Daniel 1
1
Pon k'i'n Daniel tuj Babilonia
1Tuj toxin abk'i ttzyetlen tcawin rey Joacim tuj Judá, pon Nabucodonosor aju rey te Babilonia tuj Jerusalén, cyuc'ix ke t-soldad ex baj cytxolban cyib ti'jele tnam. 2Atzunte Kman xi tk'o'n ambil te Nabucodonosor tu'n ttzyet Joacim tu'n ex tu'n cyetz ti'n nimcu macbil tuj tja Dios. Xitzun ti'n Nabucodonosor nimcu xjal pres ex e pon ti'n tuj Babilonia, atzun ke macbil xjan e ocx tk'o'n jatum c'u'n tcyakil k'inumabl tuj tja tdios. 3Ax icx xi tma'n te Aspenaz, aju nejenel cyxol keju at cyoclen ttxlaj rey, tu'n cyetz t-sc'o'n junjun cu'xun cyxol aj Israel, tiyjil rey, ex cyxol mastl xjal ma' cyoclen. 4Akeju cu'xun lu il ti'j minti' ch'in cytzacaj, mejor che que'yin, at cynabl, xnak'tzamaj ke, elni cynic' ti'j tcyakil ex at cynabl tu'n cyajben tuj tja rey; ex tu'n t-xi k'ot xnak'tzbil cye tu'n tel cynic' ti'j cyyol aj Caldey ex ti'j tcyakil u'j at cyuc'il. 5Ax icx xi tma'n Nabucodonosor tu'n t-xi k'o'n cywa cu'xun, tuc'ix cyc'a vin, ic tza'nx te rey twa in baj tcyakil k'ij, ex tu'n t-xi k'o'n xnak'tzbil cye tuj ox abk'i, ex octzun tjapun ox abk'i cyu'n, ax tu'n cycyaj ten ttxlaj rey te ajbel te.
O ten Daniel cyuc'ix ke tuc'il tuj tja rey
6Cyxol ke cu'xun lu, attok cyaje cu'xun aj Judá ke, ex atzun cybi jlu: Daniel, Ananías, Misael ex Azarías. 7Atzunte nejenel cyxol keju at cyoclen ttxlaj rey baj tch'expu'n cybi: Ate Daniel, Beltsasar tbi oc tk'o'n; atzunte Ananías, Sadrac tbi oc tk'o'n; atzunte Misael, Mesac tbi oc tk'o'n; ex atzunte Azarías, Abed-nego tbi oc tk'o'n. 8Atzunte Daniel cub t-ximan tu'n mi'n tbaj ttz'ilsan tib tu'n tchi rey ex mi tu'n tc'a vin, tu'ntzun mi'n tic' tibaj tley Dios, ex xi tkanin te nejenel cyxol keju at cyoclen ttxlaj rey tu'n mi'n toc lajwersin tu'n tbaj ttz'ilsan tib tu'nju tnic'bebl rey. 9Nok tu'n t-xtalbil Dios ba'n ela tnabl Daniel tuj twitz ju nejenel cyxol keju at cyoclen ttxlaj rey, 10pero xi tma'n te Daniel:
—In chin xobe twitz rey aju npatrone, porque ma tzaj tma'n weye alcye cywaye ex alcye cyc'aye tu'n t-xi'. Katzun ma che ilwaje tu'n myalnix che que'yine cywitz mastl cu'xun junx cyabk'iyle cyuc'il, noklo tu'n cylaje jacu chin cub byo'ne tu'n, chi nejenel.
11Xitzun tma'n Daniel te mayordom, aju otok tz'oc k'o'n tu'n nejenel cyxol keju at cyoclen ttxlaj rey tu'n cyoc cwentin Daniel, Ananías, Misael ex Azarías tu'n:
12—In chin cubsane twitza tu'n tprobarina laj k'ij ki'je, ako'ye ajbel teya; nok o'cx k'oncuya tcyakil txcaj twitz awal te kchi'ye ex nok a' kc'aye k'ontza. 13Tbajlenxitzun laj k'ij, que'yin oca kwitze cyuc'il ke mastl cu'xun in che wa'n ti'j twa rey, tu'ntzun tel tnic'a ti'j alcye ke mas mejor che que'yin, ex binchamtzuna ki'je nok alcye ba'n tuj twitza, chi Daniel.
14Ba'n ela jlu tuj twitz mayordom ex e oc tk'o'n ke cu'xun tuj malbil tuj laj k'ij. 15Tbajlenxitzun laj k'ij, akeju cu'xun lu mas tbanilxix che que'yin ex mas at cyipun cywitz cycyakil cu'xun in che chyo'n ti'j chibj ic tza'n te rey in xi' tu'n. 16Cyja'tzun, minti'tl xi tk'o'n mayordom tnic'bebl rey te cywa ke cu'xun lu, nok o'cx xi tk'o'n cye, tcyakil txcaj twitz awal ba'n tchyo'njtz.
17Xi tk'o'n Dios cysec'al ex cynabl cyaje cu'xun lu tu'n tel cynic' ti'j tcyakil txcaj libro ex ti'j tcyakil ojtzkibl. Ax icx el tnic' Daniel ti'j ti t-xilen tcyakilju in tzaj yec'un cye xjal ic tza'n tuj witzic' ex ti'j tcyakil txcaj witzic'. 18Tejtzun tjapun baj ox abk'i, aju otok tzaj tma'n rey tu'n cypon yec'baj ke cu'xun, ate nejenel cyxol keju at cyoclen ttxlaj rey e je'x ti'n ke cu'xun lu twitz rey. 19Octzun ten rey yolil cyuc'il, ex cyxol cycyakil ke cu'xun minti' pon juntl ic tza'n te Daniel, Ananías, Misael ex Azarías; cyja'tzun, ax e cyaj ten ke cyaje cu'xun lu ajbel te rey. 20Tej toc ten rey xjelil cye ti'j junjun yol taj nim nabl ex nim ximbetz tu'n tel nic'baj cyi'j, atzun el tnic' cyi'j ka at mas cynabl cywitz cycyakil ke chman ex keju ba'n che k'ijin ate' tuj tcyakil lugar jatum in cawin rey. 21Axtzun cyaj ten Daniel tejxi ttzyet tcawin Ciro.
Currently Selected:
Daniel 1: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993