3 Juan 1
1
Ri Juan kuya pan rutzil uwach ri hermano Gayo
1Ri'in in nimalaj winaq, in aj wach re riglesia; kantz'ib'aj pan wa carta che'la, hermano Gayo, ma lik paqatzij wi k'ax kanna' la. 2Lal nu hermano, ri'in kantz'onoj che ri Dios cha' ronoje kel chi utz chwi q'ab' la yey cha' lik e xaqi utz wach la jela' pacha' ri b'inik silab'ik la lik utz chwach ri Dios. 3Ri'in lik xinki'kotik echiri' xek'un jujun hermanos y xkitzijoj chwe puwi ri jusuk' b'inik silab'ik la, ma e lik taqem la ri Q'ijsaq re ri Dios. 4Na jinta kuya más ki'kotemal chwe chwa ri kanweta'maj ri e walk'o'al chupa rub'i' ri Dios e lik kitaqem ri Q'ijsaq.
Pixab'anik puwi ri kito'ik ri e aj chak re ri Dios
5Lal nu hermano, lik utz ri katajin la che u'anik echiri' keto' la ri hermanos, yey lik ewi ri ka'an la chike ri kepe naj. 6Ek'u rike lik kiq'alajisam chikiwach ri tinamit re ri Cristo janipa ri rutzil k'u'x la chike. Yey lik utz we keto' b'i la cha' keb'ek chi che ri chak re ri Dios e k'o wi. Lik e taqal wa' chike rike 7ma e petinaq chupa rub'i' ri Qanimajawal ruma k'ax kakina' Rire, y na jinta to'b'al ke kakik'am chike ri winaq na keta'am ta uwach ri Dios. 8Ek'u ri'oj, lik chirajawaxik kaqaya qib' che kito'ik wa' wa qa hermanos cha' jela' kojto'b' kuk' che utzijoxik ri Q'ijsaq.
Ri na utz taj ku'an ri Diótrefes
9Ri'in xintz'ib'aj pan chike ri tinamit re ri Cristo puwi wa to'b'al taqal chike ri e aj chak re ri Dios, pero ri Diótrefes na kuk'ul ta ri pixab'anik kaqaya ri'oj, ma ri karaj e lik xew rire kataqan pakiwi konoje. 10E uwari'che we xinopon chila', kanch'a'b'ej upa ruma taq ri raq'ub'al uyakom chiqij. Yey na xew ta wa', ma na karaj taj keb'uk'ul ri hermanos kepe naj y keb'uq'atej ne ri hermanos kakaj kekik'ulu. Ek'u ri kek'uluw ke keb'eresaj b'i chikixo'l ri tinamit re ri Cristo.
Ri utz ku'an ri hermano Demetrio
11Lal nu hermano, ma'an e la ri na utz taj; e 'ana la ri utz. Ma e junoq ku'an ri utz, ri' re ri Dios; no'j e junoq ku'an ri na utz taj, ri' na reta'am ta uwach ri Dios. 12Konoje chom kech'a't puwi ri hermano Demetrio y lik qatzij ri kakib'i'ij ma wa' lik kaq'alajin che rub'inik usilab'ik. Jenela' ri'oj, chom ruch'a'tib'exik kaqa'ano yey eta'am alaq lik qatzij ri kaqab'i'ij.
K'isb'al uch'a'tem ri Juan che ri Gayo
13Lik k'i taq ri kuaj kantzijoj che'la, pero wa' na kuaj taj kantz'ib'aj che'la 14ma ri kuaj ri'in e kinopon tan uk' la y jek'ula' kojch'a't chiqawach.
15K'ola k'u rutzil chomal uk' la. Janipa ri hermanos keta'am wach la kakiya pan rutzil wach la. Kantz'onoj che'la, ya'a la rutzil kiwach chikijujunal janipa ri keta'am qawach chila'.
Currently Selected:
3 Juan 1: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.