Sal 1
1
Ri qitzij kikoten
1Jebel ruwa-ruq'ij ri wineq
ri man nutzeqelibej ta ri kipixa' ri itzel kik'aslen,
ri man nibe ta chupan ri bey ri kik'uan ri aj-maki',
ni man xjunamatej ta ruwech kik'in ri yech'on itzel chirij ri Dios.
2Pa ruk'exel ri' xa kan rik'in ri rupixa' ri Jehová nikikot-wi.
Ri rupixa' ri Jehová jari' ri nuquqa-rij chi paq'ij chi chaq'a'.
3Re wineq re' kan achi'el k'a jun che' ri tikil chuchi' jun raqen-ya',
ri kan nuya' ruwech toq napon ri ruq'ijul y ri ruxaq kan man yetzaq ta el.
Ronojel ri nuben kan utz k'a nel chuwech.
4Man keri' ta k'a nibanatej kik'in ri yebanon ri etzelal.
Rije' xa e achi'el k'a ri solot ri nuxupupej-el kaq'iq'.
5Roma ri' rije' kan man xkekolotej ta k'a chuwech ri ruq'atoj-tzij ri Dios.
Ni man xkek'oje' ta chikikojol ri choj kik'aslen.
6Roma ri Jehová retaman rubeyal ri kik'aslen ri e choj,
jak'a ri rubeyal ri kik'aslen ri e banoy etzelal xa kan xtik'is.
Currently Selected:
Sal 1: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.