ᐦᐃᑉᕉᐗ 1
1
ᑭᒋᒪᓂᑐ ᑭᑌᑄᑎᑯᓇᐤ ᐅᑯᓯᓴ ᐅᒋ
1ᑭᒋᒪᓂᑐ ᓇᓈᑲᐤ ᐃᔅᐱ ᓀᔥᑕ ᐹᐱᑐᔥ ᑳ ᑮ ᐃᔑ ᐋᔭᒥᐋᑦ ᐌᔅᑲᒡ ᑯᑖᐎᓇᐗ ᐅᑭᔅᑭᐙᐃᑫᐗ ᐅᒋ, 2ᒣᒀᒡ ᐅᐅ ᒫᒋᒡ ᐁ ᑭᔑᑳᑭ ᑭ ᑮ ᐋᔭᒥᐃᑯᓇᐤ ᐅᑯᓯᓴ ᐅᒋ, ᑳ ᑮ ᐸᑭᑎᓈᑦ ᑭᒋ ᑎᐯᓕᑕᒥᓕᒋ ᒥᓯᐌ ᑫᒀᓇ, ᐁᐗᒀᓂᐃ ᓀᔥᑕ ᑳ ᑮ ᐅᒋ ᐅᔑᑖᑦ ᐊᔅᑭᔭ; 3ᐊᓇ ᐁ ᐙᓯᓱᑦ ᐅ ᑭᔅᑌᓕᑖᑯᓯᐎᓂᓕᒃ, ᓀᔥᑕ ᒥᑐᓂ ᐁ ᓇᔥᐱᑕᐙᑦ ᐁ ᐃᔑᓈᑯᓯᓕᒋ, ᓀᔥᑕ ᐁ ᓯᑐᓇᒃ ᒥᓯᐌ ᑫᒀᓇ ᐅ ᓱᑳᑎᓯᐎ ᐋᔭᒥᐎᓂᓕᐤ ᐅᒋ, ᐃᔅᐱ ᐎᓚ ᑫᒋᐙᒃ ᑳ ᑮ ᐃᑲᑌᓇᒃ ᑭ ᒪᒋᑣᐎᓂᓇᐗ, ᑮ ᓇᐊᐱᐌᐤ ᐅ ᑭᒋᓂᔅᑮᓕᒃ ᐊᓂᐃ ᒥᔭᐗᒋ ᐃᔅᐯᓕᑖᑯᓯᓕᒋ ᐃᔥᐱᒥᒃ;
ᑭᒋᒪᓂᑐ ᐅᑯᓯᓴ ᐊᐗᓯᑌ ᑭᔅᑭᓯᐤ ᐃᔥᐱᔥ ᐁᓐᒐᓚ
4ᐊᐙᓯᑌ ᐁ ᐃᔅᐯᓕᑖᑯᐋᑲᓂᐎᑦ ᐃᔥᐱᔥ ᐁᓐᒐᓚ, ᑖᐱᔅᑯᒡ ᐅᑦ ᐃᑌᓕᑖᑯᓯᐎᓐ ᐁ ᑮ ᐅᒋ ᑲᔥᑭᑖᑦ ᐊᐙᓯᑌ ᐁ ᑭᔅᑌᓕᑖᑾᓂᓕᒃ ᐃᔑᓂᑳᓱᐎᓂᓕᐤ ᐃᔥᐱᔥ ᐎᓚᐗᐤ᙮ 5ᐌᓴ ᑫᑯ ᐁᓐᒐᓚ ᐎᔅᑳᑦ ᑳ ᐃᑖᑦ, ᑭᓚ, ᓂᑯᓯᔅ, ᐊᓄᒡ ᐁ ᑭᔑᑳᒃ ᑯᑯᓯᓯᒥᑎᓐ? ᒥᓇ ᒫᑲ, ᓂ ᑳ ᐅᑖᐎᒥᒃ, ᐎᓚ ᓀᔥᑕ ᓂ ᑳ ᐅᑯᓯᓯᒪᐤ? 6ᒥᓇ ᒫᑲ, ᐃᔅᐱ ᐱᐁᔕᐙᑦ ᓃᔥᑕᒻ ᓀᑕᐎᑭᓕᒋ ᐅᑕ ᐊᔅᑮᒃ, ᐃᑗᐤ, ᐁᑯᔑ ᒥᓯᐌ ᑭᒋᒪᓂᑐ ᐅᑦ ᐁᓐᒐᓕᒪ ᑲᑕ ᓇᐗᑮᔅᑕᐌᓕᐗ᙮ 7ᐅᒪ ᐃᔑ ᒫᑲ ᐋᓕᒧᒣᐤ ᐁᓐᒐᓚ, ᑳ ᐊᒑᑯᐎᐋᑦ ᐅᑦ ᐁᓐᒐᓕᒪ, ᓀᔥᑕ ᐅᑦ ᐋᔭᒥᐋᐎ ᐊᑑᔅᑫᓛᑲᓇ ᑳ ᐗᓚᑌᐎᐋᑦ᙮ 8ᒫᑲ ᐅᑯᓯᓯᒪᐗ ᐃᑌᐤ, ᑭᑦ ᐅᑭᒪᐗᐱᐎᓐ, ᐅ ᑭᒋᒪᓂᑐ, ᑳᑭᑫ ᓀᔥᑕ ᑳᑭᑫ ᑲᑕ ᐃᑕᑾᓐ: ᒀᔭᔅᑭᑖᑎᓯᐎᓂ ᓭᑉᑕᕐ ᐁᐗᑯ ᑭᑦ ᐅᑭᒪᐎᐎᓂ ᓭᑉᑕᕐ᙮ 9ᑭ ᑮ ᓵᑭᑖᓐ ᒀᔭᔅᑭᑖᑎᓯᐎᓐ, ᓀᔥᑕ ᑭ ᑮ ᐸᒀᑌᓐ ᒪᒑᑎᓯᐎᓐ; ᐁᐗᑯ ᐌᒋ ᑭᒋᒪᓂᑐ, ᑭᓚ ᑭ ᑭᒋᒪᓂᑐᒻ, ᑭ ᑮ ᐅᒋ ᑕᒪᔅᑯᓂᒃ ᓯᑭᓓᓯᐎ ᐱᒥᓕᐤ ᐊᐙᓯᑌ ᑭᒋ ᐃᔅᐯᓕᑖᑯᓯᔭᓐ ᐃᔥᐱᔥ ᑭ ᐎᒉᐙᑲᓇᒃ᙮ 10ᓀᔥᑕ ᒫᑲ, ᑭᓚ, ᑌᐯᓕᒋᑫᔭᓐ, ᒪᐗᒋ ᓃᔥᑕᒻ ᑭ ᑮ ᐅᓚᔅᑲᒥᑭᑎᑖᓐ ᐊᔅᑭ; ᑭᔑᑾ ᓀᔥᑕ ᑭᒋᒋᔭ ᑭ ᐅᔑᑖᒪᑲᓋ᙮ 11ᑲᑕ ᓂᔑᐗᓈᑕᓋ; ᒫᑲ ᑭᓚ ᑫᔮᐸᒡ ᑭᑦ ᐃᑖᓐ; ᓀᔥᑕ ᒥᓯᐌ ᐊᓂᐃ ᑲᑕ ᐊᑎ ᑳᔮᔑᐗᓋ ᑖᐱᔅᑯᒡ ᐊᑯᐅᓐ; 12ᑖᐱᔅᑯᒡ ᓀᔥᑕ ᐎᓛᒋᑲᓐ ᑭ ᑳ ᑎᑎᐱᓀᓐ, ᑲᑕ ᑴᔅᑭᓈᑾᓋ ᒫᑲ: ᒧᔕᒃ ᒫᑲ ᑭᓚ ᑖᐱᔅᑯᒡ ᑭᑦ ᐃᑖᓐ, ᑭᑦ ᐊᔅᑭᐎᓇ ᓀᔥᑕ ᓇᒪᐎᓚ ᑲᑕ ᓄᑌᐸᓕᐗ᙮ 13ᒫᑲ ᑫᑯ ᐁᓐᒐᓚ ᐎᔅᑳᑦ ᑳ ᐃᑖᑦ, ᐊᐱ ᑭᓚ ᓂ ᑭᒋᓂᔅᑮᒃ, ᐹᑎᒪ ᑮ ᐅᔑᐊᑾᐌ ᐊᓂᑭ ᑳ ᐸᒀᑎᔅᑭᒃ ᑭᒋ ᐅᑕᑯᔅᑳᒋᑲᓂᔭᓐ?
14ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?
Currently Selected:
ᐦᐃᑉᕉᐗ 1: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.