1 Jn 1
1
Joñe'me jo'ne jalchi'ena 'uo joca'li yemta
1Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic. 2Dojo' 'noyaĝac ca'li naloĝola't qama'le jauanaĝa, nach'eda ja'aĝataqatac nayi; nataq'aen ami jechoĝotaqatapema dojo' 'noyaĝac jo'ne yataqatelegue, da'me jo'ne jalchi'ena ue'tajop ñe'me Qadet'a nataq'aen da'me jo'ne qo'mi naloĝonouelo. 3Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo. 4Chane'eja jedaĝañi da'me dojo' qaedi da'me qadamaic male qadalochigui.
Gaa'me qadoeco male qoyapalaĝa't
5Dojo' 'naqataĝanaĝac jo'ne Jesucristo qo'mi yapaĝagueneque nataq'aen queda'me ami jechoĝotaqatapema: ñe'me Dios mach'e yoqochiñe qa'a yataqachiñe ja 'nalegue, nataq'aen qaya'te gamachaqaega 'lalaĝa ta'le ue'tot joñe'me.
6Qom 'uo ga'me enaac: “Jema'aguet joñe'me Dios”, qama'te ua'edi maliaĝa quetaue da'me 'lalaĝa, qama'le daa'me 'laqataqa uotaĝa 'lonataqa ja chimadichidiñe. 7Qalaĝaja, qom qolaqataue da'me yoqochiñe, nach'e naq'aeta da'me Dios uetaue da'me yoqochiñe, qama'le 'uo da'me qadaqayayaĝac, nataq'aen male lapalaqate' ena'uaque jodaa'me qadoeco queda'me naliñi qoyen jaga'me letauo' joñe'me Jesucristo jo'ne Lec'oĝot ñe'me Dios.
8Qom 'uo ga'me enaac: “Qaya'te yoec”, qama'le noqovila't nataq'aen da'me eja ja netaye joga'me. 9Qalaĝaja, qom jechoĝotaqa'tape daa'me qadoeco qama'le ñe'me Dios yapalaĝa't ena'uaque jodaa'me, nataq'aen qo'mi nepolidiñe qaedi yiyo'y ena'uac gaa'me jo'ne ja chimadichidiñe. Nach'e naq'aeta qa'a Dios ja doqovinaĝan, dite da'me yataqatelegue joñe'me. 10Qom 'uo ga'me enaac: “Ja jaue gamachaqaega yoec”, qama'le en pecaic joñe'me Dios, nataq'aen maliaĝa ja yaconegueta daa'me 'laqataqa joñe'me.
Currently Selected:
1 Jn 1: TSN
Highlight
Share
Copy
Want to have your highlights saved across all your devices? Sign up or sign in
Nuevo Testament Toba del Oeste © 2010 Sociedad Bíblica Argentina