Masmur 145
145
Ransyeran kangkaman weye AMISY Opamo muiny dave
1Ransyeran kangkaman Daud po ratoe.
# 145:1 Masmur so omamo ransyerano Ibrani akrostik inta mije, weye ntavondi urupijo Ibrani ama ntetebeaje rai. Weramu ayao Yawa ntavondi urupije so rai jewen.Sya Amisy, Winyirati sya Akari Titi pi Winy, syare syo naijaseo titive,
muno syare syo Nya tame rararimbe tutir ntoa nuge nuganui.
2Masyote yanteter risyo nararimbe,
muno syo Nya tame raijaseo titive tutira ntoa nuge nuganui.
3AMISY Wepi panakoeve rave, weti obo Pi mamaisyo aura titive,
Apa panakoeve mamo rarope kakai.
4Susyo mbakipambe iridito wo Nya anakero ndave rararimbe,
muno wo Nya ana ndave makokoive ravovo mai tutir.
5Risyo winatantona tutir bayave,
weye Nya kovo ntiti manakoe rave,
muno Nya anainamo Nyo rarorone manakokoe.
6Nya anakotaro ndave manakokoive mamo indati susyo miridije nto wo ravovo tutir,
muno Nya vambunino manakoe mamo indati syo rariri tutir.
7Indati susye umaso wayao akoeve Nai rave, weye Winyamo ngkov dave,
muno ukinyo manamoto manakoeve rai irati Nya moyare rai.
8AMISY Opamo muiny dave muno aemeno wansai,
Opamo atawandi ngkov dave,
muno Apa muinyo no tawan omamo manakoe tutir.
9AMISY Opamo bekobe irati vatan tenambe mai,
muno Opamo aemeno Apa anakotaro Po ranarije rai vintabo.
10Sya AMISY, anakotar tenambe Nyo ranari mo kove raura seo Nai,
muno Nya kawasae nanawirati matawandi utavondi Nai nanawamo indati wo nararimbe.
11Wo ravov ware Wibuiny irati mbe akarive anakotare rai tenambe ngkov dave
muno wo Nya vambunine raura kakavimbe.
12Indamu vatan tenambe wo Nya ana ndaveti makokoive raen,
muno wo raen Nya mbe akarive anakotare rai tenambe omirati ngko dave.
13Winya mbe akari titive anakotare raije mamo ntoa nuge nuganui,
muno Nya vambunine mamo manya tutir irati susyo miridije nto mai.
AMISY teto Apa urairi rai tenambe tutir,
muno anakotar tenambe Po rave mamo ntairijo Apa muinye rai.
14AMISY Po vatano utatayasyo maijaseo muno Po sopambe mai tutir,
muno Po vatano matawanto maijaseo ti usayae tindimuve.
15Anakotar tenambe njayaisye manaveano AMISY winamen,
muno Nyo anaisye raunanto mai arono ubeke dai.
16Ranivara Winy naneme rarorono mai,
weamo awa anaisyo ubekedaije mamo Nyo raunanto mai.
17AMISY Po anakotar tenambe rave mamaisyo Apa anuga mamaisye rai,
muno Apa muinye no tawan tutiro Apa anakotaro danari rai tenambe.
18AMISY Opamo pararai jirati vatano wo anonae tutire mai,
muno vatano nanawirati wo anajo manuga ntenami rai.
19Wepamo Po vatano arenao bayave ubeaje Ai awa ana ubekedai raunande ti mamaisyo mai,
muno Opamo po vatane awa ana wo ranonae seo Ai raraniv muno Po mapaya irati awa siurije rai.
20AMISY Po vatan tenambe manuga no Ai tugaive mayaranande,
yara vatano wonae Ai nanawamo Po mao.
21Risyamo syare syo AMISY ararimbe tutir,
syare vatan tenambe wo AMISY Apa tamo ndandinit rararimbe tutir ntoa nuge nuganui.
Currently Selected:
Masmur 145: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
