Tutulan Tau Israelen 28

Andian berkat lo’a tau malola’aniin

15“Jaji to’ daberkatikin ti’kin malola’ani panamuna. Poangsi ati’en na’an ilola’ani panamuna i Yahuwe Alatala yang isembaan ikin, ati’en na’an maam-maam padulinin lo’a parintana nanna paratoranna yang kujarumangen lo’in di aso di’en, to’ dalao’ikin nanna sumpata di’en.”

....................

62“Daikin kapisi ambata bintangen bayu’in, ti’enkin na’an malola’ani ukuma yang datulisangen dinen, ona’ kakapit bua tunannin. Kole’a na’an ilola’ani ikin panamuna i Yahuwe Alatala yang isembaan ikin. 63Awan di mulakata Alatala mainya’a to’ pamaam lo’in manyuro’ lo’in insang bayu’, ati’en na’an ilola’ani panamuna kabalikana daia to’ marusakang lo’in, to’ mangajari lo’in. Darabutkin jaji dari tana’ to’ idintamaien ikin dinen itiang malalako’i.

64“Na, ati’en mamin awan dinen, to’ dambor-amborangkin kole’a i Yahuwe sarara banuaan inyaunga galung suanen. Inang di banua tauen rabarik to’ mangalongkin lo’a ambata gulungan jalu isemba bokanen yang dapolaan dari kayu, yang dapolaan dari batuun, jalu isembaan yang na’anen kala’ itamu ikin tarangkat dari nanna arabakinin. 65Ti’enkin mamin lalako’ di negeri tau, kosan jalu maam idua’angen ikin. Ada’ to’ mamola kosan panyangariananen, tana’ katara jampak kakipi kosan itiang basatiar. I Yahuwe dinen to’ manyuro’ lo’in kalanggangan, manyuro’ alolo’ mataan manyariin lo’a jalu iarapen ikin, manyuro’ putus asa atenin. 66Malam asoon, tio’ atakutkin. Kosan jaji arapan to’ tio’ ti’kin mamin marantang lo’a i Yahuwe,” ingka kenang jaruma baki’ Musa.

Currently Selected:

Tutulan Tau Israelen 28: EBE

Highlight

Copy

Compare