Titə 1
1
Lapia gə́ ra dee
1Ma Pool, kura lə Ala ləm, gə njekaḭkula lə Jeju Kristi ləm tɔ gə mba kar meekun lə dee gə́ Ala ɔr dee ra ne tɔg ləm, mba kar dee gər kankəmta gə goo rəw tədkag Ala lé ləm tɔ. 2Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi. 3Yeḛ nja ɓa riba dɔ ta ləa gə́ raga mee ndəa gə́ yeḛ wɔji gə goo kula kɔr gin ta gə́ yeḛ ɔm jim’g gə goo torndu Ala gə́ njekaji sí lé.
4Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi .
Kula gə́ Titə ra dɔgoré-loo gə́ Krètə
5Yee ɓa ma m’ya̰’i ne Krètə mba kari gɔl néje lai gə́ lal gɔl gə́ to gə goo rəbee el ɓəi ləm, mba kunda ŋgatɔgje gə ɓee kára-kára lai gə goo rəw gə́ ma m’wɔji lé ləm tɔ. 6Ŋgatɔg lé maji karee to njegelgodo ləm, gə njedené kára ba ləma, kar ŋganeeje kara to gə́ majikojije gə́ dəw askəm kila ta gə́ wɔji dɔ kaw kori-kori əsé kɔs ta rəw dɔ dee’g el ləm tɔ . 7Mbata kisi gə́ dəw gə́ njegelgodo ɓa gə́ kuma̰ karee to ne njekaa dɔ kula lə Ala lé. Maji karee to njekəsta el ləm, əsé njera oŋg kalaŋ el ləm, əsé a to ɓər lə kido el ləm, əsé a ra né kərm-kərm el ləma, əsé a to njeko̰laolar el ləm tɔ. 8Nɛ maji karee to njekwambá bur-bur ləm, gə njekɔrkura gə njéra némajije ləm, gə njemeendər ləm, gə njera né gə́ gə goo rəbee ləm, gə a to dəw gə́ to gə kəmee ləma, əsé gə njekwarea səm kaw ləm tɔ. 9Kankəmta gə́ deḛ ndée ɓa maji karee wa mée dɔ’g, yee ɓa yeḛ a kaskəm ndəji dee ne ta ndoo gə́ àr lé ləm, a kal ne gin njémaḭtaje ləm tɔ.
10Tɔgərɔ ya, mbuna njékḭja tamɔd deeje lé njékaltaje bula ləm, gə njépa taje gə́ gə mḭdé-mḭdé ba ləma, gə njésukəmlooje ləm tɔ lé d’isi keneŋ. 11Deḛje neelé maji kwa ta dee daŋ’d ya. Mbata deḛ ndɔm noji na̰je naŋg gololo ləm, ta gə́ kəm ndoo dee el lé deḛ ndoo dee mba taa ne né gə́ gə goo rəbee el ləm tɔ. 12Njekɔrginta lə dee-deḛ kara pata wɔji ne dɔ dee pana: Njé gə́ Krètə, njétədndataje ləm, njékuba meḛjoŋgje ləma, gə njé gə́ dab uru kəi meḛ dee’g ləm tɔ. 13Ta nee gə́ yeḛ ɔr lé to gə́ kankəmta ya. Bèe ndá maji kari pa sə dee ta gə́ nuŋga so mba kar meekun lə dee inja ne paw ləm, 14mba kar dee nai dɔ sutaje’g lə Jibje əsé dɔ torndu dəwje gə́ d’uba kankəmta d’ya̰ lé el ləm tɔ. 15Deḛ gə́ d’àr lé d’oo néje gə́ d’àr gə́ looje lai. Deḛ gə́ mina̰ lé d’ɔs kankəmta rəw tɔ ndá néje gə́ mina̰ ɓa d’oo gə́ looje lai tɔ. Kəmkàr lə dee ləm, gə ta gə́ meḛ dee’g ləm tɔ lé mina̰ ya. 16Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.
Currently Selected:
Titə 1: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.