Bixonic Tak 1
1
Bixonic quech tak ri bix
1 # 1.1 “Aj Salomon” cuya' xukuje' je u bixic wa': “yo'm che ri Salomon”. # 1.1 Ri Salomon xebusuc'umaj jun mil job bix: 1 R 4.32. Ri sibalaj je'l na chquiwäch tak ri e u bix ri Salomon.
Nabe bix
Ri ixok xubij:
2“¡Chaya' nu chi' cumal ri e a chi'!
E qui' na chuwäch ri u wa'l uva
ri e awajwanic,
3Ri e a c'oc'al sibalaj e je'l na
che ri nu sikbal,
ri a bi' c'oc'al ri jamin.
¡Rumal c'u ri', catcaj ri ixokib!
4¡Ruc' aninakil
chinac'ama' bic awuc'!
¡Chinac'ama' bic o ajawinel,
pa tak ri e a jekelibal!”
Ri e rachil xquibij:
“Awuc' cujejajat wi na;
e c'o na ri e u rayixic
tak ri e awajwanic chke
chuwäch ri u wa'l uva.
¡Jacha' ba' catcaj ri ixokib!”
Ri ixok xubij:
5“Ixokib aj Jerusalen,
in räxbak'alic in c'u ne je'lic;
räxbak'alic jacha'
tak ri e qui cäbal tak
ri e aj ri Sedar,
je'lic e jacha' ri e u k'atibal
ri Salomon.
6Mixoc il chwe chi in räxbak'alic,
mawi chi c'atisam
ri nu tz'umal rumal ri k'ij.
Ri e nu xibal xeboyowar wuc',
xinquicoj c'u che qui chajixic
ri ticbal tak uva,
¡Are c'u ri kas nu ticbal uva
man xinwilij ta chic!
7 # 1.7 “Chabij chwe, u lok'ok'ebal c'u'x ri nu c'aslemal, ¿Jawije' quebayuk'uj wi tak ri a jumulaj? ¿Jawije' quebac'am wi bic che uxlanem aretak curik ri tiq'uil k'ij? ¿Jas ta che xak quinbinic jacha' jun wacatel, chquinakaj tak ri e qui jumulaj tak ri e awachil?”: Is 39.10-11. # 1.7 Jujun ojer tak Tzij ri Dios je caquibij wa': “wacatel”; ri hebrey je cubij wa': “ch'ukutalic”. Chabij chwe,
u lok'ok'ebal c'u'x ri nu c'aslemal,
¿Jawije' quebayuk'uj wi
tak ri a jumulaj?
¿Jawije' quebac'am wi bic
che uxlanem
aretak curik ri tiq'uil k'ij?
¿Jas ta che xak quinbinic
jacha' jun wacatel,
Chquinakaj tak ri e qui jumulaj
tak ri e awachil?”
Ri e rachil xquibij:
8“We man aweta'm at,
je'lic chquixo'l tak ri je'lic,
Chatakej ri cakan ri jumulaj
chebayuk'uj c'ut
ri alaj tak a q'uisic'
chquinakaj tak ri qui cäbal
ri ajyuk'ab.”
Ri achi xubij:
9“Ri at chwe in, nu lok',
catjunamataj ruc'
ri je'licalaj ati't quiej
re ri u carwaj ri ajawinel paraon.
10¡Sibalaj e je'lic
ri jutak peraj a palaj
chquixo'l ri u wi'tak xquinaj!
¡Sibalaj je'lic ri a kul
chquixo'l tak ri chachal!
11¡Quekaban u wi'
tak a xiquin re k'an puak
quekach'ap tak sak puak chupam!”
Ri ixok xubij:
12 # 1.12 “Joropa' ri cäbeytaj ri ajawinel pa ri mexa, ri nu nard cäc'oc'at ri ruxlab”: Ap 4.11; 5.12. “Joropa' ri cäbeytaj
ri ajawinel pa ri mexa,
ri nu nard cäc'oc'at ri ruxlab.
13Ri nu lok' chwe in
jacha' ri alaj juyat'aj mir
ri c'o amak'el chquixo'l
ri e uwo nu c'u'x.
14Ri quinlok'ok'ej
jacha' ri cotz'i'j pok'
ri c'o chquixo'l ri juwi' tak uva
pa En-gad.”
Ri achi xubij:
15“¡Sibalaj at je'lic nu lok',
sibalaj at je'lic!
¡Ri e a bak'wäch e quieb palomax!”
Ri ixok xubij:
16“¡Sibalaj at je'lic nu lok',
sibalaj at je'lic!”
Ri achi xubij:
“¡Ri k'ayes ri cätojtatic
are ka soc!
17 # 1.17 “Ri e chacalte' tak e are' ri e u temal ri kachoch, ri q'uisis tak, e are' ri e u wi' ri kachoch”: 1 R 6.9. Ri e chacalte' tak
e are' ri e u temal ri kachoch,
ri q'uisis tak, e are' ri e u wi'
ri kachoch.”
Currently Selected:
Bixonic Tak 1: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.