Levítico 1
1
Ke alumaj in che cub patit te oyaj te Dios
1O txocl Moisés tu'n Kman max tuj ja xbalun te mojbabl tibil ex tma:
2Yolina cyuc'il aj Israel ex k'manxa cye cyja': Ka at jun cye ma tzaj tk'o'n alumaj te jun oyaj weye, ba'n tu'n tetz ti'n cyxol ke twacẍ ex ka cyxol ke t-ẍne'l.
3Ka cyxol ke tex twacẍ c'eletz ti'n aju ctzajel tk'o'n weye te jun oyaj patun in cub, il ti'j tu'n ttzaj tk'o'n jun tor minti' ch'in tpaltil. Tu'n tc'monjtz oyaj lu, il ti'j tu'n tcub patit nwitze ttzi ja xbalun te mojbabl tibil, 4ex cbel tk'o'n xjal tk'ab tibaj twi' alumaj. Cyja'tzun cc'monjtzel alumaj ex cnajsetel til xjal. 5C'oquex tkesin xjal tjak' tkul tor nwitze, atzun cye pal tiyjil Aarón, ctzajel cyyec'un chic' nwitze, ex te tibajxi c'oquel cytx'ito'n ti'jele tc'u'j altar aju tcubsa'n ttzi ja xbalun te mojbabl tibil. 6C'elel ti'n ttz'umal ex cbajel tkesin xjal t-ximlal alumaj tuj piẍun, 7atzun cye pal, akeju tiyjil Aarón, cbel cyk'o'n k'ak' tibaj altar ex cbel cybincha'n tten si' tibaj. 8Ex cbel cyk'o'n alumaj tuj piẍun tten, tuc'ix twi', tuc'ix t-sebyil, tibaj k'ak' tjax tibaj altar. 9Ex ax xjal cbajel tx'jonte tuj tc'u'j alumaj tu'n a', cyuc'ix ke tkan; atzunte pal cbel tpatun tcyakil jlu tibaj altar, te jun oyaj patun in cub at tc'oc'jal in chin tzalaje ti'j.
10Ka cyxol ke tex t-ẍne'l ex ka tchip c'eletz ti'n aju ctzajel tk'o'n weye te jun oyaj patun in cub, il ti'j tu'n ttzaj tk'o'n jun tman minti' tpaltil. 11C'oquex tkesin xjal tjak' tkul alumaj nwitze tuj tbank'ab k'ij te altar. Atzun cye pal tiyjil Aarón, cxel cytx'ito'n tchc'el alumaj ti'jele tc'u'j altar. 12Cbajel tkesin xjal t-ximlal alumaj tuj piẍun; atzunte pal cbel tk'o'n chibj kesimaj tibaj si' in c'ant tu'n k'ak' tjax tibaj altar, junx tuc'il twi' ex t-sebyil. 13Ex ax xjal cbajel tx'jonte keju tuj tc'u'j alumaj tu'n a', cyuc'ix ke tkan ex ke tcux; atzunte pal cbel tpatun tcyakil jlu tibaj altar te jun oyaj patun in cub at tc'oc'jal in chin tzalaje ti'j.
14Katzun jun chyu'j ctzajel tk'o'n xjal te toyaj patun in cub te weye, il ti'j tu'n ttzaj tk'o'n jun ẍpo'k ex ka jun tal paloma. 15Ctzajel ti'n pal aju chyu'j, c'elel tjawo'n twi' ex cbel tpatun tibaj altar tel-lenxi tyatz'o'n tchc'el ti'j tc'u'j altar. 16C'eletz ti'n twabl chyu'j tuc'ix tcyakil ttz'ilil at tuj, ex c'elex t-xo'n tumlal tjawitz k'ij te altar, tuj lugar jatum nne'x ket tza'j; 17ex cbel tpic'chu'n ttzi t-xu'c chyu'j ex ctzajel ttzyu'n cyi'j ke tk'ab, pero mi'n cub ti'n tmij, ex te mancbilxitzun cbel tpatun chyu'j te oyaj tibaj si' in c'ant tu'n k'ak' tjax tibaj altar, te jun oyaj patun in cub at tc'oc'jal in chin tzalaje ti'j.
Currently Selected:
Levítico 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993