Sal 93
93
Re' QaJaaw Dios xiik' naah nimaal wach i rajaawriik
1Re' QaJaaw Dios xti manlik reey,
xiik' naah nimaal wach, eh xti wilik rajaawriik chinaah chu'nchel i wilik.
Re' reh xye'wik paruye'aab' i wach ak'al, reh chi ma' awach ta neenk'uyu'sanik reh.
2Noq xa a'n chaloq i re' xa hat wo' cho reey.
Ruum xa wilkaat wo' chaloq noq ko ma' jaa' chii wilik.
3Jaaw, re' taqe nim ha'
yohb'aal wach i choqik inki a'n ruum i kijosq'iil.
Eh yohb'aal wach najtiil imponik i kib'ohl.
4Re' hat Jaaw i wilkaat chaloq pan taxaaj,
inaq'at wach i kib'ohl taqe nim ha' re' re' ruuk' awajaawriik,
je' wo' hoq i kijosq'iil i palaw.
5QaJaaw Dios, re' taqe i ruq'or aak'uhb'aal ma' jaljinaq ta wach.
Eh re' i santohiil naa rukamaniik
chi xoyb'al paam aapaat chi juneliik.
Currently Selected:
Sal 93: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
