Tutulan Tau Israelen 6

Ukum Adata Alatala arung ilola’ani iki’, arung iparajarang lo’a anakka’

4Jaji manjarum baki’ Musa, “Na, taantalinganin ikin ambata anak kanturunanna baki’ Israel,” ingka kenang. “I Yahuwe Alatalaka’ kosan bayu’. Jangka’a dinen sera i Yahuwe yang patuten isemba. 5Pangasaangka’ lo’a na’an pande kurang. Arung sajangka’-jangka’ ateka’ mangasaangen lo’a i Yahuwe, Alatalaka’. Arung sajangka’-jangka’ nyawaka’, sajangka’-jangka’ kajungka’ mangasaangen. 6Ambata parinta kurantangen nannin di aso di’en arung itanami nyawaan. 7Arung iajarang lapoang lo’a araanakin. Nanga adudukin di saonin iparajarang. Nanga lamba’in di dalanen iparajarang. Nanga lenga’in, nanga asadingin, iparajarang. Arung din lapoang itutulen lo’a araanakin,” ingka kenang baki’ Musa parajarina lo’da’.

.....................

20Jaji manjarum baki’ Musa, “Ti’kin ona’ majar lo’a araanakin, ungka’en ona’ andian dakatoanang ratina. Maisi ambata paratoranna i Yahuwe, ingka, ambata parintana nanna ukum adata Alatala yang isembaan iki’ yang darantangen lo’u? ti’ ingka matoana. 21Na, ti’ mamin awan dinen matoana, kenang manyautinin. Kenang ilola’anina iki’ parintana i Yahuwe, kole’a daiki’ ijoloon mamin datiang pangkam kole’a rajaan inang di negeri Mesir. Poangsi daawaki’ minsaluan dari Mesir kole’a i Yahuwe nanna tanganna yang bakarasen, nanna kuasana yang palin baraa’en. 22Di mataka’ bua dapolana ambata tanda panyunyuana nanna jalu laan-laanen. Palin baraa tanda dinen, palin ikatakutangen. Dalao’jo arasina lo’a tau negeri dinen, lo’a rajaan nanna ambata gulungan suang gulunganna, ikin kenang lo’da’. 23Daira dinen daukum, poangsi daiki’ daawaki’ lo’a jalu maamen. Dinen lalo ratina daawaka’ minsaluan lo’a negeri Mesir dinen, to’ datiang mawa lo’ka’ lo’a negeri yang dabayaangen lo’a arabaki’ ijoloon. Maminjo sumpana lo’a arabaki’ka’. Negeri di’en, ingka, to’ dameang lo’da’. 24Dasuro’ki’ arung atakut lo’a i Yahuwe, Alatala yang isembaan iki’. Arung ilola’ani ambata gulungan parintana mainto’ maama lapoang tio’ka’, mainto’ dakatio’ka’ awan bua di aso di’en, ikin kenang. 25Na, ati’en maam-maam sara tio’ka’ ijolona arona i Yahuwe Alatalaka’, sampai akaus ilola’ani ambata gulungan ukum adata di’en awan bua parintana lo’ka’, baru’ki’ padari tau yang tapaten ijolona arona, ikin kenang parajarinin lo’a araanakin yang matoaniin,” ingka kenang baki’ Musa marantang jaruma lo’da’ ambata anak kanturunanna baki’ Israel.

Currently Selected:

Tutulan Tau Israelen 6: EBE

Highlight

Copy

Compare