Juan 14
14
Jesús häpe n'äyij tä tiyäje Lhajcha
1Wet Jesús tahuyej lechufwenkay wet yok:
–Yej lhak'alwethä, mat chayaye Dios wet chayay n'oye. 2Wujpe n'ow'etes tä ihi Ojcha lew'et. Chik nimälhhiyejtso, ohanhiyejt'a chik ofwel amhohen wet oyok, oyik wet owaklhathihena amel haw'etes. 3Wet chik oyik tä owaklhathen haw'etes, otpinlat amehen wet oaichäjla, häpkhilek lheyay at n'oyej chik oihi lhip tä oihihila. 4Amel letäfwelayej t'at n'äyij tä tataye lhip tä ohoye.
5Tomás yok:
–Iwuk, olhamel ohanhiyejt'a ihi lhip tä lehoye. ¿Chip iwoyek ontäfwelej n'äyij tä tataye?
6Jesús nichulho wet yok:
–Olham ohäpe n'äyij, ohäpe m'ak tä matche, ohäpe n'ow'atshancheyaj. Ihichet'a n'äyij elh chik ichätyene wichi häp Ojcha, tajlhamat olham.#Mat 11.27; Juan 1.18; 6.46; Ap.Lh 4.12 7Wet chik amel letäfwelay n'oyej, häte letäfwenhiyeja Ojcha. Wet tälhe athana letäfwelayej t'at, tsi lew'enay t'at.
8Tä Felipe iläte Jesús lhämettso, wet yok:
–Iwuk, päyen n'oyehen Ajcha, wet naya t'at.
9Jesús nichulho wet yok:
–Felipe, pitaj lewhäy tä oi'amejen, ¿hä kamaj katäfwela n'oyej? Tsi elh tä hiw'enn'o hiw'en t'at Ojcha. ¿Chipte tä lhok, “Päyen n'oyehen Ajcha”? 10Felipe, ¿hä lekachu tä olham oiyej t'at Ojcha wet lham in'oyej, hätet iwoye chik otefwaj'atni? Häp olhämtes tä ofwel amhohen tälhit'a n'oye, tälhe t'at Ojcha tä in'oyej. Lham iwoye m'ak tä lechumet. 11Chayaye olhämet tä oyok, olham oiyej Ojcha wet lham in'oyej. Wok chik m'ayhay tä oyenlhi tä tamenej tä lechayaye olhämtesna, is t'at. 12Matche, matche tä ofwel amhohen, Elh chik icha n'oye häte yenhilhila m'ayhay tä olham oyenlhi. Wet äp yenhilhila iyhäj tä inu'pe, tsi olham ohoye t'at häp Ojcha. 13Wet m'ak at chik häpe chik let'alhaych'oye häp tä isej olhey, owohiyela, häpkhilek n'äl n'oyej Ojcha lewujyaj. 14Oyachajo tä oyok, owohiyela m'ak at chik häpe chik let'alhayej n'oye häp tä isej olhey.#Mat 7.7-11; Juan 15.7,16; 16.23-24; 1~Juan 3.21-22; 5.14-15
Jesús yok, “Ochenla amehen Espíritu tä Dios T'amajchet”
15“Chik amel lehuminayn'o, lewohiyela olhämtes. 16Wet olham ot'alhiyela Ojcha wet ichenla amehen elh Hach'otfwa, häpkhilek i'amejen yämthilek tiyäj'attsiy. 17Lham häpe t'at Espíritu tä hin'älit m'ak tä matche. Häp honhat leles ihanhiyejt'a chik tachumlä, tsi lhamel hiw'enhit'a wet äp tek nitäfwelej. Mat amel letäfwelayej t'at, tsi lham i'amejen wet ihla amhiche.
18“Owomhit'ala amel wet tek oayenla chipenhasa, mat otpinlat amehen. 19Pajiyejt'a wet honhat leles nemla hiw'enn'o. Mat amel lew'enayhlatn'o, tsi tä olham oläy, häte amel leläyhihena. 20Wet ifwalatso lehanhiyeja tä oiyej t'at häp Ojcha, wet amel lheyay at n'oyej, wet olham oi'amejen.
21“Elh tä tachumlä olhämtes wet iwoye, häp täja elh tä ihuminn'o. Wet elh tä ihuminn'o Ojcha ihumnhila, wet häte olham ohumnhila wet olhain'älthiyeja.”#Deut 6.4-9
22Elh tä lhey Judas (häpkhit'a Iscariote) tay'ätshane Jesús wet yok:
–Iwuk, ¿chip iwoye tä ts'ilakhila olhamel chik alen'älit n'oyejen, wet tek alen'älthiyeja honhat leles?
23Jesús nichulho wet yok:
–Häp elh tä ihuminn'o iwoye t'at olhämtes. Wet Ojcha ihumnhila, wet olham lhäy'e Ojcha onämhiyela wet oyen ow'eta. 24Mat häp elh tä nhuminan'o iwohiyet'a olhämtes. Wet olhämtes tä amel lelätaye tälhit'a n'oye, tälhe t'at Ojcha tä lechenekn'o.
25“Tä kamaj oi'amejen, ofwel amhohen nilhokej tähestso. 26Mat chik paj Ojcha ichenla amehen Hach'otfwa tä häpe Espíritu tä T'amajchet tä olham olhämetej, yämthilek ichufwen amejen nilhokej m'ayhay wet aitichunyenhichela nilhokej m'ak tä pajche ofwel amhohen.
27“Atamsekis ihi. Otamsek tä in'oyej häp tä ow'en amhohen wet on'äy amejen, tek häte iwoye tä honhat leles hiw'enpej lhamhomche. Yej lhak'alwethä, wet yej nowayay. 28Lelätaye olhämet tä oyok, oyik wet otpinlat amehen. Wet chik mathiche tä lehuminayn'o, a'akäsin'etwethä tä lehanej tä ohoye Ojcha, tsi lham häp tä inu o'pe. 29Athana tä kamaj kahäpeya lewhäy ohanhat amejen tähestso, häpkhilek chik nichäte lewhäy lhoyayhlak, Matche t'at Jesús lhämtes.
30“Wujit'alak oyämlhi amhohen, tsi nech'e nek at n'oye häp honhat laka niyat. Mat lakhajyhayaj inuhit'a o'pe, 31mat otch'anlhaye t'at, häpkhilek wichi ihanej tä ohumin Ojcha wet owoye m'ak tä ne'tek owoye.
“Huwa nechephä, n'ekhen.”
Currently Selected:
Juan 14: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.