Sal 95
95
Qatz'uyej wach i QaJaaw Dios chi suq qak'ux
1Kim taq qaloq'ej taq i QaJaaw Dios, ruuk' rusuqkiil qak'ux.
Qatz'uyej taq wach i qaj ko'loom, i je' paat ab'aj ko'lb'al iib' chi qeh.
2Qat'iosej reh i rotob'il i rub'an quuk',
eh qatz'uyej wach ye'b'al ruloq'il.
3Ruum re' QaJaaw Dios xti manlik Reey,
eh re' reh xiik' naah nimaal wach chikiwach chu'nchel i xa tiyoox.
4Eh pan q'ab' wilik taqe i ye'aab' pan chaamlaj jul wilkeeb'.
Eh re' wo' reh inehchanik reh taqe yuuq' xiik' naah najtiil kinaah.
5Re' wo' reh inehchanik reh i palaw, je' wo' hoq ak'al ma' xta wii' ha'.
Ruum re' wo' reh xyej-anik keh.
6Kim taq qaloq'ej, qaloch' qiib',
qaxuk'aa' qiib' chuwach i QaJaaw Dios, re' ixtz'uhkrisanik qeh.
7Re' reh i qaDios,
eh re' hoj, hoj rutinamiit,
re' reh incha'jinik qeh i hoj, hoj rutentzuun noq wilkooj,
wila' xab'iraj taq i ruq'oral i Dios yu'naak.
8Maakoowb'isaj taq awánima, maa a'n taq aweh i xkian taq aamaam awati't ar Meriba.
Eh je' rukab' i xkian Masah, panchiq yuuq'.
9Eh chupaam taqe q'iij re' re' xinkaaj naq kipajam aamaam awati't
atoob' ta xkilow wo' naq taqe i ma' ilooj taj xnub'an.
10Eh ka'winaq haab' xinkaqrik kuuk' i tinamit re' re',
eh je' wili i xnuq'or chikiij: Re' taqe i tinamit wili kiq'eb'em kiib'.
Eh ma' nkinimaj taj i nuk'uhb'aal.
11Ruum aj re' ruuk' nujosq'iil ti xnuq'or i korik
chi ma' jaruuj naa kokiik chupaam i nuye'aab' naa rub'aan wii' hi'lik, inki Dios.
Currently Selected:
Sal 95: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
