YouVersion Logo
Search Icon

PSALMS 64

64
Strafgerig oor vyande van die opregtes.
1VIR die musiekleier. 'n Psalm van Dawid.
2Hoor my stem, o God, in my klagte; bewaar my lewe vir die skrik van die vyand.
3Steek my weg vir die raad van die kwaaddoeners, vir die gewoel van die werkers van ongeregtigheid;
4 wat hulle tong skerp maak soos 'n swaard, hulle pyl rig — bitter woorde! —
5om in skuilplekke na die opregte te skiet; skielik skiet hulle hom en vrees nie.
6'n Listige plan stel hulle vir hul vas; hulle spreek af om strikke te span; hulle sê: Wie sal dit sien?
7Hulle versin ongeregtighede: Ons is gereed! 'n Fyn uitgedinkte plan! Ja, 'n man se binneste en onpeilbare hart!
8Maar God tref hulle met 'n pyl, skielik is hulle wonde daar.
9En hulle tong laat hulle oor hulself struikel; almal wat hulle aansien, skud die hoof.
10En alle mense vrees en verkondig die werk van God en gee ag op wat Hy doen.
11Die regverdige sal bly wees in die Here en by Hom skuil, en al die opregtes van hart sal hulle beroem.

Currently Selected:

PSALMS 64: AFR53

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy