2 Tasaluuniiki 1
1
1Jawaab minni ana Buulus wa akhwaani Siila wa Timuutaawus le jamaaʼat al-muʼminiin al-fi hillit Tasaluuniiki, chaʼab hana Allah abuuna wa Rabbina Isa al-Masiih. 2Aleekum al-salaam wa l-rahma min Allah abuuna wa Rabbina Isa al-Masiih.
Al-rasuul farhaan be iimaanhum
3Ya akhwaani, waajib nachkuru Allah daayman fi chaanku. Wa da waajib leena achaan gudrat iimaanku gaaʼide tiziid katiir wa l-mahabba al-kulluku tirraayado beeha gaaʼide tiziid bilheen. 4Achaan da, narfaʼo raasna foog wakit nihajju beeku le naas Allah ummat al-Masiih fi ayyi bakaan. Nihajju be saburku fi iimaanku al-saabit wakit al-naas yiʼazzubuuku fi usut kulla l-mudaayagaat al-tahmaloohum.
Adaalit Allah fi l-hisaab
5Wa da kulla ke yiwassif kadar Allah yahkim be l-adil. Wa be l-taʼab da, Allah yijahhizku achaan tadkhulu fi mamlakatah al-intu gaaʼidiin tatʼabo fi chaanha. 6Fi adaalit Allah, akiid hu yitaʼʼib al-naas al-yitaʼʼubuuku. 7Wa hu yanti al-raaha leeku intu al-gaaʼidiin tatʼabo wa yantiiha leena aniina kula maʼaaku. Hu yantiiku al-raaha wakit al-Rabb Isa yibiin naazil min al-sama maʼa malaaʼikatah al-gaadriin. 8Hu yaji be naar amm lahiib haamiye. Wa hu yiʼaakhib al-naas al-ma yidooru yaʼarfu Allah wa ma yitaabuʼu bichaarat Rabbina Isa. 9Wa l-naas dool yahkim leehum be l-halaak al-abadi wa yifarrighum marra waahid min hadarat al-Rabb wa min gudurtah al-majiide. 10Wa da yabga wakit hu yaji fi usut chaʼabah al-saalihiin achaan yimajjuduuh. Wa fi l-yoom da, hu yaji fi ust al-naas al-aamano beyah wa kulluhum yikarrumuuh be farha. Wa intu kula tukuunu maʼaahum achaan wakit jiina leeku, aamantu be sabab chahaaditna.
Duʼa al-rasuul
11Wa achaan da, nasʼalo leeku Allah daayman achaan hu yajʼalku naas al-induku hagg le munaadaatah. Wa nasʼalooh leeku achaan ayyi niiye al-saalhe al-chiltuuha wa ayyi khidme al-badeetuuha be sabab iimaanku, Allah yitammimha be gudurtah. 12Wa misil da, usum al-Rabb Isa yabga majiid marra waahid fi usutku wa intu kula tichaaruku fi majdah be sabab al-rahma al-ligiituuha min Allah wa Rabbina Isa al-Masiih.
Currently Selected:
2 Tasaluuniiki 1: ADT19
Highlight
Share
Copy
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.