Santiago 1
1
Ri Santiago nuchop tzij
1Yin Santiago, jun rusamajel ri Dios y ri Ajaf Jesucristo, ninben c'a el re carta re' chive rix ri quiy-quimam can ri cablajuj#1.1 Hch. 26:7. ruc'ajol ri Israel ri xec'oje' ojer can, ri man ixc'o ta chic chupan re karuvach'ulef, xa pa ch'aka' chic ruvach'ulef ixc'o-vi. Tic'ulu' c'a ri rutzil-ivech ri nintek-el yin.
Ri rejkalen ri tijoj-pokonal
2Vach'alal, can tiquicot c'a janíla ri ivánima tok yixtejtobex riq'uin ronojel ruvech tijoj-pokonal. 3Roma can ivetaman chi tok yixc'oje' pa tijoj-pokonal,#1.3 1 P. 1:7. richin chi yixtz'et, vi can cukul ic'u'x riq'uin ri Dios; ri tijoj-pokonal ri' nuq'uen c'a pe coch'onic chive.#1.3 Ro. 5:3. 4Y man jun bey tiq'uis ri coch'onic iviq'uin, roma q'uiy utzil nuq'uen-pe chire ri ic'aslen, niq'uiy, nitz'aket#1.4 Mt. 5:48. y man juba' ta nrajo'.
5Y vi ec'o kach'alal chi'icojol ri nicajo' chi nic'oje' quina'oj, tiquic'utuj#1.5 1 R. 3:9; Pr. 2:3; Jer. 29:12; Jn. 15:7. c'a chire ri Dios. Y rija' can man xtupokonaj ta xtuya-pe q'uiy. Queri' nuben quiq'uin conojel ri yec'utun, y man jun achique ta xtubij chique. 6Pero tok rix c'o c'a ri nic'utuj#1.6 1 Ti. 2:8. chire ri Dios, c'o chi can nicukuba' ic'u'x#1.6 Mt. 21:21. riq'uin rija'. Y man riq'uin c'a ca'i' ic'u'x tic'utuj chire. Roma vi xa riq'uin ca'i' ic'u'x nic'utuj, rix xa niben c'a achi'el nuben ri nimalej ya' pa ruk'a' ri cak'ik'. Nibe quela' nibe quela' nuben. 7Y vi rix queri' niben, man c'a tich'ob chi ri Ajaf Dios xtuya-pe chive ri nic'utuj chire. 8Roma vi xa ca'i'#1.8 Stg. 4:8. ic'u'x tok nic'utuj chire ri Dios, nik'alajin chi xa ca'i' chuka' ic'u'x iviq'uin ka rix chupan ronojel ri ic'aslen.
9Y ri kach'alal ri manek quik'ij chuvech re ruvach'ulef, xa tiquicot c'a ri cánima, roma chuvech ri Dios can c'o-vi quik'ij,#1.9 Mt. 23:12. roma quiniman chic rija'. 10Y que chuka' ri' ri kach'alal beyoma' ri can c'o quik'ij y vacami banon chique chuvech re ruvach'ulef chi xa manek quik'ij, can tiquicot c'a ri cánima, roma rije' chuka' can quiniman chic ri Jesucristo. Y chuka' xa man yeyaloj ta el chuvech re ruvach'ulef, xa e k'axel achi'el jun rusi'j k'ayis.#1.10 Is. 40:6; 1 P. 1:24. 11Roma ja tok nipe ruvech ri k'ij, jari' tok ri k'ayis nichaki'j y niq'uis-ka.#1.11 Is. 40:7. Xa nitzak c'a el ri rusi'j y niq'uis, stape' janíla jebel nitzu'un ri pa nabey. Can que vi ri' jun beyon. Rija' xa chanin niquen-el (nicom-el) y nuya' can ri rumolic ri rubeyomel.
Ri tejtobenic
12Pero roj ri kacukuban kac'u'x riq'uin ri Dios, vi xtikacoch' ri tijoj-pokonal#1.12 Pr. 3:11, 12; He. 10:32; 12:5. ri nipe chikij, jebel c'a ruva-kak'ij.#1.12 Job 5:17; Sal. 94:12. Roma tok kacoch'on chic ronojel, ri Dios xtuya' ri lok'olej sipanic#1.12 2 Ti. 4:8; 1 P. 5:4; Ap. 2:10. chike, ri utzilej c'aslen ri man jun bey xtiq'uis ta. Ja lok'olej sipanic ri' ri rubin can ri Dios chi xtuya' chike ri yojajovan richin. 13Pero vi c'o jun ri nibanon chave chi yamacun ta, man c'a tabij chi ja ri Dios ri nibanon chave queri'. Roma ri Dios can man nuben ta chire jun vinek chi nimacun, y chuka' man jun nitiquir nibanon chire ri Dios chi nimacun. 14Roma ri yamacun xa aviq'uin c'a rat nipe-vi. Xa ja ri itzel tak rayibel#1.14 Mt. 5:28. ri ec'o aviq'uin ri yebanon queri' chave. 15Y vi naya' k'ij chire ri itzel tak rayibel, chiri' nipe-vi ri mac.#1.15 Sal. 7:14. Y pa ruq'uisibel nuq'uen-pe ri camic.#1.15 Ro. 5:12.
16Vach'alal ri yalan yixinvajo', man c'a quixk'olotej. 17Roma chila' chicaj riq'uin ri Katata' Dios, ronojel utz nika-pe. Riq'uin rija' petenek-vi ronojel ri sakil. Achi'el ri k'ij, ri ic' y ri ch'umila', ri niquijalala-qui' ronojel tiempo. Y xa can xe c'a ri Dios ri man nujel ta ri'.#1.17 Nm. 23:19; Mal. 3:6. 18Y riq'uin ri rurayibel rija' xuya' jun c'ac'a'#1.18 Jn. 1:13. kac'aslen tok xkanimaj ri kitzij ruch'abel, y xojoc achi'el ri nabey#1.18 Jer. 2:3; Ap. 14:4. tak cosecha ri ye'uc'uex-apo chire ri Dios.
Quixoc banoy ri utz
19Romari', vach'alal ri yalan yixinvajo', yin ninbij c'a chive chi'ijujunal chi riq'uin ronojel ivánima tivac'axaj ri ruch'abel ri Dios.#1.19 Ec. 5:1. Can jebel tich'obo' ri nubij. Roma rix nic'atzin chi jebel ivetaman-el nabey, c'ari' nitzijoj. Y chuka' ninbij chive chi man quixoyover chanin.#1.19 Pr. 14:29. 20Roma ri oyoval xa man nuq'uen ta pe jun c'aslen choj achi'el nrajo' ri Dios. 21Roma c'a ri' tiya' can ronojel ri man ch'ajch'oj ta y ronojel ri etzelal. Y c'o chi nich'utinirisaj-ivi' chuvech ri Dios, y titakej chi utzil ri ruch'abel ri c'o pa tak ivánima. Roma ja ch'abel ri' ri nicolon#1.21 Hch. 13:26; Ro. 1:16; Ef. 1:13; Tit. 2:11; He. 2:3. ivichin.
22Y man xe c'a tivac'axaj ri ruch'abel ri Dios, xa can tibana'#1.22 Ro. 2:13. chuka' ri nubij. Roma vi xa can xe nivac'axaj ri ruch'abel ri Dios y man niben ta ri nubij, iyon rix nik'ol-ivi'. 23Roma vi c'o jun ri nrac'axaj ri ruch'abel ri Dios, pero xa man nuben ta#1.23 Ez. 33:31. ri nubij, xa junan#1.23 Mt. 7:26. c'a riq'uin jun vinek ri nutzu-ri' pan espejo, can nik'alajin-vi ri kitzij rubaniquil. 24Pero tok xa c'a juba' tutzu' can ri' ri pan espejo, man chic noka' ta chuc'u'x ri achique titzu'un. 25Jac'a ri nac'axan ri ruch'abel ri Dios, y nunimaj y nuben#1.25 Jn. 13:17. ri nubij, can jebel c'a ruva-ruk'ij. Roma ri ruch'abel ri Dios can utz vi. Y nuben chike chi oj libre chic roma yojtiquir nikaben ri nrajo' ri Dios.
26Vi c'o jun nibin chi nuya' ruk'ij ri Dios y xa man nuchajij ta ri' riq'uin ri ruch'abel,#1.26 Stg. 3:2, 3. ruyon rija' nuk'ol-ri'. Y xa man jun utz nuq'uen-pe chi nubij chi rija' can nuya-vi ruk'ij ri Dios. 27Roma ri can kitzij nuya' ruk'ij ri Dios, yerutola' ri malcani'a' tak ixoki' ri quiyonin chic can y ri ac'uala' ri xa manek chic quite-quitata', y chuka' man nutz'ilobisaj#1.27 Is. 1:16; 1 Ti. 1:5. ta chic ri' chupan ri etzelal richin re ruvach'ulef. Chuvech ri Dios ri yebanon quere', jari' ri can kitzij y pa ruch'ajch'ojil niquiya' ruk'ij.
Currently Selected:
Santiago 1: cakC
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.