Ef 3
3
Yaljnac Pablo yab'x eb' man̈ israeloc
1Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc. 2'In eyojc xoni, chajtlto a Dios, yujn̈ej swach'c'ojlal, xya'n can jun wach' 'ab'x 'a yol in c'ab', yic tzwaln 'el 'a e cal. 3A jun man̈ 'ojcab'ilc xon 'a yic yalan̈, a Dios xch'oxn 'ayin. 'Ix ya'n wojcoc 'eli. Tox xwal jac 'ayx yuj jun tic 'a jun in carta tic. 4Ax yic 'oj eyilnc jun xin tz'ib'j 'at tic, 'oj nachjc 'el eyu'uj, to wojc xo jun tzo'n̈ cuynb'il yic Cristo, yujto 'ac'b'ilx 'ayin. 5A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'. 6Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.
7An xo tic, wach'xam caw man̈ in mojoc, palta ya'jnac Dios wopiso, yic tzwaln 'el jun wach' 'ab'x tic 'a e cal. 'Ixta yutjnacn yet' spoder. 8Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo. 9A Dios b'ojnac smasnil tas. Palta a yic mantzac sb'o'o, snajnac cani, chajtl 'oj yutc ya'n qui colnb'ilec. Yictax pecti', mant 'ic 'ajx 'ojcaxc 'el wal jun tic. Palta a ticnec, ya'jnac wopiso wa'n 'ojcaxc 'eli. 10Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios. 11Yictax mantzac sb'o Dios yolyib'n̈q'uinl tic, snajnac cani tas tzon̈ yutjec. Yuj Cajlil Jesucristo 'ix 'el'ch jun snajnac can cha. 12Yuj Cristo, 'ayx calnec quic caln qui b'a 'a Dios, matz on̈ xiwec, yujto 'aych qui c'ojlec 'a Cristo. 13Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.
A schamc'ojlal Cristo
14Yuj cha, tzin 'em cumn 'a yojltac Dios, [atn 'a Smam Cajlil Jesucristo.] 15A Dios qui Mamec. A ch'oxnb'il yaji, tas yopiso junjn c'aj eb' mamb'il 'a yolyib'n̈q'uinl tic, yet' 'a satcha'an̈. 16Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu. 17Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji. 18Ax swach' nachj 'el eyu'uj, yet' eb' quit creyenteal smasnil, chajtlto a schamc'ojlal Cristo 'ayn̈ec, caw wal niwan, man̈x yalnb'iloc. 19Wach'xam may b'a'n̈ 'oj nachjc 'el cujec, jantc schamc'ojlal cha, palta tzin nib'j tzeyojquej 'eli. An̈jtona', tzin nib'ej tzwach' 'och Dios 'a e pixn si'mb'il.
20A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas. 21Smasnil tiempo, niwn cab' yel'ch Dios cuj an̈ 'ayn̈ xo 'och stz'acb'oc yiglesia tic, yet' pax yuj Cristo Jesús. 'Ixta cab' tz'aji.
Currently Selected:
Ef 3: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Ef 3
3
Yaljnac Pablo yab'x eb' man̈ israeloc
1Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc. 2'In eyojc xoni, chajtlto a Dios, yujn̈ej swach'c'ojlal, xya'n can jun wach' 'ab'x 'a yol in c'ab', yic tzwaln 'el 'a e cal. 3A jun man̈ 'ojcab'ilc xon 'a yic yalan̈, a Dios xch'oxn 'ayin. 'Ix ya'n wojcoc 'eli. Tox xwal jac 'ayx yuj jun tic 'a jun in carta tic. 4Ax yic 'oj eyilnc jun xin tz'ib'j 'at tic, 'oj nachjc 'el eyu'uj, to wojc xo jun tzo'n̈ cuynb'il yic Cristo, yujto 'ac'b'ilx 'ayin. 5A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'. 6Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.
7An xo tic, wach'xam caw man̈ in mojoc, palta ya'jnac Dios wopiso, yic tzwaln 'el jun wach' 'ab'x tic 'a e cal. 'Ixta yutjnacn yet' spoder. 8Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo. 9A Dios b'ojnac smasnil tas. Palta a yic mantzac sb'o'o, snajnac cani, chajtl 'oj yutc ya'n qui colnb'ilec. Yictax pecti', mant 'ic 'ajx 'ojcaxc 'el wal jun tic. Palta a ticnec, ya'jnac wopiso wa'n 'ojcaxc 'eli. 10Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios. 11Yictax mantzac sb'o Dios yolyib'n̈q'uinl tic, snajnac cani tas tzon̈ yutjec. Yuj Cajlil Jesucristo 'ix 'el'ch jun snajnac can cha. 12Yuj Cristo, 'ayx calnec quic caln qui b'a 'a Dios, matz on̈ xiwec, yujto 'aych qui c'ojlec 'a Cristo. 13Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.
A schamc'ojlal Cristo
14Yuj cha, tzin 'em cumn 'a yojltac Dios, [atn 'a Smam Cajlil Jesucristo.] 15A Dios qui Mamec. A ch'oxnb'il yaji, tas yopiso junjn c'aj eb' mamb'il 'a yolyib'n̈q'uinl tic, yet' 'a satcha'an̈. 16Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu. 17Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji. 18Ax swach' nachj 'el eyu'uj, yet' eb' quit creyenteal smasnil, chajtlto a schamc'ojlal Cristo 'ayn̈ec, caw wal niwan, man̈x yalnb'iloc. 19Wach'xam may b'a'n̈ 'oj nachjc 'el cujec, jantc schamc'ojlal cha, palta tzin nib'j tzeyojquej 'eli. An̈jtona', tzin nib'ej tzwach' 'och Dios 'a e pixn si'mb'il.
20A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas. 21Smasnil tiempo, niwn cab' yel'ch Dios cuj an̈ 'ayn̈ xo 'och stz'acb'oc yiglesia tic, yet' pax yuj Cristo Jesús. 'Ixta cab' tz'aji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.