OMAPSALOME 1
1
EMBO LOTETE
(Omapsalome 1—41)
Eendjila mbali
1Omulumenhu omunelao ou, iha ende
pamhangela yovahenakalunga,
ndele iha lyata mondjila yovalunde,
ndele iha kala omutumba mongudu yovasheki;
2ndelenee ha hokwa omhango yOmwene
noku i diladila omutenya noufiku.
3Ndele ye ota ka kala ngaashi omuti,
ou wa twikwa pomatondokelo omeva
ndele tau imifa oiimati yao pefimbo lao,
nomafo ao ihaa lembe.
Naashishe eshi ta ningi, osha fewa.
4Ava vehe na Kalunga hasho ve li ngaho,
ndelenee vo va fa oshipepwalungu, tashi i omhepo.
5Onghee ovahenakalunga metokolo itava ka kanghama mo,
novalunde itava kala mo meongalo lovayuki.
6Osheshi ondjila yovayuki Omwene oku i shii;
ndelenee ondjila yovahenakalunga otai hanauka.
Currently Selected:
OMAPSALOME 1: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.