मती 19

बपायोः रआ बारे ईसु रआ सिछा

(मरकुस 10:1–12)

1ईसु अनेज् रआ सिछा चबा केते गलील बायअटु केते जरदन नाय रआ होनहोंर जहुदिया देस रे सोदोरलेनय। 2अगम भीड़ हुँनि तयोम वेज्‌लेनाकु जोटोः हुँनि होंडे हुँकू नपाय लिड्कुअय।

3तब फरीसीकु हुँनि ठँवरे वेज् कनते हुँनि परखावी तआ हुँकू नोंका सवाल लेदियाकु, “तना अपन लंञी ओका कारन ते हों बय एंडाय उचित इदानआँ?”

4 # अँगन 1:27; 5:2 ईसु उतारा लअय, “तना आपे कपे पढ़ावतना चि सि-सिरजावी, अँगन मियड् कोड़ा-कोड़ी केते बनाव लिड्किनय? 5#अँगन 2:24जोटोः कथालअय, ‘हिना तआ मियड् मरदना अपन आया-बबा बाय केते अपन लंञी सुधा दोहोनय जोटोः हुकिन बनार मियड् गतार पड़ी योअकिन।’ 6हिना तआ हुकिन बरिया कोवन बकिन मियड् गतार रकीन, हिना तआ जे परमेसर जुटाव तड् किना हुकिन मनवाँ अलो छिनगव किन चही।”

7 # नियम 24:1–4; मती 5:31 हुँकू ईसु एडे कथा लआकु, “फिन मुसा तइन तआ लंञी बये बेरा बबाय रआ चिठी एमे तआ हुकुम एम लअय?”

8ईसु हुँकू कथावा लअय, “मुसा दो आपे रआ मन कठोर चलते ही आपे अपन लंञी बाय सकावियापे। बकिन अँगन एतेन नोंका का दोहोलेना। 9#मती 5:32; 1 कोरि 7:10,11इञः आपे सनारीञ कथावा यतपेआ चि बे-लाज काम रआ अलावे एटाः कारन चलते जे अपन लंञी बयेयाय जोटोः एटाः-ई लंञी तुली बियाह योओय हुँनि बे-लाज काम करावेअय।”

10चेलाकु ईसु कथावा लिदियाकु, “अगर मरदना जोटोः लंञी रआ तला रे नोंकन सम्बंध इदानआँ रेदो, अलो बियाहयोः ही अछाआ।”

11ईसु हुँकू कथावा लअय, “गोटे नोआँ दुखमा ककु समझावओ सिरीप हुँनि ही समझावओय। जेकर तआ नोआँ बरदान ञमतना। 12चितानतआचि थोड़ेः एकेन होड़ अया रआ गतार एतेन नपुंसक जनम होयावओ। थोड़ेः एकेन होड़कु ही एटाः होड़कु नपुंसक बनाव तड्कुआ जोटोः थोड़ेः एकेन होड़कु सिरमा राइज रआ चलते बियाह बाय तड्अकु। जे समझाव बुजा योओकु हुँकू समझाव ओपे।”

ईसु सेंगोज् कुइ आसीस लआ

(मरकुस 10:13–16; लुका 18:15–17)

13ईसु ठँवरे होना बेरा थोड़ेः एकेन होड़ सेंगोज्‌कु अगु यतकु दोहोलेनाकु, ताकि हुँकू तेङ रे अती दोहो केते बिनती वाकु। बकिन चेलाकु हुँकू डपोट यातकु दोहोलेनाकु। 14बकिन ईसु कथालअय, “मेंजड़ाकु इञः एडे इकाएर वेज् वाकुपे अलोपे बरजावकु, चितानतआचि सिरमा राइज नीकु मेंजड़ा लेकनकु रआ हके।”

15जोटोः हुँनि मेंजड़ाकु तेङ रे अती दोहो केते होंडे एतेन सेनोःनय।

मोंडोल जवान जोटोः का अन्तोः जीवन

(मरकुस 10:17–31; लुका 18:18–30)

16मियड् होड़ ईसु ठँवरे वेज् कनते कथालअय, “ओय गुरु का अन्तोः अवला जीवन ञम तआ इञः चिताना बढ़ियाँ काम करावेअइञ?”

17ईसु उतारा लअय, “बढ़ियाँ रआ बारे रे इञः चितान तआ सोधव यतिञाम? मियड् अछा इदानआँ! अगर अमः का अन्तोः जीवन रे परोमोः तआ अराव तनाम दो, गोटा हुकुम रआ पलानेमी।”

18 # उठलु 20:13; नियम 5:17; उठलु 20:14; नियम 5:18; उठलु 20:15; नियम 5:19; उठलु 20:16; नियम 5:20 हुँनि ईसु सोधव लअय, “चितान हुकुम?”

ईसु उतारा लअय, “अलो गो-गोज्, अलो बे-लाज कामे, अलो लोकड़े, ठक गोवाही अलो एमे, 19#उठलु 20:12; नियम 5:16; लेबी 19:18अपन अया-बबा तम इजात-कदार किनमी; जोटोः अपन खुड़ी रेनकु सुधा अपन लेका दुलार कुमी।”

20नवजवान कथालअय, “इञः नोआदर गोटा पालन तड्अइञ,” “इञः एडे चितान दुखमा रआ कमी इदानआँ?”

21ईसु हुँनि उतारावा लअय, “अगर अमः पोकता पड़ीयोः तआ अराव तनाम दो जू सेनोःमी, अमः अपन रआ गोटा धनखुरजी केजा केते रंगिज् होड़ ओवाकुमी तब सिरमा रे अमः तआ धनखुरजी ञमेआँ। ताकि इञः रआ तयोम सेनेमी!”

22नोआँ अयुम केते नवजवान कोड़ा अगम माकुल कनते सेनोः यानय, चितानतआचि हुँनि अगम मोंडोल होड़ दोहोलेनय।

23तब ईसु अनेज् चेलाकुइ कथावा लआ, “इञः आपे सनारी कथावा यतपेअइञ चि मोंडोलकु तआ सिरमा राइज रे परोमोः तआ अगम मसकिल इदानआँ। 24इञः नोंका हों कथायाइञ चि मोंडोलकु तआ परमेसर रआ राइज रे परोमोः एतेन सुवा रआ फोंक रे ऊँट परोमोः सेबाहा।”

25नोआँ अयुम केते चेलाकु अगम छकरीत कोते कथा लआकु, “दो फिन ओके पाप एतेन बंचाव सकावओय?”

26ईसु हुँकू पड़ा बोगाः केते कथालअय, “होड़कु तुली नोंका एरो होयवना बकिन दो परमेसर सुधा होयावओ चितानतआचि परमेसर तआ गोटा होयव सकावोओ।”

27तब पतरस ईसु एडे कथालअय, “ञेलेमी, आले गोटा बय केते अमः तयोम ले सेनयतेआ, दो आले तआ चिताना ञमोआँ?”

28 # मती 25:31; लुका 22:30 ईसु अनेज् चेलाकु उतारावा लिड्कुअय, “इञः आपे सनारी कथावा यतपेअइञ। नवाँ जुग रे जब मनवाँ होपोन अपन बड़ाइ रआ राजगदी रे दुड़ूः गोओय, होना बेरा आपे बराह राजगदी रे दुड़ूः कोते इस्राएल रेनकु बराह गोतोर रआ नेयय येआपे। 29जोटोः जे ओके अपन ओड़ाः, अया-बबाकु, कोड़ा बोकोकु कुड़ी बोकोकु, अपन सेंगोज्‌कु चहे अपन खेत इञः ञुमुन तआ बय केदय, हुँनि तआ साव गुना ञमोआ जोटोः का अन्तोः अवला जीवन ञमेअय 30#मती 20:16; लुका 13:30बकिन अगम होड़ जे तयोमोअकु जोटोः जे नहाः तयोम रेकुआ हुँकू मड़ाङोअकु।”

Currently Selected:

मती 19: BIX

Highlight

Copy

Compare