मती 17

ईसु रआ रुप बदलावोः

(मरकुस 9:2–13; लुका 9:28–36)

1छाव रोज तयोम ईसु अनेज् सुधा पतरस, जाकुब जोटोः बोयहा जोहन हुँकू मियड् उसुल सुनसन टोंगरी रे इदी लिड्कुअय। 2हुँकू ठँवरे हुँनि रआ रुप बदलाव यना। हुँनि रआ मेड्-अहा सीञ बोंगा लेका लवकाव यना जोटोः हुँनि रआ गेंदराः मरसाल लेका पुंडीयना। 3अचाका चेलाकु तआ मुसा तुली एलियाह दुखमायोः ञेल लेनाकिन। 4तब पतरस ईसु कथावा लअय, “ओय परभु, नोंडे दोहोन बढ़ियाँ दुखमा हके। अगर अमः चहावओम रेदो, नोंडे पेया तम्बु बनावेअइञ मियड् अमः तआ मियड् मुसा तआ जोटोः मियड् एलियाह तआ।”

5 # अँगन 22:2; सिरिञ 2:7; जसा 42:1; मती 3:17; 12:18; मर 1:11; लुका 3:22; नियम 18:15 # 2 पत 1:17,18 जब हुँनि कथायते दोहोनय चि हुँनि तेङ रे पुंडी रिमील डबना कीदियय जोटोः होना रिमील एतेन नोंका सबद अयुमलेना, “नुई इञः रेनि दुलार होपोन हके, नुई सुधा मुरुक खुस तनाइञ; निई रआ अयुमेपे!”

6चेलाकु नोआँ सबद अयुम केते जोटोः अगम बोरो यनाकु जोटोः हुँकू तबेरते ञुर यनाकु। 7तब ईसु हुँकू ठँवरे वेज् कनते हुँकू छुवाँव लिड्कुअय जोटोः कथालअय, “अलोपे बोरोयोः, बिरीड्पे।” 8हुँकू जब संगील लआकु दो हुँकू तआ होंडे ईसु रआ अलावा ओके हों ककु ञेल लेना।

9जब हुँकू टोंगरी एतेन अड़गुयोन दोहोलेनाकु हिना बेरा ईसु हुँकू हुकुमवा लिड्कुअय, “जबरे मनवाँ होपोन गोज् कोते काय जीवेड् बिरीदोः, तब रे ओके एडे नोआँ दाछ लेना ञेल लआपे होना अलोपे कथाके।”

10 # मला 4:5 नोआँ तयोम चेलाकु ईसु कु सोधव लआ, “धरम पोथी सि-सिखावकु नोंका चितान तआ कथाया चि पहिल दो एलियाह रआ वेजोः जरुरीआ?”

11हुँनि उतारा लअय, “एलियाह जरुड़ वेजोअय,” “जोटोः गोटा सुढरावेअय। 12#मती 11:14बकिन इञः आपेञ कथावायना चि एलियाह दो वेज् तनय। जोटोः हुँकू हुँनि ककु चिनहा लीदिया। जोटोः हुँनि सुधा मनमना बेवहार लआकु। हेनेन लेका मनवाँ होपोन हों हुँकू रआ अती ते दुख सहाव वेज्‌लेनय।”

13तब चेलाकु समझाव लेनाकु ईसु बतिसमा एमी जोहन रआ बारे रे कथा यतेअय।

मुवाँ आतमा ते झपाव लेनी सेंगोज् नपाय लेना

(मरकुस 9:14–29; लुका 9:37–43)

14जब हुँकू भीड़ ठँवरे सोदोर लेनाकु दो मियड् होड़ वेज्‌लेनय, जोटोः ईसु ठँवरे इकड़ुम कोते कथालअय, 15“ओय परभु, इञः कोड़ा होपोन तेङ रे मया योमी! चितानतआचि हुँनि मिरगी योओय। हुँनि रआ हलात अगम बडगाव इदानआँ जोटोः हुँनि घड़ी-घड़ी सेंगेल रे चहे दाअ् रे ञुयोअय। 16इञः नुई अमः रेनकु चेला ठँवरे अगु दोहो लेदियाइञ, बकिन हुँकू ककु नपाय बुजा लीदिया।”

17ईसु उतारा लअय, “ओय का सरीयोःकु जोटोः भटकाव लेनकु, इञः आपे सुधा उकेनाइञ दोहोना? इञः उकेना आपे रआञ सहावेए? मुनि कोड़ा सेंगोज् नोंडे अगुइपे!” 18ईसु मुवाँ आतमा डपोट लअय जोटोः हुँनि कोड़ा सेंगोज् एतेन उडुङ यनाय। हुँनि कोड़ा हेनेन बेरा नपाय यनाय।

19तयोम ते चेलाकु ईसु एसकार ते दोहोलेनय बेरा रे हुँनि ठँवरे वेज् कोते सोधव लिदियाकु, “आले हुँनि मुवाँ आतमा चितान तआ कले उडुङ बेजा लीदिया?”

20 # मती 21:21; मर 11:23; 1 कोरि 13:2 “ईसु हुँकू कथावा लअय, आपे रआ का सारीयोः रआ कमी चलते,” “इञः आपे सनारी कथावा यतपेअइञ अगर आपे रआ सारी राय दना इयान हों दोहोन जोटोः आपे नोआँ पहार पे कथावा चि ‘नोंडे एतेन होंडे सेनोःकोः,’ दो होना सेनोआँ। जोटोः आपे तआ चितानहों असम्भव एरो होयावलेना। 21बकिन नुई बेगर उपास जोटोः बिनती ते एरोय उडुङ लेना।”#17:21 17:21 थोड़ेः एकेन जुनानी बाही रे पद 21 जोरन तड्आ।

दुख सहाव जोटोः जिवेड्-बिरीदोः रआ दुसरा आगमजानी

(मरकुस 9:30–32; लुका 9:43–45)

22जब हुँकू गोटे गलील रे जवार दोहोलेनाकु दो ईसु अनेज् चेलाकु कथावा लअय, “मनवाँ होपोन, होड़कु रआ अती रे एर सबे याकु, 23हुँकू हुँनि गोजेयकु बकिन हुँनि पे रोज रे जीवेड् बिरीदोओय!” नोआँ अयुम केते चेलाकु अगम उदास यनाकु।

सेंड़ा बिनती ओड़ाः रआ मलगुजारी एम

24 # उठलु 30:13; 38:26 हुँकू जब कफरनहूम रे वेज्‌लेनाकु, दो सेंड़ा बिनती ओड़ाः रआ मलगुजारी तसिलदारकु पतरस ठँवरे वेज् कोते सोधव लिदियाकु, “तना आपे रेनि गुरु सेंड़ा बिनती ओड़ाः रआ मलगुजारी काय एमेआ?”

25पतरस उतारा लअय, “आँ, हुँनि एमेअय।”

जोटोः जब पतरस ओड़ाः रे सोदोरलेनय दो। हुँनि कथाय एतेन पहिल रे ईसु हुँनि सोधव लअय, “ओय सिमोन, अमः रआ बिचार चिलकाआ? दुनियाँ रेनि राजा चिलकान होड़ एतेन मलगुजारी अँगावेअय? खुद अपन सेंगोज् एतेन चि एटाःकु एतेन?”

26पतरस उतारा लअय, “एटाःकु एतेन।”

तब ईसु हुँनि कथावा लअय, “तब दो सेंगोज् रआ मलगुजारी एतेन बंचाव यानय। 27बकिन अलङ हुँकू ठोकोर अलो ओवाकु हिनाते कफरनहूम रआ सेंड़ा डहा डुरी रे सेन कोते बनसी गिडीमी, जोटोः जे हकु पहिल रे बझावओय हुँनि सबेमी जोटोः हुँनि रआ अहा चहाबेमी अमः तआ मियड् चंदी रआ ठड़रा टका ञमेआँ। होना उडुङेमी जोटोः इञः रआ जोटोः अमः रआ मलगुजारी हुँकू ओवाकुमी।”

Currently Selected:

मती 17: BIX

Highlight

Copy

Compare