Hechos 19
19
Ri Pablo cac'oji' oxib junab pa ri tinamit Éfeso
1Ec'uchiri' c'a c'o ri Apolos pa ri tinamit Corinto, ri Pablo xe'ec pa tak ri tinamit c'o lo chwi tak juyub y jela' xopon pa ri tinamit Éfeso. Chila' xebu'rika jujun chique ri quicojom rubi' ri Cristo 2y xutz'onoj c'u chique:
—¿Xc'ul alak ri Santowilaj Ruxlabixel ri Dios echiri' xcoj alak rubi' ri Cristo? —xcha chique.
Yey rique xquic'ul uwach:
—¿Sa' ri' wa'? Ma ri'oj na katom tane q'uenok we c'o Ruxlabixel ri Dios —xecha'.
3Ec'u ri Pablo xutz'onoj chique:
—¿Sa' c'u ri bautismo xc'ul alak? —xcha'.
Rique xquic'ul uwach:
—E ri bautismo re ri Juan —xecha'.
4Xubi'ij c'u ri Pablo chique:
—Ri bautismo xuya ri Juan e c'utubal re ri tzelebal tzij chwach ri Dios, yey xtzijon chiquiwach ri tinamit cha' caquicoj rubi' ri Jun catajin lo chirij rire;#Mt. 3:11; Hch. 13:24-25 wa' e ri Jesús, ri Cristo —xcha'.
5Echiri' xquita wa', asu xquic'ul ri bautismo pa rubi' ri Kanimajawal Jesús. 6Ec'uchiri' ri Pablo xuya ruk'ab paquiwi', ri Santowilaj Ruxlabixel ri Dios xkaj paquiwi' y xquijek c'u ri' quech'a't pa jujun chic ch'a'tem na quimajom taj y caquik'alajisaj ri tzij uya'om ri Dios chique. 7Chi conoje wa' laj e juna cablajuj chi achijab.
8Xoc c'u ri Pablo pa ri sinagoga, yey oxib ic' c'u ri' xutzijoj ri Utzilaj Tzij y na xuxi'ij ta c'ana rib che u'anic wa'. C'olic caquichapala' quib cuc' raj judi'ab puwi ri cuc'utu y lic xutij uk'ij cha' cucoj pa quijolom ri usuc' puwi rutakanic ri Dios.
9Pero e c'o jujun chique xqui'an lic co che quib y na xcaj ta c'u xquicoj rubi' ri Cristo; xquijek c'u ri' tzel quech'a't chirij ri C'ac' Be re ri Utzilaj Tzij e la' chiquiwach ruq'uiyal winak. Ec'u ri Pablo xresaj bi rib chiquixo'l y xebuc'am bi ri quicojom rubi' ri Cristo. Chujujunal k'ij c'ut, ri Pablo catzijonic y lic cach'a't chwi tak ruc'utunic chiquiwach, pa ri luwar pa cac'utun wi jun achi Tirano rubi'. 10Pa queb junab e ri' jela' xu'an ri Pablo, cac'utunic. Ruma c'u la', conoje ri e aj judi'ab y ri na e ta e aj judi'ab e c'o pa tak ri luwar re Asia, xquita ri Utzilaj Tzij re ri Kanimajawal Jesús.#19:10 Xtic iglesias pa Colosas, Laodicea, Hierápolis (Col. 4:13) y jujun chic tinamit re Asia (Ap. 2–3).
11Yey ruma c'u ri Pablo, ri Dios xu'an nimak tak milagros na jinta c'ana ilitajinak wi. 12Xu'ana ne ri', cac'am bi su't o c'ul ic'owisam chirij ri Pablo y caya' chique ri yewa'ib, y jela' quecunutajic yey ri itzel uxlabixel quebel bi chique ticawex.
13Pero e c'o jujun aj judi'ab xa ebic'owel pa tak tinamit yey e quiwach quequesaj itzel uxlabixel chique ri ticawex. Rique xquitij uk'ij caquesaj bi ritzel tak uxlabixel chique ri winak pa rubi' ri Kanimajawal Jesús, jewa' caquibi'ij: «Chupa rubi' ri Jesús ri cutzijoj ri Pablo, quintakan piwi' cha' quixel bi» quecha'.
14Jujun chique ri caqui'an wa' e ri wukub uc'ajol jun achi Esceva rubi'. Rire e cuq'uil raj judi'ab yey e cuq'uil ri nimak e aj chacunel pa Rocho Dios.
15C'o c'u jun k'ij, jun itzel uxlabixel xuc'ul uwach chique ri wukub uc'ajol ri Esceva: «Weta'am uwach ri Jesús y weta'am china ri Pablo; no'j ri'ix, ¿ix chinok?» xcha'.
16Ec'u rachi, ri c'o puk'ab ri itzel uxlabixel, xuc'ak rib paquiwi' y ruc' unimal uchuk'ab xebuchapo, yey ec'u ri' rire ri xuch'ij quichuk'ab y lic xu'an c'ax chique. Jec'uri'la', rique ech'analic xebanimaj bi chupa ri ja e c'o wi. 17Y conoje ri ejekel chupa ri tinamit Éfeso xqueta'maj wa'. Ec'u ri e aj judi'ab y ri na e ta aj judi'ab lic xquixi'ij quib che; jec'uri'la', wa' xe'elok re yacbal uk'ij rubi' ri Kanimajawal Jesús.
18Lic c'u e q'ui ri' chique ri quicojom rubi' ri Cristo, xec'unic e la' chiwachil caquik'alajisaj tak janipa ri na utz taj qui'anom. 19Lic c'u e q'ui chique ri ebu'anom aj itz y aj k'ij, xquic'am tak lo ri quiwuj re majbal itz y xquiporoj chiquiwach conoje. Xajilax c'u ri' janipa cu'ana ri rajil wa' y xu'ana cincuenta mil chi sakil puak re plata. 20Jec'uri'la' xuquich wubi rib ri Utzilaj Tzij re ri Kanimajawal y xe'ec uk'alajisaxic ruc' unimal chuk'ab; yey lic catajin quiq'uiyaric ri quecojow re.
21Ic'owinak chi tak wa', ri Pablo xutic pa ranima' que'ec pa ri tinamit Jerusalem echiri' ic'owinak chi pa tak ri luwar re Macedonia y re Acaya. Jewa' xubi'ij: «Echiri' inic'owinak chi chupa ri tinamit Jerusalem, lic chirajawaxic chwe quinopon pa ri tinamit Roma.» 22Xebutak c'u bi pa tak ri luwar re Macedonia queb chique ri queto'w re, wa' e ri Timoteo y ri Erasto. Yey rire xcanaj chi can jujun k'ij pa tak ri luwar re Asia.
Quetucuc ri winak e c'o Éfeso
23Chupa tak c'u la' la k'ij, pa ri tinamit Éfeso xquijek quetucuc ri winak chirij ri C'ac' Be re ri Dios y na xa ta jubik' ri xqui'ano. 24Wa' e ruma jun achi Demetrio rubi', aj chacunel ruc' ch'ich' re plata. Ruc' wa' wa ch'ich' re plata cu'an raltak co ja, uc'axwach ri rocho ri quitiox Diana.#19:24 “Diana”: E ubi' caquibi'ij ri e aj Roma che wa jun tiox, no'j ri e aj Grecia “Artemisa” quecha che. Yey chwach wa', na xa ta jubik' ri caquich'ac janipa ri quechacun ruc'.
25Ec'u wa'chi xebumol wa raj chac, cuc' jujun chic aj chaquib junam ri quichac y xubi'ij chique:
«Alak achijab, ralak eta'am alak e ruma wa jun chac lic c'o kabeyomalil. 26Pero ilom c'u alak y tom alak ri u'anom lo ri Pablo. Ri cu'ano e cucoj pa quijolom uq'uiyal ticawex na e ta dios ri xa e 'anom ruc' quik'ab ri ticawex. Yey na xew ta cuc'ut wa' pa ri katinamit Éfeso, ma ya laj cumaj ronoje pa tak ri luwar re Asia. 27Ruma c'u wa', c'o ne pa sak na calok' ta chi ri kac'ay, yey laj cu'ana ne ri' chiquiwach ri winak na jinta chi uk'ij ri rocho ri nimalaj katiox Diana. Jec'ula', cujek na jinta chi uwach ri katiox, ri calok'ox uk'ij pa tak ronoje ri luwar re Asia y che ronoje ruwachulew» xcha'.
28Echiri' xquita tak wa', lic xpe coyowal y xquijek quesiq'uinic: «¡Nim uk'ij ri tiox Diana que ri aj Éfeso!» quecha'.
29Xpe c'u jun nimalaj sachibal na'oj chique conoje ri tinamit. Quetenenic xe'quiya'a quib pa ri nimalaj estadio pa caquimol wi quib ri tinamit. Y xequichap c'u ri Gayo y ri Aristarco; rique e aj pa ri luwar re Macedonia y e rachbi'il ri Pablo.
30Xraj c'u ri Pablo coc pa ri estadio cha' cach'a't chiquiwach ruq'uiyal winak, no'j ri quicojom rubi' ri Cristo xquik'atej. 31Yey e c'o ne jujun chique ri e aj k'atal tzij re pa tak ri luwar re Asia, e ramigos ri Pablo; rique xquitak ubi'xiquil che y lic xebelaj che cha' na coc tubi pa ri estadio pa etenel wi ri winak.
32Ec'u ri winak etenel chiri' lic xsach quina'oj y xquijek quesiq'uinic. Junwi tak ri caquibi'ij y na catataj ta chi nenare' sa' tak ri caquibi'ij. Yey lic e q'ui chique na queta'am ta nenare' su'chac quimolom quib.
33E c'o c'u jujun aj judi'ab xquiminenej bi chiquiwach conoje, jun achi Alejandro rubi'. Ec'uchiri', jujun chic xe'quijec'a pan chiquixo'l ruq'uiyal winak. Ec'u rire xu'an jun c'utubal ruc' ruk'ab cha' caya'i' che cuto'bej rib.
34Pero echiri' ri winak xqueta'maj rire e cuq'uil raj judi'ab, conoje xa jun ubi'xiquil quesiq'uinic, laj queb ora xquich'ijo caquibi'ij: «¡Nim uk'ij ri tiox Diana que ri aj Éfeso!» quecha'.
35Ec'u ri aj tz'ib re ri tinamit, echiri' xuch'ij quicubaxic ruq'uiyal winak, jewa' xubi'ij:
«Alak achijab aj Éfeso, ¿china ri na eta'mayom ta re we ri tinamit que ri aj Éfeso e chajal re ri rocho ri nimalaj tiox Diana yey junam ruc' ruc'axwach, ri kajinak lo chicaj? 36Yey che tak wa', na utz ta c'u ri' c'o junok cubi'ij na katzij taj. E uwari'che lic chirajawaxic cacubi' alak. Mac'o ma'an alak pa ch'u'jilal; nabe na ch'obo alak rakan chi utz ri ca'an alak. 37Cambi'ij wa', ma ec'amom lo alak wa' wa'chijab tob rique na e tane macuninak chirij ri templo o chirij ri katiox.
38»Yey we ri Demetrio cuc' ri rachbi'il c'o quich'a'oj chirij junok, ri lic ube e quiya'a wa' pa k'atbal tzij; ma e c'o e aj k'atal tzij ya'tal paquik'ab caquita que ri winak caquirak'uj quib chiquiwach. 39Yey we c'a c'o ca'aj alak catz'onoj alak chiquij, ri lic ube e caya'i' wa' chiquiwach conoje ri tinamit y cayijbax chi usuc'liquil. 40Ma ruma ri x'ani' wak'ij, c'o ne pa sak catz'ak kachi' cojch'o'jin chirij ri k'atbal tzij y na jinta c'o quel wi we xtz'onox chike sa' la cojtucuc wi» xcha'.
41Xew c'u xubi'ij wa' xuq'uisbej utza'm ri quimolom wi quib.
Currently Selected:
Hechos 19: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Hechos 19
19
Ri Pablo cac'oji' oxib junab pa ri tinamit Éfeso
1Ec'uchiri' c'a c'o ri Apolos pa ri tinamit Corinto, ri Pablo xe'ec pa tak ri tinamit c'o lo chwi tak juyub y jela' xopon pa ri tinamit Éfeso. Chila' xebu'rika jujun chique ri quicojom rubi' ri Cristo 2y xutz'onoj c'u chique:
—¿Xc'ul alak ri Santowilaj Ruxlabixel ri Dios echiri' xcoj alak rubi' ri Cristo? —xcha chique.
Yey rique xquic'ul uwach:
—¿Sa' ri' wa'? Ma ri'oj na katom tane q'uenok we c'o Ruxlabixel ri Dios —xecha'.
3Ec'u ri Pablo xutz'onoj chique:
—¿Sa' c'u ri bautismo xc'ul alak? —xcha'.
Rique xquic'ul uwach:
—E ri bautismo re ri Juan —xecha'.
4Xubi'ij c'u ri Pablo chique:
—Ri bautismo xuya ri Juan e c'utubal re ri tzelebal tzij chwach ri Dios, yey xtzijon chiquiwach ri tinamit cha' caquicoj rubi' ri Jun catajin lo chirij rire;#Mt. 3:11; Hch. 13:24-25 wa' e ri Jesús, ri Cristo —xcha'.
5Echiri' xquita wa', asu xquic'ul ri bautismo pa rubi' ri Kanimajawal Jesús. 6Ec'uchiri' ri Pablo xuya ruk'ab paquiwi', ri Santowilaj Ruxlabixel ri Dios xkaj paquiwi' y xquijek c'u ri' quech'a't pa jujun chic ch'a'tem na quimajom taj y caquik'alajisaj ri tzij uya'om ri Dios chique. 7Chi conoje wa' laj e juna cablajuj chi achijab.
8Xoc c'u ri Pablo pa ri sinagoga, yey oxib ic' c'u ri' xutzijoj ri Utzilaj Tzij y na xuxi'ij ta c'ana rib che u'anic wa'. C'olic caquichapala' quib cuc' raj judi'ab puwi ri cuc'utu y lic xutij uk'ij cha' cucoj pa quijolom ri usuc' puwi rutakanic ri Dios.
9Pero e c'o jujun chique xqui'an lic co che quib y na xcaj ta c'u xquicoj rubi' ri Cristo; xquijek c'u ri' tzel quech'a't chirij ri C'ac' Be re ri Utzilaj Tzij e la' chiquiwach ruq'uiyal winak. Ec'u ri Pablo xresaj bi rib chiquixo'l y xebuc'am bi ri quicojom rubi' ri Cristo. Chujujunal k'ij c'ut, ri Pablo catzijonic y lic cach'a't chwi tak ruc'utunic chiquiwach, pa ri luwar pa cac'utun wi jun achi Tirano rubi'. 10Pa queb junab e ri' jela' xu'an ri Pablo, cac'utunic. Ruma c'u la', conoje ri e aj judi'ab y ri na e ta e aj judi'ab e c'o pa tak ri luwar re Asia, xquita ri Utzilaj Tzij re ri Kanimajawal Jesús.#19:10 Xtic iglesias pa Colosas, Laodicea, Hierápolis (Col. 4:13) y jujun chic tinamit re Asia (Ap. 2–3).
11Yey ruma c'u ri Pablo, ri Dios xu'an nimak tak milagros na jinta c'ana ilitajinak wi. 12Xu'ana ne ri', cac'am bi su't o c'ul ic'owisam chirij ri Pablo y caya' chique ri yewa'ib, y jela' quecunutajic yey ri itzel uxlabixel quebel bi chique ticawex.
13Pero e c'o jujun aj judi'ab xa ebic'owel pa tak tinamit yey e quiwach quequesaj itzel uxlabixel chique ri ticawex. Rique xquitij uk'ij caquesaj bi ritzel tak uxlabixel chique ri winak pa rubi' ri Kanimajawal Jesús, jewa' caquibi'ij: «Chupa rubi' ri Jesús ri cutzijoj ri Pablo, quintakan piwi' cha' quixel bi» quecha'.
14Jujun chique ri caqui'an wa' e ri wukub uc'ajol jun achi Esceva rubi'. Rire e cuq'uil raj judi'ab yey e cuq'uil ri nimak e aj chacunel pa Rocho Dios.
15C'o c'u jun k'ij, jun itzel uxlabixel xuc'ul uwach chique ri wukub uc'ajol ri Esceva: «Weta'am uwach ri Jesús y weta'am china ri Pablo; no'j ri'ix, ¿ix chinok?» xcha'.
16Ec'u rachi, ri c'o puk'ab ri itzel uxlabixel, xuc'ak rib paquiwi' y ruc' unimal uchuk'ab xebuchapo, yey ec'u ri' rire ri xuch'ij quichuk'ab y lic xu'an c'ax chique. Jec'uri'la', rique ech'analic xebanimaj bi chupa ri ja e c'o wi. 17Y conoje ri ejekel chupa ri tinamit Éfeso xqueta'maj wa'. Ec'u ri e aj judi'ab y ri na e ta aj judi'ab lic xquixi'ij quib che; jec'uri'la', wa' xe'elok re yacbal uk'ij rubi' ri Kanimajawal Jesús.
18Lic c'u e q'ui ri' chique ri quicojom rubi' ri Cristo, xec'unic e la' chiwachil caquik'alajisaj tak janipa ri na utz taj qui'anom. 19Lic c'u e q'ui chique ri ebu'anom aj itz y aj k'ij, xquic'am tak lo ri quiwuj re majbal itz y xquiporoj chiquiwach conoje. Xajilax c'u ri' janipa cu'ana ri rajil wa' y xu'ana cincuenta mil chi sakil puak re plata. 20Jec'uri'la' xuquich wubi rib ri Utzilaj Tzij re ri Kanimajawal y xe'ec uk'alajisaxic ruc' unimal chuk'ab; yey lic catajin quiq'uiyaric ri quecojow re.
21Ic'owinak chi tak wa', ri Pablo xutic pa ranima' que'ec pa ri tinamit Jerusalem echiri' ic'owinak chi pa tak ri luwar re Macedonia y re Acaya. Jewa' xubi'ij: «Echiri' inic'owinak chi chupa ri tinamit Jerusalem, lic chirajawaxic chwe quinopon pa ri tinamit Roma.» 22Xebutak c'u bi pa tak ri luwar re Macedonia queb chique ri queto'w re, wa' e ri Timoteo y ri Erasto. Yey rire xcanaj chi can jujun k'ij pa tak ri luwar re Asia.
Quetucuc ri winak e c'o Éfeso
23Chupa tak c'u la' la k'ij, pa ri tinamit Éfeso xquijek quetucuc ri winak chirij ri C'ac' Be re ri Dios y na xa ta jubik' ri xqui'ano. 24Wa' e ruma jun achi Demetrio rubi', aj chacunel ruc' ch'ich' re plata. Ruc' wa' wa ch'ich' re plata cu'an raltak co ja, uc'axwach ri rocho ri quitiox Diana.#19:24 “Diana”: E ubi' caquibi'ij ri e aj Roma che wa jun tiox, no'j ri e aj Grecia “Artemisa” quecha che. Yey chwach wa', na xa ta jubik' ri caquich'ac janipa ri quechacun ruc'.
25Ec'u wa'chi xebumol wa raj chac, cuc' jujun chic aj chaquib junam ri quichac y xubi'ij chique:
«Alak achijab, ralak eta'am alak e ruma wa jun chac lic c'o kabeyomalil. 26Pero ilom c'u alak y tom alak ri u'anom lo ri Pablo. Ri cu'ano e cucoj pa quijolom uq'uiyal ticawex na e ta dios ri xa e 'anom ruc' quik'ab ri ticawex. Yey na xew ta cuc'ut wa' pa ri katinamit Éfeso, ma ya laj cumaj ronoje pa tak ri luwar re Asia. 27Ruma c'u wa', c'o ne pa sak na calok' ta chi ri kac'ay, yey laj cu'ana ne ri' chiquiwach ri winak na jinta chi uk'ij ri rocho ri nimalaj katiox Diana. Jec'ula', cujek na jinta chi uwach ri katiox, ri calok'ox uk'ij pa tak ronoje ri luwar re Asia y che ronoje ruwachulew» xcha'.
28Echiri' xquita tak wa', lic xpe coyowal y xquijek quesiq'uinic: «¡Nim uk'ij ri tiox Diana que ri aj Éfeso!» quecha'.
29Xpe c'u jun nimalaj sachibal na'oj chique conoje ri tinamit. Quetenenic xe'quiya'a quib pa ri nimalaj estadio pa caquimol wi quib ri tinamit. Y xequichap c'u ri Gayo y ri Aristarco; rique e aj pa ri luwar re Macedonia y e rachbi'il ri Pablo.
30Xraj c'u ri Pablo coc pa ri estadio cha' cach'a't chiquiwach ruq'uiyal winak, no'j ri quicojom rubi' ri Cristo xquik'atej. 31Yey e c'o ne jujun chique ri e aj k'atal tzij re pa tak ri luwar re Asia, e ramigos ri Pablo; rique xquitak ubi'xiquil che y lic xebelaj che cha' na coc tubi pa ri estadio pa etenel wi ri winak.
32Ec'u ri winak etenel chiri' lic xsach quina'oj y xquijek quesiq'uinic. Junwi tak ri caquibi'ij y na catataj ta chi nenare' sa' tak ri caquibi'ij. Yey lic e q'ui chique na queta'am ta nenare' su'chac quimolom quib.
33E c'o c'u jujun aj judi'ab xquiminenej bi chiquiwach conoje, jun achi Alejandro rubi'. Ec'uchiri', jujun chic xe'quijec'a pan chiquixo'l ruq'uiyal winak. Ec'u rire xu'an jun c'utubal ruc' ruk'ab cha' caya'i' che cuto'bej rib.
34Pero echiri' ri winak xqueta'maj rire e cuq'uil raj judi'ab, conoje xa jun ubi'xiquil quesiq'uinic, laj queb ora xquich'ijo caquibi'ij: «¡Nim uk'ij ri tiox Diana que ri aj Éfeso!» quecha'.
35Ec'u ri aj tz'ib re ri tinamit, echiri' xuch'ij quicubaxic ruq'uiyal winak, jewa' xubi'ij:
«Alak achijab aj Éfeso, ¿china ri na eta'mayom ta re we ri tinamit que ri aj Éfeso e chajal re ri rocho ri nimalaj tiox Diana yey junam ruc' ruc'axwach, ri kajinak lo chicaj? 36Yey che tak wa', na utz ta c'u ri' c'o junok cubi'ij na katzij taj. E uwari'che lic chirajawaxic cacubi' alak. Mac'o ma'an alak pa ch'u'jilal; nabe na ch'obo alak rakan chi utz ri ca'an alak. 37Cambi'ij wa', ma ec'amom lo alak wa' wa'chijab tob rique na e tane macuninak chirij ri templo o chirij ri katiox.
38»Yey we ri Demetrio cuc' ri rachbi'il c'o quich'a'oj chirij junok, ri lic ube e quiya'a wa' pa k'atbal tzij; ma e c'o e aj k'atal tzij ya'tal paquik'ab caquita que ri winak caquirak'uj quib chiquiwach. 39Yey we c'a c'o ca'aj alak catz'onoj alak chiquij, ri lic ube e caya'i' wa' chiquiwach conoje ri tinamit y cayijbax chi usuc'liquil. 40Ma ruma ri x'ani' wak'ij, c'o ne pa sak catz'ak kachi' cojch'o'jin chirij ri k'atbal tzij y na jinta c'o quel wi we xtz'onox chike sa' la cojtucuc wi» xcha'.
41Xew c'u xubi'ij wa' xuq'uisbej utza'm ri quimolom wi quib.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.