ᓂᔥᑕᒻ ᑌᓴᓗᓂᔭᓇ 1
1
1ᐹᓪ, ᓀᔥᑕ ᓵᐃᓚᔅ, ᓀᔥᑕ ᑎᒧᑎ, ᐁ ᒪᓯᓇᐊᒪᐙᒋᒃ ᐊᓂᐃ ᑌᓴᓗᓂᔭ ᒫᒪᐎᐋᔭᒥᐊᐗ, ᑳ ᐃᑖᓕᒋ ᑭᒋᒪᓂᑐᓈᒃ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭:
ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒲᐎᓐ, ᑭᒋᒪᓂᑐ ᐅᒋ ᐌᐅᑖᐎᒪᐎᑦ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭᙮
ᑖᓂ ᐁ ᐃᑎᒋᒃ ᑳ ᑖᐺᔦᓕᑕᑭᒃ ᑌᓯᓗᓂᔭᓇᒃ
2ᒧᔕᒃ ᓂ ᓇᓈᔅᑯᒫᓈᓐ ᑭᒋᒪᓂᑐ ᒥᓯᐌ ᑭᓚᐗᐤ ᐅᒋ, ᐁ ᐋᓕᒧᒥᑕᑾᒃ ᓂᑦ ᐋᔭᒥᐋᐎᓂᓈᒃ; 3ᐁᑳ ᐁ ᐳᓂᑭᔅᑭᓯᔮᒃ ᑭ ᑖᐺᔦᓕᑕᒧᐎᓂ ᐊᑑᔅᑫᐎᓂᐗᐤ, ᓀᔥᑕ ᑭ ᓵᑭᐃᐌᐎᓂ ᐋᐸᑎᓯᐎᓂᐗᐤ, ᓀᔥᑕ ᐁ ᔑᐱᓚᐌᓯᐎ ᒪᒥᔑᑐᑕᐌᒃ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᐁ ᑲᓇᐙᐸᒥᑖᒃ ᑭᒋᒪᓂᑐ ᑯᑖᐎᓇᐤ; 4ᐁ ᑭᔅᑫᓕᑕᒫᒃ, ᓂᒋᔖᓂᑐᒃ ᑳ ᓵᑭᐃᑖᒃ ᑭᒋᒪᓂᑐ ᑭ ᐌᐌᓛᐸᒥᑯᓯᐎᓂᐗᐤ᙮ 5ᐌᓴ ᓂ ᒥᓗᐋᒋᒧᐎᓂᓈᓐ ᓇᒪᐎᓚ ᐱᑯ ᐊᔮᒥᐎᓂᒃ ᑭ ᑮ ᐅᑎᑎᑯᓇᐗᐤ, ᒫᑲ ᑲᔥᑭᐅᐎᓂᒃ ᐊᓯᒋ, ᓀᔥᑕ ᐸᓓᑭ ᐊᒑᑯᒃ, ᓀᔥᑕ ᒥᔅᑕᐃ ᑫᒋᓇᐅᐎᓂᒃ; ᐁ ᐃᔑ ᑭᔅᑫᓕᑕᒣᒃ ᑳ ᑮ ᐃᔑᑣᔮᒃ ᐃᑕ ᐁ ᐃᑖᔦᒃ ᑭᓚᐗᐤ ᐅᒋ᙮ 6ᓀᔥᑕ ᒫᑲ ᑭ ᑮ ᓄᔅᐱᓇᔑᓈᓐ, ᓀᔥᑕ ᐅᑎᐯᓕᒋᑫᐤ, ᐁ ᑮ ᐅᑎᓇᒣᒃ ᐋᔭᒥᐎᓐ ᒥᔅᑕᐃ ᑲᑾᑕᑭᓯᐎᓂᒃ, ᐁ ᒥᓚᐙᑕᔦᒃ ᐯᓓᑭᓯᑦ ᐊᒑᒃ: 7ᐁᑯᔑ ᒫᑲ ᑭ ᑮ ᑭᔅᑭᓄᐙᐸᒥᑯᐗᐗᒃ ᒥᓯᐌ ᐊᓂᑭ ᑳ ᑖᐺᑕᑭᒃ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ᙮ 8ᐌᓴ ᑭᓚᐗᐤ ᐅᒋ ᑮ ᐅᒋ ᓄᑖᑾᓂᓕᐤ ᐅᑦ ᐋᔭᒥᐎᓐ ᐅᑎᐯᓕᒋᑫᐤ, ᓇᒪᐎᓚ ᐱᑯ ᒫᓯᑐᓂᔭᐃᒃ ᓀᔥᑕ ᐊᑳᔭᐃᒃ, ᒫᑲ ᒥᓯᐌ ᐃᑌ ᓀᔥᑕ ᐁ ᐃᔑᑖᐺᔦᓕᒣᒃ ᑭᒋᒪᓂᑐ ᒥᓯᐌ ᐗᓴᓶᐸᓕᐤ; ᑳ ᐅᒋ ᐁᑳ ᓇᑕᐌᓕᑖᑯᓯᔮᒃ ᐙᔦᔥ ᑭᒋ ᐃᑗᔮᒃ᙮ 9ᐌᓴ ᐎᓚᐗᐤ ᑫᒋᐙᒃ ᓂ ᐙᐸᑎᓕᑯᓈᓇᒃ ᑳ ᑮ ᐃᔑ ᐱᑐᑳᑖᒃ, ᓀᔥᑕ ᐁ ᑮ ᐃᔑ ᑴᔅᑭᑳᐸᐎᔅᑕᐌᒃ ᑭᒋᒪᓂᑐ ᐁ ᓇᑲᑌᑾᒃ ᒪᓂᑐᑳᓇᒃ, ᑭᒋ ᐊᑑᔅᑫᔅᑕᐌᒃ ᐯᒫᑎᓰᑦ ᑖᐺ ᑭᒋᒪᓂᑐ; 10ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮
Currently Selected:
ᓂᔥᑕᒻ ᑌᓴᓗᓂᔭᓇ 1: MCNT91
Highlight
Share
Copy
Want to have your highlights saved across all your devices? Sign up or sign in
The text of the Bible in Moose Cree is in the public domain.
Moose Cree New Testament © Canadian Bible Society, 1991.