ሮሚያ 16
16
ሳሮታ
1ኪንኪሪያ ጌቴቲያ ካታማን ዴዒያ ኣማኒያ ኣሳና ኦያ ኑ ሚቻታ ፔባ ሎዖ ማጫ ኣሳ ጊዲያዋ ታኒ ሂንቴንታ ኤሪሳይ። 2ሂንቴንቱ ኢዞ ጌሻቱ ጎዳ ሱንን ሞኪያዋዳን ሞኪቴ፤ ቃሲ ኢዛ ሂንቴንቱፔ ኮዪያዌ ኣያ ጊዶፔካ፥ ኢዞ ማዲቴ፤ ኣዪሲ ጎፔ፥ ኢዛ ባሬ ሁጴው ጮራ ኣሳ ማዳው፤ ቃሲ ታና ታ ሁጴዉካ ዳሪሳ ማዳው።
3ኪሪስቶሳ ዬሱሳ ኦሱዋ ታናና ኢቲፔ ኦያ ጲሪስቂሊሲኔ ኢዚ ኣሲና ኣቂላሲ ታ ሳሮቶዋ ኦዲቴ። 4ኡንቱንቱ ታ ሼምፑዋ ዲራው፥ ባሬንቱ ሼምፑዋ ኣ ኢሜዲኖ። ኡንቱንታ ታ ፃላላ ጊዴናን፥ ኣዪሁዳ ጊዴና ኣሳ ኣማኒያ ኣሳይ ኡባይካ ጋላቴ። 5ቃሲ ኡንቱንቱ ጎሊያ ኣማኒያ ኣሳይ ሺቂያሳ ኡዲዴ ጋኬቲያ ኣሳ ኡባ ሳሮ ጊቴ። ኢሲያ ጋዲያን ኪሪስቶሳ ኮይሮ ኣማኔዳ ታ ሲቂያ ኤፓኔቶሳው፥ ታ ሳሮቶዋ ኦዲቴ። 6ሂንቴንቶ ሎይ ዳቡሬዳ ማይራሞ ሳሮቲቴ። 7ታናና ቃሾ ጎሌን ዴዔዳ ታ ዳቦ ጊዴዳ ኣዪሁዳቱዋ፥ ኣንዲሮኒቆሳኔ ዩኒያሳ ሳሮቲቴ። ዬሱሲ ኪቴዳዋንቱ ጊዶን ኡንቱንቱ ሎይ ኤሬቴዳዋንታ። ቃሲ ኡንቱንቱ ኪሪስቶሳ ታፔ ካሴና ኣማኔዲኖ።
8ጎዳና ኢቲፔቴን ዴዒያ ታ ሲቆ ላጊያ ኣምፒሊያቶሳው ታ ሳሮቶዋ ኦዲቴ። 9ኪሪስቶሳ ኦሱዋ ኑናና ኢቲፔ ኦያ ኡርባኖሳኔ ታኒ ሲቂያ ኢስፃኩሳ ሳሮቲቴ። 10ኪሪስቶሳና ኢ ዴዒያዌ ኤሬቲና ፓጪያ ፆኔዳ ኣጴሊሳው ታ ሳሮቶዋ ኦዲቴ፤ ኣሪስፆቢሎሳ ሶይ ኣሳዉካ ታ ሳሮቶዋ ኦዲቴ። 11ታ ዳቦ ጊዴዳ ኣዪሁዳዊያ ሄሮዲዮናኔ ኪሪስቶሳ ኣማኒያ ናርሲሴሳ ሶይ ኣሳ ሳሮቲቴ።
12ጎዳ ኦሱዋን ዳቡሪያ ቲሩፋይናኔ ቲሩፎሶ ጌቴቲያ ማጫዋንታ ሳሮቲቴ፤ ቃሲ ጎዳው ዳሮ ዳቡራዴ ኦያ ሲቂያ ፔርሲሶ ሳሮቲቴ። 13ጎዳ ኦሱዋን ሎይ ኤሬቴዳ ሩፎሳዬዉኔ ታና ባሬ ናዓዳን ማዴዳ ኣ ዳዪው ታ ሳሮቶዋ ኦዲቴ። 14ታ ሳሮቶዋ ኣሲንኪሪቶሳው፥ ፒሌጎናው፥ ሄርሜሳው፥ ፓቲሮባሳዉኔ ኡንቱንቱና ዴዒያ ኣማኒያ ኢሻቱዋ ኡባው ኦዲቴ። 15ፒሌጎና፥ ዩሎ፥ ኔሪያ፥ ኣ ሚቻቶ፥ ኦሉምፖሳኔ ኡንቱንቱና ዴዒያ ፆሳ ኣሳቱዋ ኡባ ሳሮቲቴ።
16ጌሻ ኣሳው ቤሲያ ዬሬታ ዬሬቲዴ፥ ኢቱ ኢቱዋ ሳሮቲቴ፤ ኪሪስቶሳን ኣማኒያዋንቱ ኡባቱ ሂንቴንታ ሳሮ ያጌዲኖ።
ዉርሴ ዞሪያ
17ታናዳን ኣማኒያዋንቶ፥ ኣሳ ጊዶን ሻኮቴ ሜያዋንታ፥ ኣሳ ኣማኖ ቦ ጊዲያዋንታኔ ሂንቴ ታማሬዳ ቲሚርቲያና ጋኬቴናዋ ታማሪሲያዋንታ ኣኬካናዳን፥ ታኒ ሂንቴንታ ዎሳይ። ኡንቱንቱኮ ሺቆፒቴ። 18ኣዪሲ ጎፔ፥ ሄዋ ማላባ ኦያዋንቱ ባሬንቱ ኡሉዋሲ ኦኖፔ ኣቲን፥ ኑ ጎዳ ዬሱሲ ኪሪስቶሳው ኦኪኖ፤ ባሬንቱ ላቢያ ሃሳያኒኔ ቂያን ኢታባ ቆፔና ኣሳ ዎዛና ባሌኖ። 19ዎንጋላው ሂንቴ ኣዛዜቴዳዋ ኣሳይ ኡባይ ሲሴዳ። ሄዋ ዲራው፥ ታኒ ሂንቴባን ናሼታይ፤ ሺን ሎዖቴው ሂንቴ ኣዳ ኤራንቻ ጊዳናዳኒኔ ቃሲ ኢታባው ኣሺኬ ጊዳናዳን ኮያይ። 20ሳሮቴ ፆሳይ ሴፃና ሂንቴ ጌዲያፔ ጋርሳና ሃኬና ማታ ዎዴ ጋጫና።
ኑ ጎዳ ዬሱሲ ኪሪስቶሳ ኣ ኬካቴይ ሂንቴንቱና ጊዶ።
21ታናና ኦያ ፂሞቶሴ ሂንቴንታ ሳሮ ያጌ፤ ቃሲ ሃዋዳንካ፥ ታ ዳባቱ ሉቂዮሲ፥ ያሶኒኔ ሶሲጳፂሮሲ ሂንቴንታ ሳሮ ያጊኖ።
22ታኒ፥ ፃርፂዮሲ፥ ሃ ዳቢዳቢያ ፃፌዳዌ፥ ሂንቴንቶ ጎዳ ሱንን ሳሮታ ኪታይ።
23ኣማኒያ ኣሳይ ኡባይ ኣ ሶዪን ሺቂያ ታ ሲራ ጋዮሲ ሂንቴንታ ሳሮ ያጌ፤ ካታማ ሚሻ ኦይቂያ ኤራስፆሲኔ ኑ ኢሻይ ቁዋርፆሲ ሂንቴንታ ሳሮ ያጊኖ። 24ኑ ጎዳ ዬሱሲ ኪሪስቶሳ ኣ ኬካቴይ ሂንቴንቱና ኡባና ጊዶ። ኣሜንዒ።
25ኑኒ ፆሳ ጋላቴቶ። ታኒ ዎንጋላ ባጋና ዬሱሲ ኪሪስቶሳባ ኦዴዳዋዳኒኔ ዳሮ ዎዲያፔ ጌሚዴ፥ ሃዒ ቆንጬዳ ቱማቴዳን፥ ሂንቴ ኣማኑዋን ሂንቴንታ ፆሳይ ሚኒሳናው ዳንዳዬ። 26ሺን ሃዒ ናባቱ ፃፌዳዋ ባጋና ቱማቴይ ቆንጪያን ኤሬታናዳን ኦዳ፤ ቃሲ ኣሳ ኡባይ ፆሳ ኣማኒዴ ኣዛዜታናዳን፥ ሜና ፆሳ ኣዛዙዋን፥ ሃ ኣላሚያን ዴዒያ ኣሳ ዜሬ ኡባው ቆንጬዳ።
27ኣዳ ኤራቴይ ኣ ፃላላው ዴዒያ ኢቲ ፆሳው ዬሱሲ ኪሪስቶሳ ባጋና ሜናው ቦንቹ ጊዶ። ኣሜንዒ።
Currently Selected:
ሮሚያ 16: dwrENT
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaሮሚያ 16
16
ሳሮታ
1ኪንኪሪያ ጌቴቲያ ካታማን ዴዒያ ኣማኒያ ኣሳና ኦያ ኑ ሚቻታ ፔባ ሎዖ ማጫ ኣሳ ጊዲያዋ ታኒ ሂንቴንታ ኤሪሳይ። 2ሂንቴንቱ ኢዞ ጌሻቱ ጎዳ ሱንን ሞኪያዋዳን ሞኪቴ፤ ቃሲ ኢዛ ሂንቴንቱፔ ኮዪያዌ ኣያ ጊዶፔካ፥ ኢዞ ማዲቴ፤ ኣዪሲ ጎፔ፥ ኢዛ ባሬ ሁጴው ጮራ ኣሳ ማዳው፤ ቃሲ ታና ታ ሁጴዉካ ዳሪሳ ማዳው።
3ኪሪስቶሳ ዬሱሳ ኦሱዋ ታናና ኢቲፔ ኦያ ጲሪስቂሊሲኔ ኢዚ ኣሲና ኣቂላሲ ታ ሳሮቶዋ ኦዲቴ። 4ኡንቱንቱ ታ ሼምፑዋ ዲራው፥ ባሬንቱ ሼምፑዋ ኣ ኢሜዲኖ። ኡንቱንታ ታ ፃላላ ጊዴናን፥ ኣዪሁዳ ጊዴና ኣሳ ኣማኒያ ኣሳይ ኡባይካ ጋላቴ። 5ቃሲ ኡንቱንቱ ጎሊያ ኣማኒያ ኣሳይ ሺቂያሳ ኡዲዴ ጋኬቲያ ኣሳ ኡባ ሳሮ ጊቴ። ኢሲያ ጋዲያን ኪሪስቶሳ ኮይሮ ኣማኔዳ ታ ሲቂያ ኤፓኔቶሳው፥ ታ ሳሮቶዋ ኦዲቴ። 6ሂንቴንቶ ሎይ ዳቡሬዳ ማይራሞ ሳሮቲቴ። 7ታናና ቃሾ ጎሌን ዴዔዳ ታ ዳቦ ጊዴዳ ኣዪሁዳቱዋ፥ ኣንዲሮኒቆሳኔ ዩኒያሳ ሳሮቲቴ። ዬሱሲ ኪቴዳዋንቱ ጊዶን ኡንቱንቱ ሎይ ኤሬቴዳዋንታ። ቃሲ ኡንቱንቱ ኪሪስቶሳ ታፔ ካሴና ኣማኔዲኖ።
8ጎዳና ኢቲፔቴን ዴዒያ ታ ሲቆ ላጊያ ኣምፒሊያቶሳው ታ ሳሮቶዋ ኦዲቴ። 9ኪሪስቶሳ ኦሱዋ ኑናና ኢቲፔ ኦያ ኡርባኖሳኔ ታኒ ሲቂያ ኢስፃኩሳ ሳሮቲቴ። 10ኪሪስቶሳና ኢ ዴዒያዌ ኤሬቲና ፓጪያ ፆኔዳ ኣጴሊሳው ታ ሳሮቶዋ ኦዲቴ፤ ኣሪስፆቢሎሳ ሶይ ኣሳዉካ ታ ሳሮቶዋ ኦዲቴ። 11ታ ዳቦ ጊዴዳ ኣዪሁዳዊያ ሄሮዲዮናኔ ኪሪስቶሳ ኣማኒያ ናርሲሴሳ ሶይ ኣሳ ሳሮቲቴ።
12ጎዳ ኦሱዋን ዳቡሪያ ቲሩፋይናኔ ቲሩፎሶ ጌቴቲያ ማጫዋንታ ሳሮቲቴ፤ ቃሲ ጎዳው ዳሮ ዳቡራዴ ኦያ ሲቂያ ፔርሲሶ ሳሮቲቴ። 13ጎዳ ኦሱዋን ሎይ ኤሬቴዳ ሩፎሳዬዉኔ ታና ባሬ ናዓዳን ማዴዳ ኣ ዳዪው ታ ሳሮቶዋ ኦዲቴ። 14ታ ሳሮቶዋ ኣሲንኪሪቶሳው፥ ፒሌጎናው፥ ሄርሜሳው፥ ፓቲሮባሳዉኔ ኡንቱንቱና ዴዒያ ኣማኒያ ኢሻቱዋ ኡባው ኦዲቴ። 15ፒሌጎና፥ ዩሎ፥ ኔሪያ፥ ኣ ሚቻቶ፥ ኦሉምፖሳኔ ኡንቱንቱና ዴዒያ ፆሳ ኣሳቱዋ ኡባ ሳሮቲቴ።
16ጌሻ ኣሳው ቤሲያ ዬሬታ ዬሬቲዴ፥ ኢቱ ኢቱዋ ሳሮቲቴ፤ ኪሪስቶሳን ኣማኒያዋንቱ ኡባቱ ሂንቴንታ ሳሮ ያጌዲኖ።
ዉርሴ ዞሪያ
17ታናዳን ኣማኒያዋንቶ፥ ኣሳ ጊዶን ሻኮቴ ሜያዋንታ፥ ኣሳ ኣማኖ ቦ ጊዲያዋንታኔ ሂንቴ ታማሬዳ ቲሚርቲያና ጋኬቴናዋ ታማሪሲያዋንታ ኣኬካናዳን፥ ታኒ ሂንቴንታ ዎሳይ። ኡንቱንቱኮ ሺቆፒቴ። 18ኣዪሲ ጎፔ፥ ሄዋ ማላባ ኦያዋንቱ ባሬንቱ ኡሉዋሲ ኦኖፔ ኣቲን፥ ኑ ጎዳ ዬሱሲ ኪሪስቶሳው ኦኪኖ፤ ባሬንቱ ላቢያ ሃሳያኒኔ ቂያን ኢታባ ቆፔና ኣሳ ዎዛና ባሌኖ። 19ዎንጋላው ሂንቴ ኣዛዜቴዳዋ ኣሳይ ኡባይ ሲሴዳ። ሄዋ ዲራው፥ ታኒ ሂንቴባን ናሼታይ፤ ሺን ሎዖቴው ሂንቴ ኣዳ ኤራንቻ ጊዳናዳኒኔ ቃሲ ኢታባው ኣሺኬ ጊዳናዳን ኮያይ። 20ሳሮቴ ፆሳይ ሴፃና ሂንቴ ጌዲያፔ ጋርሳና ሃኬና ማታ ዎዴ ጋጫና።
ኑ ጎዳ ዬሱሲ ኪሪስቶሳ ኣ ኬካቴይ ሂንቴንቱና ጊዶ።
21ታናና ኦያ ፂሞቶሴ ሂንቴንታ ሳሮ ያጌ፤ ቃሲ ሃዋዳንካ፥ ታ ዳባቱ ሉቂዮሲ፥ ያሶኒኔ ሶሲጳፂሮሲ ሂንቴንታ ሳሮ ያጊኖ።
22ታኒ፥ ፃርፂዮሲ፥ ሃ ዳቢዳቢያ ፃፌዳዌ፥ ሂንቴንቶ ጎዳ ሱንን ሳሮታ ኪታይ።
23ኣማኒያ ኣሳይ ኡባይ ኣ ሶዪን ሺቂያ ታ ሲራ ጋዮሲ ሂንቴንታ ሳሮ ያጌ፤ ካታማ ሚሻ ኦይቂያ ኤራስፆሲኔ ኑ ኢሻይ ቁዋርፆሲ ሂንቴንታ ሳሮ ያጊኖ። 24ኑ ጎዳ ዬሱሲ ኪሪስቶሳ ኣ ኬካቴይ ሂንቴንቱና ኡባና ጊዶ። ኣሜንዒ።
25ኑኒ ፆሳ ጋላቴቶ። ታኒ ዎንጋላ ባጋና ዬሱሲ ኪሪስቶሳባ ኦዴዳዋዳኒኔ ዳሮ ዎዲያፔ ጌሚዴ፥ ሃዒ ቆንጬዳ ቱማቴዳን፥ ሂንቴ ኣማኑዋን ሂንቴንታ ፆሳይ ሚኒሳናው ዳንዳዬ። 26ሺን ሃዒ ናባቱ ፃፌዳዋ ባጋና ቱማቴይ ቆንጪያን ኤሬታናዳን ኦዳ፤ ቃሲ ኣሳ ኡባይ ፆሳ ኣማኒዴ ኣዛዜታናዳን፥ ሜና ፆሳ ኣዛዙዋን፥ ሃ ኣላሚያን ዴዒያ ኣሳ ዜሬ ኡባው ቆንጬዳ።
27ኣዳ ኤራቴይ ኣ ፃላላው ዴዒያ ኢቲ ፆሳው ዬሱሲ ኪሪስቶሳ ባጋና ሜናው ቦንቹ ጊዶ። ኣሜንዒ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa