Zɔ̂ŋ Zaaƃai 1
1
Laa-ti-maa
1Ńyãai ŋ́gaa a ǹúu-pɔlɔi, ŋa kɔlɔ pɔ̃yɛɛ̂i ŋáwɛli-kɛ-maa-nuui Geeyɔ pɔ naa nyíi ŋá ŋ̀wɛ̂li ni dɔ̃yâi sui.
2Ŋáwɛli-kɛ-maa-nuui, ŋa Ɣâla fɛlîi a gɛɛ sɛŋ kélee é kɛ́ a ǹɛ́lɛɛ ímɛni ma, a gɛɛ íkɔlɔ̂i é pono. Ŋá gɔ́lɔŋ a gɛɛ ímɔ̂leŋ kɔlɔ̂i ponoɔ̂i. 3Kpɛ́ni fêi, ńii è kɛ̀ a nɛ̃ɛ a ŋánaa tãi kúƃarâai da-ni dí pà la dí sere-faa kɛ́ é pîlaŋ ítɔ̃yâi mai. Ǹyaŋ gáa a tɔ̃yâ a gɛɛ íkaa dɔ̃yâi pôlu. 4Lii-nɛ̃ɛ kɛ́tɛ da fé ńyêei é tɛ́ɛ nyíi ma a gɛɛ ŋá mɛni a gɛɛ ńônii díkaa dɔ̃yâi pôlu.
Geeyɔ ŋɔsoŋ a ǹɛ́lɛɛi maa-laa-maa-tɛi
5Ŋáwɛli-kɛ-maa-nuui, mɛnii ƃa gɛ̀i, gáa a mɛni lɛ́lɛɛ, berei ƃa kpɔ̂ŋ la kúƃarâai dîai, ŋuŋ ƃa ŋɔ̃yâ-ŋai, 6nyíi-ŋai íwɛli-kɛ-maai maa-sere-faa kɛ̀ Kôrai-toli-kpɔŋ ŋ́ɛi-tuɛi. Ya pâi gɛ̂i a ǹɛ́lɛɛ à kɛ̀ ya pâi dítɛɛ̂i dísiai ma a berei Ɣâla líi a pɔ̂ri lâai lai. 7Kpɛ́ni fêi, da liî Ɣâla láai sú, ǹyaŋ dífe sɛŋ da soŋ ni Zɛ̃tai-ŋai yêei. 8Mɛni ma fɛ̂ɛ kwa kpɔŋ ǹúu-sii-ŋai ŋí dîa a gɛɛ kú kɛ́ a tii-kɛ-ƃela gîe ma dɔ̃yâi su.
Diotufii ŋɔtɔɔ-maai
9Ŋa mɛni da pɔ̃yɛ Kôrai-toli-kpɔŋ pɔ naa, kɛ́lɛ, Diotufii nyíi a ŋ̀wɛ̂li é gbîŋ siɣe a maa-ŋuŋ, vé faâi kúwoo ma. 10Mɛni ma ŋà pà, mɛnii gáa gɛ̂i ŋa pâi maa-mɛni toôi ǹûai kíli ŋá. Gáa tɔɔ̂i kûa a wóo nyɔ́mɔɔ-ŋa. Nyíti fa ǹíi làa, va fâa ma ǹyaa kpîŋ a gɛɛ é ǹyée sée kúƃarâai mu. Diai da ŋ̀wɛ̂li dí díyee sée dímui, a díkpèra é díkula Kôrai-toli-kpɔŋ su.
Demetiɔ maa-koraŋ-ƃo lɛ́lɛɛi
11Ŋáwɛli-kɛ-maa-nuui, ífe mɛni nyɔ́mɔɔ pɔ́ɔ kɔ̀ɔŋ, kɛ́lɛ, mɛni lɛ́lɛɛ pɔ́ɔ kɔɔ̂ŋ. Ǹúui a mɛni lɛ́lɛɛ kɛ̀i, gáa a Ɣâla pɔ́ɔ. Ǹúui a mɛni nyɔ́mɔɔ kɛ̀i, vé niî Ɣâla káa ní. 12Núu kélee è Demetiɔ maa-sere-faa lɛ́lɛɛ kɛ̀, dɔ̃yâi máŋ é m̀aa-sere-faa lɛ́lɛɛ kɛ́. Kú m̀aa-sere-faa lɛ́lɛɛ kɛ̀ máŋ, ǹyaŋ í gɔ́lɔŋ kúsêre-wooi káa a tɔ̃yâ.
Naa-ti-maai gbɛɛ ŋái
13Mɛni támaa káa naa a gɛɛ ŋá bɔ̃̀yɛ ípɔ naa, kɛ́lɛ, fé ŋ̀wɛ̂lii ŋá bɔ̃̀yɛ kɔlɔ ma. 14Gáa ŋ́gili ŋá a gɛɛ ŋá íkaa a maa félaa, ǹyaŋ kwa pâi lônoi kúkîe pɔ.
15Lii-see é kɛ́ íyeêi. Kúƃarâai dí fàa yâ. Ŋá fáa kúƃarâai kélee dîa tɛi-tɛi.
Currently Selected:
Zɔ̂ŋ Zaaƃai 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia