มาระโก 7
7
11 เมื่อพวกฟาริสี กับพวกธรรมาจารย์บางคน ได้มาจากกรุงเยรูซาเล็มพากันมาหาพระองค์ 22 เขาได้เห็นหมู่สาวกบางคนกินอาหารโดยใซ้มือที่เป็นมลทิน คือมือที่บ่ได้ล้างก่อน 33 (เพราะหว่าพวกฟาริสีกับพวกยิวทั้งเบิ่ดยึดถือตามคำบรรพบุรุษที่สอนต่อๆ กันมาหว่า ถ้าบ่ได้ล้างมือตามพิธีอย่างเคร่งครัด เขาอิบ่กินอาหารเลย 44 แล้วเมี่ยเขากลับมาจากตลาด ถ้าบ่ได้ซำละล้างโตก่อน เขากะบ่กินอาหาร แล้วกะธรรมเนียมอื่นๆ อีกหลายอย่างเขากะถือ เซ่นหว่า การล้างโถ้ย เหยือก แล้วกะทองสัมฤทธิ์) 55 พวกฟาริสีกับพวกธรรมาจารย์ถามพระองค์หว่า “เป็นหยังหมู่อของท่านบ่เฮ็ดตามคำสอนที่มาจากบรรพบุรุษ แต่กินอาหารโดยใซ้มือที่บ่ได้ล้าง” 66 พระองค์ตอบเขาหว่า “อิสยาห์ได้ทำนายถึงหมู่คนหน้าสื่อใจคดกะถืกแล้ว คือที่โมเสสได้เขียนไว้หว่า ‘ประซาชนพวกนี้ให้เกียรติเฮาแต่ปาก แต่ใจของเขาห่างไกลจากเฮา 77 เขานมัสการเฮาอย่างบ่ประโยชน์ เพราะหว่าเอาคำสอนของมนุษย์มาแทนคำสอนของพรเจ้า’ 88 หมู่เจ้าทั้งหลายทิ่มคำสั่งของพระเจ้าแล้วกลับไปถือตามคำของมนุษย์ที่เขาสอนต่อๆ กันมาฮั่น” 99 พระองค์เว้ากับเขาหว่า “ดีแท้ๆ ที่หมู่เจ้าได้ทิ่มคำสั่งของพระเจ้าเผี่ยอิได้ถือตามคำสอนที่โตเองฮับมาจากบรรพบุรุษ 1010 โมเสสได้สั่งไว้หว่า ‘จงให้เกียรติพ่อแหม่ของเจ้า’ แล้วกะ ‘ผู้ใดสาปแซ่งพ่อแหม่กะต้องมีโทษฮอดถึงตาย’ 1111 แต่หมู่พวกเจ้ากลับสอนหว่า ‘ผู้ใดอิเว้ากับพ่อแหม่หว่า “หยังข้องข้อยที่เป็นประโยชน์ต่อเจ้า สิ่งฮั่นเป็นโกระบาน”’ (แปลว่าของฮั่นเป็นของถวายให้พระเจ้าแล้ว) 1212 หมู่เจ้าเลยบ่ยอมให้ผู้ฮั้นเฮ็ดหยังไปเป็นของที่ซ่อยเหลียพ่อแหม่ของโตเอง 1313 หมู่เจ้าเลยเฮ็ดให้พระคำของพระเจ้าเป็นหมัน เพราะคำสอนที่หมู่เจ้าฮับมาจากบรรพบุรุษแล้วกะสอนต่อๆ กันไป แล้วกะสิ่งอื่นๆ แบบนี้อีกหลายอย่าง หมู่เจ้ากะยังเฮ็ดกันอยู่” 1414 แล้วพระองค์ได้เอิ้นประซาซนเว้ากับเขาหว่า “หมู่เจ้าจงฟังเฮาแล้วกะเข้าใจเด้อ” 1515 บ่มีหยังที่อยู่ภายนอก ที่เข้าไปภายในโตคนแล้วอิเฮ็ดให้คนฮั่นมีมลทินได้ แต่สิ่งที่ออกมาจากภายในโตคนสิ่งฮั้นแน้วเฮ็ดให้คนเป็นมลทิน 1616 (ไผมีหูฟังได้ ให้ฟังเด้อ") 1717 พอพระองค์ได้เข้าไปในเฮียนพ้นประซาซนแล้ว หมู่สาวกกะได้ถามพระองค์ถึงคำเปรียบเปรยฮั่น 1818 พระองค์จึงเว้ากับเขาหว่า “หมู่เจ้าทั้งหลายกะยังบ่เข้าใจติ เจ้ายังบ่เห็นติหว่า สิ่งใดๆ ที่อยู่ภายนอก ที่เข้าไปภายในคนอิเฮ็ดให้เป็นมลทินบ่ได้ 1919 เพราะหว่าสิ่งฮั่นบ่ได้เข้าไปในใจ แต่ลงไปในท้องแล้วกะถ่ายออกลงส้วมไป” (ที่พระองค์สอนแบบนี้กะเป็นการประกาศหว่าอาหารทุกอย่างบ่มีมลทิน) 2020 พระองค์เว้าหว่า “สิ่งที่ออกมาจากภายในคน สิ่งฮั้นแน้วเฮ็ดให้คนเป็นมลทิน 2121 เพราะหว่าจากภายในคนคือจากใจคน มีความคิดซั่วร้าย การล่วงประเวณี การขี้ลักขโมย การฆ่าคน การผิดผัวผิดเมีย 2222 การโลภ ความอธรรม การล่อลวงเขา ราคะตัณหา อิจสาตาฮ้อน การใส่ความผู้อื่น ความเย่อหยิ่ง ความบัดซบ 2323 สิ่งสารพัดความซั่วนี้เกิดมาจากภายในแล้วกะเฮ็ดให้คนเป็นมลทิน” 2424 พระองค์เลยออกจากม่งฮั่นไปเมียงไทระ กับเมืองไซดอนแล้วเข้าไปในเฮียนม่งหนึ่งเพราะต้องการบ่ให้ไผฮู้ แต่พระองค์อิหลบอยู่่บ่ได้ 2525 ทันใดฮั้นมีผู้หญิงคนหนึ่งมีลูกสาวผีโสโครกเข้าสิงพอได้ยินข่าวพระองค์ กะได้มากราบที่พระบาทของพระองค์ 2626 ผู้หญิงฮั้นมีเซี้ยซาติซีเรียฟีนิเซียเว้าภาษากรีก แล้วนางเว้าอ้อนวอนขอพระองค์ให้ขับผีออกจากลูกสาวของโตเอง 2727 ฝ่ายพระเยซูเว้ากับนางฮั้นหว่า “ให้พวกลูกกินอิ่มก่อน เพราะหว่าถ้าอิเอาอาหารของลูกโยนให้หมากะบ่ควร” 2828 แต่นางตอบหว่า “แม่นแล้วจ๊ะ แต่หมาที่อยู่ใต้โตะฮั้นกะย่อมกินเศษเดนอาหารของลูก” 2929 แล้วพระองค์เว้ากับนางหว่า “เพราะเหตุถ้อยคำเว้านี้กะให้กลับไปเถอะ ผีได้ออกจากลูกสาวของเจ้าแล้ว” 3030 ฝ่ายหญิงฮั้นพอกลับไปยังเฮียนของโตเองกะเห็นลูกนอนอยู่บนที่นอน แล้วได้ฮู้หว่าผีออกแล้ว 3131 ต่อมาพระองค์ออกจากเมียงไทระแล้วผ่านเมียงไซดอน หย่างตามไปทางเมียงทศบุรี มาที่ทะสาปกาลิลี 3232 เขาได้พาผู้ซายหูหนวกเว้าติดอ่างคนหนึ่งมาหาพระองค์ แล้วเว้าขอให้พระองค์วางมือบนผู้ฮั่น 3333 พระองค์เลยได้เอาคนฮั้นออกจากประซาซนไปอยู่ต่างหาก ได้เอานิ้วมือแหย่เข้าในหูของผู้ฮั่น แล้วบ้วนน้ำลายออกเอานิ้วมือจิ้มแตะลิ้นคนฮั้น 3434 แล้วพระองค์กะแหงนหน้าเบิ่งฟ้าสวรรค์ ถอนหายใจเว้ากับคนฮั่นหว่า “เอฟฟาธา” แปลหว่า “จงเปิดออก” 3535 แล้วหูคนฮั้นกะปกติ สิ่งที่ขัดลิ้นฮั่นกะหลุดแล้วเขากะเว้าได้ซัด 3636 พระองค์ได้ห้ามปรามหมู่คนทั้งหลายบ่ให้บอกเรี่ยงนี้แก่ผู้ใดเลย แต่พระองค์ยิ่งห้ามปราม เขากะยิ่งเว้าลือไปถั่ว 3737 คนทั้งปวงกะประหลาดใจเหลียเกินเว้ากันหว่า “พระองค์ได้เฮ็ดแต่สิ่งดีดีทั้งนั้น ได้เฮ็ดคนหูหนวกให้ได้ยิน คนใบ้ให้เว้าได้”
Currently Selected:
มาระโก 7: MARK
Highlight
Copy
Compare
Share
Want to have your highlights saved across all your devices? Sign up or sign in
This translation is © [2025] by [Obedience]. It may not be reproduced in whole or in part in any form or by any means without the prior written permission of [Obedience].
