Tutulan Tau Israelen 9
9
Baki’ Musa manjarumang paba’ina i Yahuwe lo’da’
1Jaji manjarum baki’ Musa lo’a tau Israelen, “Na, taantalinganin tau Israelen lo’a jalu kujarumangen,” ingka kenang. “Na di’en, mainso’ to’ manarear sunge Yordankin itiang intama lo’a negeri Kana’an. Laloang to’ iduser barik ambata gulungan suku yang lalako’en inang, tau labi baraa’en, labi bakuasaan lo’in. Banuada’ dinen baraa, kenang bea pakara banuada’ dinen palin balangke, palin tagap sampai mondok lo’a suanen akadenga pakarda’ dinen. 2Bakajung tau lalako’en inang, baraa balangke mantuarina. Ialalo dinen tau Enak asanna, suku raksasa ingka’en dinen. Idalingana bua ikin maminen daawa jarum tau. Intainsi lalo dakule’en malawan lo’a urang Enaken dinen yang palin baraa’en, ingka kenang jaruma yang maminen idalinga ikin. 3Poangsi na’an kenang. Arung itamu jaji ikin di aso di’en kole’a andian yang lamba’en ijolonin, yang tajolo manarearen lo’a sunge Yordan. Yang manjoloiin ialalo dinen i Yahuwe. Awan lalo apiin yang malila’-lila’en angkaanna lo’a rimputen akausen atutung, awan dinen ona’ lamba’a i Yahuwe ijolonin. Ia ona’ yang manampusiin lo’da’, ia yang manaloon. Daikin ona’ to’ maruru lo’da’, to’ manampusi lo’da’ nanna bariaren awan bua bayana i Yahuwe lo’in.
4“Na, ti’ mamin kenang, ti’ mamin daruru barik kole’a i Yahuwe, Alatala yang isembaan ikin, ada’ barik manjarumen ilalam atenin, O Alatala ratina daia mawaan lo’ku’ itiang malalako’i tana’ di’en, kole’a lalo basa tapatku’, ingka kenang nyawanin. Saja okan kenang. Ratina dausera ambata suku di’en ijolonin, kole’a kajau’anda’ yang lolo toen. 5Okan kole’a basanin yang tapaten, okan kole’a balolokin manyuro’ pandenin mala lo’a tana’ dinen laloang lalako’ inangen. Kole’a kajau’anda’ yang maminen lolo to, ialalo daburona. Kole’a itiang pamatang bayana yang dajarumangenjo ijoloon lo’a arabaki’ka’ baki’ Abraham, baki’ Isak nanna baki’ Yakub, yang dajarumangen nanna sumpana. 6Arung itamu jaji ikin. Okan kole’a basa tapatin manyuro’ mainya’ i Yahuwe Alatala yang isembaan ikin mameang tana’ yang maamen lo’in padari daikin ampunaan. Na’an kenang. Kole’a daikin sabenara tau bakarasen jaji atenin,” ingka kenang jaruma baki’ Musa manjarumina lo’da’.
Currently Selected:
Tutulan Tau Israelen 9: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
