Tito 1
1
Ri Pablo cuya pan rutzil uwach ri Tito
1Ri'in in Pablo, in aj chac re ri Dios yey in tako'n re ri Kanimajawal Jesucristo. Ri chac uya'om chwe e quebenuto' ri ebucha'om Rire cha' cacubi' quic'u'x ruc', caqueta'maj chi utz ri K'ijsak y quebin jusuc' chwach 2cha' jela' caquicuba' quic'u'x che uc'ulic ri quic'aslemal na jinta utakexic. Ma ri Dios xubi'tisij lo wa c'aslemal echiri' c'amaja' cajeker lo ruwachulew, y Rire na cu'an ta rak'ubal. 3Yey echiri' xopon ruk'ijol re cak'alajisax ri Utzilaj Tzij, ri Dios Kacolobenel xuya panuk'ab cantzijoj wa' chiquiwach ri ticawex.
4Cantz'ibaj c'u pan wa' wa carta chawe ri'at Tito, ri pakatzij wi at pacha' nuc'ajol chupa rubi' ri Cristo, ma junam ri cubulibal kac'u'x ruc' Rire. Chac'ulu c'u ri unimal rutzil c'u'xaj, ri c'axna'bal c'u'xaj y ri utzil chomal re ri Kakaw Dios y re ri Kanimajawal Jesucristo Kacolobenel.
Ruchac ri Tito chupa ri isla Creta
5Ri'in xatinya can chila' chupa ri isla Creta cha' cayijba' tak ri chakal can u'anic y quebacoj c'u e aj wach pa riglesia chujujunal tinamit, jela' pacha' ri ximbi'ij can chawe.
Ri binic silabic takal chique ri e aj wach y ri e aj c'amal quiwach rutinamit ri Dios
6E juna aj wach re riglesia lic chirajawaxic jusuc' rubinic usilabic cha' na jinta cach'a'tiben re. C'ola jusuc' ruc' ri rixokil yey ri ralc'o'al chirajawaxic quicojom rubi' ri Cristo, e cojol tzij y na catataj ta c'u chique e aj mac o e titz'itak.
7Ec'u ri' ri ya'tal che cu'ana aj c'amal quiwach rutinamit ri Dios, lic chirajawaxic e jusuc' rubinic usilabic cha' na jinta cach'a'tiben re, mu'an nim chiribil rib, na ch'i'ch'oj ta uc'u'x, na k'aba'rel taj, na aj ch'a'oj taj, na rayinel taj re puak cach'ac ruc' socoso'nic. 8Yey chebuc'ulu chi utz tak ri quebopon chirocho, chuya'a uc'u'x che u'anic ri utz, lic chuch'obo chi utz ri cu'ano, chu'ana ri lic jusuc', lic chuya'a rib puk'ab ri Dios y lic churika uchajixic rib chwach ronoje ri na utz taj. 9E chutakej ri sakil Utzilaj Tzij re ri Dios c'utum chwach#2 Ts. 2:15 cha' jela' curik capixaban ruc' chomilaj c'utunic y cucoj wa' pa quijolom ri ticawex, ri caquibi'ij na katzij ta wa c'utunic.
Tak ri caqui'an c'utunic na sakil taj
10Ma lic e q'ui ri e titz'itak, caquic'ut ri na jinta uchac y e socoso'nel. Y chique tak wa' e c'o ri lic queboc il che ri retalil re circuncisión. 11Maya c'u luwar chique wa' wa winak quec'utunic, ma caquisachisaj quina'oj uq'uiyal familias ruc' ri quic'utunic. Rique xew cacaj quebeyomar ruc' ri c'utunic caqui'ano yey wa' lic q'uixbal uwach.
12Ojertan c'o jun k'alajisanel aj Creta, jewa' xubi'ij chwi rutinamit rire: “Ri e aj Creta lic xex wi e aj rak'ul, pacha' e itzel chicop, lic e japjatel y lic e xepu'ab”#1:12 Ri xtz'iban re wa' e jun achi Epiménides rubi', yey rire lic c'o uwach rojertan. xcha'. 13Yey ri xubi'ij wa' wa'chi lic katzij; e uwari'che chirajawaxic lic chach'a'bej quipa cha' quetiqui' chupa ri sakil c'utunic, 14y jec'ula' na queboc ta il che tak ri tzijonic xa quimololem raj judi'ab y na queboc tane il che ri takanic que ri winak quiya'om can ri K'ijsak.
15E junok sakil runa'oj, ronoje ri chom chwach ri Dios, ri' e lic chom chwach rire. No'j ri sachinak runa'oj, ri na cucoj ta ri K'ijsak, ri' ronoje lic ch'ul chwach ma ch'ul runa'oj y ri ranima'; y jec'ula' na cuna'bej taj sa' ri chom y sa' ri na chom taj. 16Tob cubi'ij reta'am uwach ri Dios; pero ruc' ri cu'ano, cak'alajinic na reta'am ta uwach. Ma xaki itzel uc'u'x, aj palajiy tzij y na jinta c'ana utz cu'an chwach ri Dios.
Currently Selected:
Tito 1: acrT
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.