Sal 1
1
SALMO 1
LIBRO 1
(SALMOS 1-41)
Eb tojol c'al eb yobtakwom
1Watx' yet mactxel c'am chi yikej is cuybej eb yob nabal, c'am chi tojcan bay is be eb yobtakwom, tamwal chi yaoc ba xol eb buchwajwom yin Dios.
2A ti yet, a yin cuybej Cham Jehová, a tu' chi yi' is tzalojc'ulal, cac'al ti' naobtanen yet c'ualil, c'al yet ak'balil.
3A jun anima tu' axca wal jun te te' chi eq'uel junok aej yich, tol chi satni yin is tiempoal, c'am bak'in chi takcan el xak. Masanil tzet chi yun jun anima tu', watx'c'al chi yun yelocok.
4A pax eb yob beybal, man cayok tu' eb. Lajan eb yetok matz'il trigo chi ilay bey yuj cak'ek'.
5Yuj wal tu', ok lowcan yin eb yob nabal yet ok oc beyc'ulal. C'am yalon yet eb yobtakwom bay is wajayil eb anima ayoc yin tojolal.
6A Jehová chi ikban eb ayoc yin tojolal, cax chi taynelay eb yuj. Axa wal is be eb anima yob, a chi iontok eb yin c'aybanilal.
Currently Selected:
Sal 1: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989