Salmos 1
1
LIBRO I
SALMOS 1—41
Aju tzalajbil axix toc
1At tzalajbil teju xjal minti' in xi tbi'n cyconsej ke binchal mya ba'n, minti' in bet tuj cybe aj il, ex minti' in cub ke' cyxol ke xjal in che xmayin ti'j Dios,
2nok o'cx in tzalaj ti'j tley Kman Dios, ex cucx in ximan ti'j k'ijl ex konic'an.
3Aju xjal lu ic tten ic tza'n jun wi' tze' awa'n ttzi nima, in tk'o'n twitz tujxix tk'ijlalil ex minti' in tzkij t-xak. Tcyakilju in tbincha'n ba'n nne'la.
4Atzun ke binchal mya ba'n, mya ic cyten, cyja' in che oc ic tza'n mu'p in xi ikan tu'n cyk'ik'.
5Cyja'tzun mlayx che clet ke binchal mya ba'n tuj tk'ijlalil jwisi; ex mlay che ten ke aj il cyxol ke xjal tz'aklxix.
6Porque cwentin keju tz'aklxix tuj cybe tu'n Kman; atzun cye ke mya ba'n, atzun in xi' cybe tuj najen.
Currently Selected:
Salmos 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993