwak jo'k'ihaleb' li wankeb' chisa'.
6Ani taaruuq taakuyuq re li xjosq'il?
Ani taawanq chi xaqam chiru naq taajosq'o'q?
Li xjosq'il naxpuka rib' chanchan li xam,
ut chiru A'an neke'xjor rib' eb' li saqoonak.
7Li Qaawa' a'an q'axal chaab'il cho'q re li kaw xch'ool chirix;
a'an li kawilal sa' xhonalil li rahil ch'oolej
ut narileb' li neke'oyb'enink rik'in
8naq nanume'k li b'ut'iha'.
Ab'anan naxsacheb' li neke'xq'etq'eti rib' chiru,
ut sa' aak'ab' neke'kanaak li xik' neke'ilok re.
Raqok aatin sa' xb'een Judá ut Nínive
Sa' xb'eeneb' laj Judá
9K'aru yookex chi xk'uub'ankil chirix li Qaawa'?
A'an tixsach eeru chi junajwa!
Maajun naru taawakliiq chiru xka'sutil,
10xb'aan naq eb' li xik' neke'ilok re, te'oso'q chi junajwa
chanchaneb' li k'ix xchapomeb' rib';
jo'qeb' li chaqi k'im naq te'k'ate'q,
ut k'ajo'eb' chi kalaak sa' xninq'eheb'.
Sa' xb'een Nínive
11At Nínive, sa' eeyanq x'elk li xk'uub'ank re li rahilal re li Qaawa':
jun aj k'ehol na'leb' jwal yib'ru xna'leb'.#1,11 Mare a'an laj Senakerib, awab'ej re Asiria.
Sa' xb'eeneb' laj Judá
12Jo'kan naq li Qaawa' xye chi jo'ka'in:
“Us ta jwal kaweb' rib' laj Asiria ut k'ajo' xk'ihaleb',
ab'an te'oso'q ut te'sachq chi junajwa.
Laa'in k'ajo' laarahob'tesinkil xinb'aanu,
ab'an ink'a' chik tatinrahob'tesi.
13Tinsach li xwankileb' li neke'numtaak sa' aab'een
ut tint'upi li kareen b'ak'b'ookat wi'”.
Sa' xb'een li awab'ej re Nínive
14A'an a'in li xkawresi cho'q aawe li Qaawa':
“At awab'ej re Nínive,
maajun aawalal aak'ajol taawanq
li te'k'amoq laak'ab'a'.
Sa' laatijob'aal tinjuk'eb' laayos
ut tinmuri eb' li xjalam uheb';
ut laa'at tatinmuq, xb'aan naq tz'eqtaananb'ilat”.
Sa' xb'eeneb' laj Judá
15Waye' chaq sa' xb'eeneb' li tzuul
laj yehol resil li tuqtuukilal!#1,15 Is 52,7.
Ninq'ehin, at Judá, ut maayejan
xb'aan naq ink'a' chik taanume'q aawik'in laj sachonel:
xsache'k chi junajwa.
Currently Selected:
Nah 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.