2~Tes 1
1
Pablo ichene len'okhayaj häp Dios leles
1Amtena ipuhfwas tä Dios aleles tä lheyayhi hupuy tä Tesalónica.#Ap.Lh 17.1-10,13 Olham Pablo, lhäy'e Silvano,#1.1 Silvano häpe hin'o tä õyen lheya Silas tä ihi Apóstoles Lhenhay 15.22–18.5 lhäy'e Timoteo, olhamel ochen amehen olhämetna, häp amel tä lep'akayej t'at Dios Lhajcha lhäy'e Lhawuk Jesucristo.
2Is che Dios Lhajcha lhäy'e Lhawuk Jesucristo iti amejen lep'altsenyaj lhäy'e atamsek.
Che Cristo tapil honhatena, Dios itasnhila wichi tä lesukyajay ihi
3Ipuhfwas, t'uhawetej t'at tä olhamel owopej graciasayej Dios atapehen. Is alhoho täjtso, tsi achayaj wuj tä lhaichihelitpa wet lhäy'epej lhip ahumnhayaj tä elhpej amel letiyej aiyhäj. 4Tä mälhyejtso, olhamel okäjlhi amejen tä oyenpej lhämeta amel tä oiyej Dios leles iyhäj. Oyäme t'at achayaj, lhäy'e tä letujlhache t'at, tej tä athapej han'äyij wet wichi itipej amejen laka'tshayaj.
5Täjtso hin'älit tä is alhoho Dios lakalelhthayaj, häpkhilek amel at'uhawetej che letiyäjo Leniyatyaj tä lewo ateläythayaja'pe athana. 6Häte t'uhawetej che Dios yachaje leteläythayaj häp lhamel tä hiw'en amhohen ateläythayaj. 7Che näm ifwala tä Lhawuk Jesús lhain'älit tä tälh puleye, wet amel alet'upthihenahlä ateläythayajay, mälhhiyeja iwoye olhamel. Tsi lham nekhichela laka ángeles tä lewujyaj ihi, lhäy'e itäj lhal tä lak'e, 8yämlek iwo hayahlä wichi tä nitiya lhamhi Dios wet nitch'ahuyaye Lesilätyaj tä yäme Lhawuk Jesús. 9-10Che nichäthiyela ifwalatso tä Lhawuk näm, itasnhila wichi tä mälhyejentso, wet itihiyeja kanhihlä häp lham lhäy'e lewujyaj tä isi, wet letäyhyaj yämlek tiyäj'attsiy. Matkat häp Dios leles, lhamel tä ichaye, t'iselthiyeja lesilatyaj wet iwunthila häp lham. Wet amel lhehiyeja lhamel, tsi pajche lechaye t'at olhamel osilätyaj tä ofwelte amhohen.
11Häp tä tamenej tä olhamel oy'alhyenpej amehen lhaka Dios, ot'alhepej yämlek ayen häpeya iyhäj tä t'uhawetej tä lham t'änte amehen. Wet is che hich'otyeneje lakhajyhayaj nilhokej m'ak tä ischehen tä let'uhläk lewoye, lhäy'e achumtes tä isen tä tälhe achayaj. 12Che mälhyejtso, wichi iwunthila Lhawuk Jesús wet lham aiwunthila, häp tä isej lep'altsenyaj tä tälhe lhaka Dios lhäy'e Lhawuk Jesucristo.
Currently Selected:
2~Tes 1: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.