Raʼuus 3
3
Raʼuus naamat jamb Buʼaaz
1Wa yoom waahid, Naʼiima gaalat le Raʼuus : «Ya bineeyti, kan nifattich leeki al-raaha da, ma akheer ? 2Wa hassaʼ taʼarfi kadar Buʼaaz al-inti khadamti maʼa khaddaamaatah da, hu gariibna. Wa l-leele di, hu yaji fi l-madagg le yidarri gamhah. 3Yalla gummi albarrade wa alʼattare wa albase khulgaanki al-samhiin wa amchi al-madagg. Wa laakin ma tiwassifi nafiski kadar inti jiiti lahaddi Buʼaaz yaakul wa yachrab. 4Wa wakit yargud, fakkiri adiil fi bakaan furaachah. Wa kan naam khalaas, fukki al-khita min adal rijileenah wa arugdi#3:4 fukki al-khita min adal rijileenah wa arugdi Fi aadit al-Yahuud fi l-wakit daak, al-cheyy al-Raʼuus sawwatah misil tatlub min Buʼaaz yichiil masʼuuliiyitha.. Wa hu yiʼooriiki al-cheyy al-waajib tisawwiih.» 5Wa Raʼuus gaalat : «Aywa, nisawwi kulla cheyy al-gultiih leyi.»
6Wa khalaas, Raʼuus machat al-madagg wa sawwat ayyi cheyy misil nasiibitha gaalatah leeha. 7Wa wakit Buʼaaz akal wa chirib wa galbah firih, gamma macha naam fi taraf al-juruun hana l-gameh. Wa Raʼuus gammat be bicheech wa machat fakkat al-khita min adal rijileenah wa ragadat. 8Wa fi ust al-leel, Buʼaaz jafal wa achchaglab wa irif kadar fiyah mara raagde fi adal rijileenah. 9Wa gaal : «Inti yaati ?» Wa hi gaalat : «Ana Raʼuus khaddaamtak. Aakhudni achaan inta bas wariis indak hagg taʼagilni !»
10Wa Buʼaaz gaal : «Allah yibaarikki, ya bineeyti ! Al-amaan al-indiki al-yoom le l-aayila di, hu ziyaada min amaanki al-awwal. Achaan inti ma talabti raajil min al-subyaan, kan fagri walla khani kula. 11Wa hassaʼ da, ma takhaafe, ya bineeyti ! Ana nisawwi kulla cheyy al-inti talabtiih minni achaan naas hilliti yaʼarfu tamaam kadar inti mara indiki khiima. 12Sahiih, ana wariis le raajilki laakin wariis aakhar gariib leyah ziyaada minni ana kula fi. 13Hassaʼ da, nuumi wa ambaakir fajur kamaan nichiifu. Kan hu yidoor yugumm be waajbah hana l-wariis, al-hamdulillah. Wa kan aba ma yugumm be waajbah kamaan, nahlif be Allah al-Hayy, ana bas nugumm beyah. Hassaʼ da, nuumi lahaddi fajur.»
14Wa Raʼuus naamat adal rijileenah lahaddi l-fajur. Laakin hi gammat fajur badri gubbaal al-chagaag achaan naadum ma yichiifha. Wa Buʼaaz kula ma yidoor al-naas yaʼarfu kadar al-mara di jaat fi l-madagg. 15Wa hu gaal leeha : «Jiibi nuss farditki wa akurbiih adiil.» Wa hu sabba leeha foogah sitte kayyaal hana gameh wa chayyalah leeha. Wa hu gabbal al-hille.
16Wa wakit Raʼuus gabbalat le nasiibitha, hi saʼalatha wa gaalat : «Chunu al-khabar, ya bineeyti ?» Wa Raʼuus kallamatha be kulla cheyy al-sawwaah leeha Buʼaaz. 17Wa gaalat battaan : «Hu antaani al-sitte kayyaal hana l-gameh da. Wa hu gaal leyi : ‹Ma tamchi iidki yaabse le nasiibitki.›» 18Wa Naʼiima raddat wa gaalat : «Arje, ya bineeyti, wa nichiifu al-cheyy al-yabga. Achaan al-raajil da ma yinjamma al-yoom lahaddi yikammil al-cheyy da.»
Currently Selected:
Raʼuus 3: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.